ꞌLuuka 16:3 - ꞌBuuk cĩ Thõõth cĩ Nyekuci

³ “Ma nĩngaata, ummuk dticciannioohiti nicciee ĩĩ, ‘Lõggõõ cieeg, hogooni occa hutuno? Itiggiawaa bẽrẽ hatĩ baattĩ dtiico nẽ hĩĩnĩ ẽẽtĩ eet ꞌcĩ occa hõllõngaa hũũlũ ngaatĩ hakanniini nẽ tarĩ haꞌngaaõna ngaatĩ occa halaĩ eet buúk.

ꞌLuuka 16:3 ပူးပေါင်းရင်းမြစ်များ

Maatteeo 20:8

“Ma baa utub lõõcĩ, ikia othoothĩk baattĩ manu makayyioohit cĩ dticciannioohu ĩĩnnĩk, ‘Tũũ dticcianniook nẽ ũdũmanuu ꞌrabbẽẽt cĩggĩĩng, ꞌthianaaĩ dticciannioohĩĩ cĩg adtuurna ĩꞌthõng hõdõlan aag iꞌthianaanĩ dtiic ĩĩcĩ oou.’

Maarko 10:46

Baa iita õdõlanit Yeesu hĩ nuyyiook cĩgĩnnĩg ꞌJeriko. Ma baa ĩtĩngaacõ nẽẽ hĩ nuyyiook cĩgĩnnĩg hĩ lothippit ꞌcĩ baa arũmĩ hĩ ĩnõõnnõ ũtũngteek ꞌJeriko, õõt ummuddioothĩk rubenniaahit umwa ꞌcĩ haĩ Bartimeeo ngeertĩ eet ꞌcĩ haĩ Timeeo, iccioloongan ꞌgõõla ngadiiha ala eet.

ꞌLuuka 12:17

Nĩngĩtĩ ammuhi ꞌthĩnĩtatõõ cĩnnĩ aĩnnĩ, ‘Hadĩmani occa hatĩ hutuno hõlõ? Aitioonna bẽrẽ nĩngĩtĩ haarĩkĩĩ haal cĩgannĩg ko tõõ.’

ꞌLuuka 16:2

Nĩngĩtĩ avvaanĩ dticciannioohit tĩho ꞌcieetõõ nẽ ĩĩnnĩk, ‘Ne ꞌcĩ hathihi naa aĩ eeta adĩmani nii ho? ꞌNyahaahaa da ꞌbuuk gõõng ẽhẽẽdĩkĩĩ ꞌrabbẽẽta, hĩnĩngĩtĩ iittiõõ nii hõllõngaa occa aggami dtiic icci.’

ꞌLuuka 16:20

Nẽ baa tarĩ, aaĩ hullahaacĩ umwaa ꞌcĩ haĩ Laaꞌtharõ, ꞌcĩ ara ala ꞌgẽẽn hattũũgaa cĩ araan cĩ eet ꞌcĩ ĩĩn ballioohit ko. Baa ĩĩn Laaꞌtharõ eet ꞌcĩ appiik carrahulit ẽlla vẽlẽk habath dtẽc.

ꞌLuuka 16:22

“Ma baa ho, ikia adaak Laaꞌtharõ nẽ iita ootti aajĩlẽẽta ĩnõõnnõ ngaatĩ aayyi Abũrahamĩ. Ma urutaa cĩnnĩ, ikia adaak ballioohiti tĩho buúk nĩngĩtĩ adaiini.

ꞌLuuka 16:4

Nẽẽthĩ nẽẽꞌthẽk, haga naa ꞌgii ꞌcĩ occa hadĩmani, hátĩ haccamattaawa eeta olooyyiohĩĩ cĩggĩĩng hatĩ hitiggiaĩ.’

ꞌLuuka 18:4

“Abũrĩ hinnia nõõ ꞌgaadĩ ngaatĩ ẽẽlĩ ĩnõõnnõ. Ma uruta ꞌrĩng, ikia ummuk ĩĩ, ‘Tananga aitiõõ naa hõllõngaa hiteelli Nyekuc, hode haallahi eeta,

Yõaannẽ 9:8

Ma ho, ijitto eeta aagõõng aarõõ hĩ rubenniaahit hĩ eet gõõng adtuuha ngaatĩ alaĩ nẽẽ eet ĩĩtõ, “Eet nẽẽꞌthẽk gõõng iccioloongan nẽ ala eet cieeni?”

Dtiicanĩ cĩg ꞌThooyyiahu 3:2

Baa aaĩ eet umwaa ꞌcĩ ahuuli nganĩngĩtĩ arrittiaanĩ, ꞌcĩ irrionganoothĩk hattũũgaa cĩ ꞌCieeth cĩ Nyekuci, ꞌcĩ anneek eeta Hattũũg ꞌcĩ Ẽllẽẽmĩthĩ. Gõõng aarĩhoothĩk tuhuulliahiti tĩho hõdõõkõthĩ hikia hala eet ꞌcĩg aduhun ꞌCieeth cĩ Nyekuci.

Dtiicanĩ cĩg ꞌThooyyiahu 9:6

Nẽẽthĩ ꞌyioko, tĩnga bĩĩt ꞌtaaũnatõõ hũũk heterethoothihii thõõth ꞌcĩ hatĩ õkõ adĩmani.”

2 Tẽꞌthaloonika 3:11

Hõthõõꞌtha naag hoti, hĩnĩngĩtĩ hathĩkna aĩ, aattĩg eeta ũgẽẽgĩ hõrggẽẽnaa cunuung, ꞌcĩg alatan haaga nẽ hõllõngaa adticanni nẽ ara ngaatĩ ẽdtẽbanĩ ꞌgõõnõgĩ dioo.