ꞌLuuka 16:24 - ꞌBuuk cĩ Thõõth cĩ Nyekuci

²⁴ Nĩngĩtĩ avvõõꞌthĩ nẽẽ Abũrahaamõ annẽẽkĩ, ‘Baaba Abũrahaamõ! Tamaatĩhaa baaĩ nuun! ꞌThõõahaa Laaꞌtharõ hikia hokoleek aꞌthiit maamĩtõõ nẽ ĩdtĩlaneeka ahaat maam halalĩĩthanĩ, hĩnĩngĩtĩ aaburii ꞌgwaa ngaati padtahac.’

ꞌLuuka 16:24 ပူးပေါင်းရင်းမြစ်များ

Maatteeo 25:41

“Nẽ aduhaak hatĩ habuui eet ꞌcĩg aattĩg ĩĩcĩ aꞌthiit cĩnnĩ ꞌcĩ hidici ho anneek, ‘Ammanyattĩ hĩ nganĩĩta, niig eeta ꞌcĩg ĩccĩĩttothoothihu ꞌgwoo ꞌcĩ aalla ooo, baa ẽhẽnytaak habu cĩ loriẽẽt ꞌcĩg abathĩ hĩ aajĩlẽẽt cĩgĩnnĩg.

Maatteeo 3:9

Ma hammuku hainnu, ‘Haꞌnyaka nẽẽ naag baangeet cĩnaang Abũrahaamõ.’ Haduhaakuunga! Aga Nyekuci ngaatĩ ũũkcĩ biyyiẽẽn iccig hĩĩtõ lõhõlĩ cĩg Abũrahamĩ.

Maatteeo 5:22

Nẽẽthĩ, haduhaakuung dĩdĩ, má aliilliku niig eet umwa, ooyyu hatĩ lokihooa. Nẽ tarĩ, má akanneeku eet umwa ꞌgiithẽnĩt, occa hatĩ ammũdaannu niig bathi ꞌcĩ ooyyu lokihooa. Má ainnu ĩĩn eet umwaa ꞌgiimwa haaga, obokii hĩ ngagiit ꞌgwaa ꞌcĩ aalla ũdũt.

ꞌLuuka 16:30

“Nĩngĩtĩ annẽẽkĩ ballioohiti Abũrahaamõ, ‘Aitiõõ hõllõngaa occa aaĩ nohotaa nyakangaan, hĩĩ ꞌcĩ õkõ aduhaakĩ ẽẽtĩ umwaa ꞌcĩ adaak ẽlẽk ĩhõõggõ, occa ũũnnĩk nẽẽg ꞌgõõl cĩ ꞌthẽccanẽẽt cĩggĩĩng.’

ꞌLuuka 19:9

Nĩngĩtĩ õthõõthĩ Yeesu aĩnnĩ, “Ikia elliaanĩtĩ kõr icci ꞌcieethaa cĩ, hĩnĩngĩtĩ ĩĩn ẽẽtĩ ciee buúk ngeertĩ Abũrahamĩ.

ꞌLuuka 3:8

Ĩdĩmanit thooꞌthiok ꞌcĩg occa ẽtẽrꞌtha aĩ, ũtũngteehu niig ꞌthẽccanẽẽt cugguung dĩdĩ. Nẽẽthĩ, ma nga hammuku hainnu, ‘Haꞌnyaka baaĩ nẽẽ naag baangeet cĩnaang Abũrahaamõ.’ Nẽ haduhaakuung naa hanneekuung, ũũlũ Nyekuci ngaatĩ occa ũũkcĩ biyyiẽẽn iccig hĩĩtõ lõhõlĩ cĩg Abũrahamĩ.

Yõaannẽ 4:10

Ẽdẽcĩ Yeesu ĩnõõnnõ anneek, “Má gaa nii ꞌbaaninit ꞌcĩ occa aaꞌnyi Nyekuci nẽ agau eet iina ꞌcĩ alayyi nganiit maam ko, occa ꞌyioko alau ĩnõõnnõ haaꞌnyi maam ꞌcĩg rũgẽtaak.”

Yõaannẽ 4:14

Nẽ ẽẽtĩ ꞌcĩ haaꞌnyihi naa maam cĩgannĩg, aitiõõ hatĩ hõllõngaa aam ĩnõõnnõ kõrra tarĩ ũdũt. Aattĩg maama cĩgannĩg ko hĩ maama ꞌcĩg ariha ũꞌngeecaa cĩ hidiowwo nẽ aaꞌnyĩk eet rũgẽt ꞌcĩ aalla ooo.”

Yõaannẽ 7:37

Ma baa kõr ꞌcĩ edecciaaĩ Karrama, ikia ĩtĩnga Yeesu nẽ irrioon moloohaa cobbi ĩĩ, “Má aam eet umwa kõrra, aꞌnyĩĩk hikia hĩ nganĩĩt haaꞌnyĩk maam hũhũdĩ!

ꞌRooma 4:12

Nẽ tarĩ ĩĩ Abũrahaamõ buúk maaꞌnyĩ eet ꞌcĩg etteeddi eleeti nẽ hõllõngaa ĩĩn maaꞌnyĩ eet ꞌcĩg etteeddi eleeti diooni, nẽẽthĩ, ĩĩn maaꞌnyĩ eet ꞌcĩg anũ ꞌgõõl cĩ lemiinit baa aꞌnyak baangẽẽtĩ cĩnaac Abũrahamĩ baa nga hẽttẽẽdĩ ẽlẽ.

2 Tẽꞌthaloonika 1:8

ꞌcĩg aꞌnyak ꞌgwoo ꞌcĩ alanyĩtĩ. Uuk hatĩ Makayyioohiti cĩnaac Yeesu, eet ꞌcĩg hõllõngaa aga Nyekuc nẽ hõllõngaa athĩhĩ nyeemuut cĩnnĩ ꞌcĩ abũnnaa.

ꞌJeemith 2:13

hĩnĩngĩtĩ aitiõõ hatĩ hõllõngaa ammaannothoothĩk ẽẽtĩ ꞌcĩ baa hõllõngaa ammaannĩk ꞌgõõnõgĩ. Nẽẽthĩ, má baa ammaannihi nii ꞌgoonogu, ammaannikii hatĩ Nyekuci nganiit kõr ꞌcĩ hatĩ ẽttẽẽdĩkĩ nẽẽ eet thooꞌthiok.

ꞌJeemith 3:6

Aaĩ ũtũgĩ buúk hĩ ꞌgwaa, ĩĩn nẽẽ ꞌgii ꞌcĩ abathĩ ẽllaa cĩ eeto. Ẽꞌthẽcan nẽẽ ẽlẽ cĩ eeto hũtũrũũr, adhuheek rũgẽt cĩ eeto hũtũrũũr ꞌgwoyyiatõõ, nẽ ũtũũthĩ nẽẽ buúk ꞌgwoyyiaa ꞌcĩ aalla ũdũt.

Terethiinit 19:20

Ma joraa nĩĩca, ikia aggamĩ nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit, ꞌcĩ baa adtican thooꞌthiok ꞌcĩg ĩnaat eeta gẽrrẽẽt, hĩnĩngĩtĩ nyaharahaak. Baa adtican nẽẽ thooꞌthiok tĩko, aĩ hátĩ hĩggõõl eet baag aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ. Ma ho, udhuktoothĩk nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit ko buúk ꞌgelemit cĩ ꞌgwoo ꞌcĩ aaburii padtahac ꞌcĩ aalla ooo.

Terethiinit 20:15

Nẽ eeta vẽlẽk ꞌcĩg baag hõllõngaa eheeddi ꞌthaara cĩggĩĩng ꞌbuuhaa cĩ rũgẽtõ, iita udhuktoothĩk ꞌgelemtaa cĩ ꞌgwoo ꞌcĩ aalla ooo ho.

Terethiinit 22:1

Ma ho, eteretheeha aajĩlõ hidioo umwa ꞌcĩ ariha maama dtaabawaa ꞌcĩ aayyi Nyekuci hĩ Mĩꞌnyõõn. Lĩĩl ꞌcĩ attalĩth maama nẽ ĩĩtõ tẽllĩg thõng. Ĩĩn maama tĩko maam ꞌcĩg aaꞌnyeet rũgẽt.