ꞌLuuka 16:25 - ꞌBuuk cĩ Thõõth cĩ Nyekuci

²⁵ “Ẽdẽcĩ hinnia Abũrahamĩ ĩnõõnnõ anneek, ‘Ẽlẽ, muhunooth, baa ĩĩnĩ nii eet ꞌcĩ aanytĩhoothihii hẽlẽggĩ ꞌcĩg abũnnaa baa nga arugi nẽ baa accananni Laaꞌtharõ, nẽẽthĩ ꞌyioko, accamanoothĩk nẽẽ ngaati nẽ accananĩĩ niina.

ꞌLuuka 16:25 ပူးပေါင်းရင်းမြစ်များ

Maatteeo 27:63

nẽ ĩĩttĩk, “Makayyioohit, hammuhooꞌtha naag thõõth baa aduha oloꞌngiaahiti nicciaa, baa nga arũgĩ aĩ, ‘Urutaa cĩ waathinniook iyyio, arũgna hatĩ nẽẽ daahĩtha tarĩ.’

Maarko 9:45

Nẽ má aaꞌnyi nganiit ꞌthõõtĩ cunni dĩman ꞌthẽccan, ꞌtẽẽdak tuu. Mẽẽn ngaatĩ ahuulẽnĩĩ nẽ uduhunuu rũgẽt ꞌcĩ aalla ooo, hĩllõõan ngaatĩ aꞌnyahĩ ꞌthoo vẽlẽk nẽ udhuhoothihuu ꞌgwoo ꞌcĩ aalla ooo,

ꞌLuuka 16:20

Nẽ baa tarĩ, aaĩ hullahaacĩ umwaa ꞌcĩ haĩ Laaꞌtharõ, ꞌcĩ ara ala ꞌgẽẽn hattũũgaa cĩ araan cĩ eet ꞌcĩ ĩĩn ballioohit ko. Baa ĩĩn Laaꞌtharõ eet ꞌcĩ appiik carrahulit ẽlla vẽlẽk habath dtẽc.

ꞌLuuka 16:23

Ma looccaa cĩ daakiahu, ũũk accananĩ nẽẽ gẽrrẽẽt. Ma baa acĩnoothi hẽẽtkujjieen ko, adtuuhothi hinnia Abũrahaamõ ꞌrẽẽna arũmĩ hĩ Laaꞌtharõ.

ꞌLuuka 16:26

Nẽ nõõ ꞌthẽk dĩdĩ, aaĩ ꞌwoor ꞌcĩ uuthik gẽrrẽẽt hõrggẽẽnaa cĩnaac ꞌcĩ alaammeet, hiittiõõ ẽẽtĩ ꞌcĩ occa aku nĩĩca hode ĩĩcĩ tõõ.’

ꞌLuuka 6:24

“Nẽẽthĩ, pĩĩrnanĩt hĩ ngagiit balliook, hĩnĩngĩtĩ ummuddiaau niig bũnnai cunuung ẽlẽk.

Yõaannẽ 16:33

Baa huduhaahuung naa thõõth icci, hátĩ aaut lõꞌngõõc, hĩnĩngĩtĩ nganĩĩta. Ammũdaannu hatĩ ꞌcannan looccaa nĩĩcĩ. Nẽẽthĩ, aanytĩk ꞌthinneeti cugguung hokomit! Hĩllõõana naa looc nicci.”

Dtiicanĩ cĩg ꞌThooyyiahu 14:22

Baa aaꞌnyĩk nẽẽg ꞌthinneeti cĩg nuyyioohu hokomit nẽ irrioottĩk ĩhõõggõ huꞌthuutti lemiinit. Nĩngĩtĩ aduhaakĩ ĩhõõggõ annẽẽkĩ, “Hippiirria ꞌthẽk nga huduhunit habuccieet cĩ Nyekuci.”

ꞌRooma 8:7

Aaburreek muhẽẽnĩtĩ cĩ ꞌthẽccaanõ hõdõõkõthĩ Nyekuc. Hõllõngaa ẽlẽmĩ nyattal cĩ Nyekuci nẽ hõllõngaa occa adĩman noho ũdũt.

Pilippi 3:19

Hanneekuung, aduhoothĩk hatĩ nẽẽg ꞌgwoyyiaa ꞌcĩ aalla ũdũt! Ala nẽẽg hẽlẽggĩ ꞌcĩg abũraneek eleeti cĩggĩĩng hĩĩ nyekuc cĩnĩĩng nẽ irrianit, hĩnĩngĩtĩ thooꞌthiok ꞌcĩg abathĩ ꞌcĩg adĩman nẽẽgĩ. Hẽlẽggĩ vẽlẽk ꞌcĩg ammuk nẽẽgĩ, ĩĩn hẽlẽggĩ cĩg looc nicci.

1 Tẽꞌthaloonika 3:3

Hõllõngaa hadiimma naag eet umwa hũtũngeek thõõth cĩ Nyekuci, hĩnĩngĩtĩ thooꞌthiok ꞌcĩg abathĩ baag hammũdaanna naaga. Baa agayyu niig buúk jurrung ngaatĩ hatĩ haccananiini naaga.

Ebereei 11:25

Baa ẽlẽmĩ nẽẽ ngaatĩ appĩĩrnanĩ hĩ eet cĩg Nyekuci hõdẽĩ, hĩllõõan ngaatĩ accamanõõthĩkĩ ꞌthẽccaana hĩdĩhĩdĩĩc.

1 Yõaannẽ 2:15

Nẽẽthĩ hoti ho, ma hammĩnannu looc nicci hode hẽlẽggĩ cĩg looc nicci. Hĩnĩngĩtĩ má ammĩnannu niig looc nicci, aitiõõ thĩ hõllõngaa occa ammĩnannu Baangeet.

Terethiinit 7:14

Nẽ hẽdẽca hĩĩnnĩha, “Aga niina.” Nĩngĩtĩ aduhaaka anneeka nẽẽ, “Eet baag ẽmmẽẽthĩ ꞌcannan baa obbi gẽrrẽẽt niccieegi. Ĩtĩllahit nẽẽg ceremwa cĩggĩĩng biyyiẽẽtĩĩ cĩg Mĩꞌnyõõnak.