ꞌLuuka 16:23 - ꞌBuuk cĩ Thõõth cĩ Nyekuci

²³ Ma looccaa cĩ daakiahu, ũũk accananĩ nẽẽ gẽrrẽẽt. Ma baa acĩnoothi hẽẽtkujjieen ko, adtuuhothi hinnia Abũrahaamõ ꞌrẽẽna arũmĩ hĩ Laaꞌtharõ.

ꞌLuuka 16:23 ပူးပေါင်းရင်းမြစ်များ

Maatteeo 11:23

Nẽ niig eeta cĩg Kapernaumĩ, ammuku niig ainnu odongiinnu hatĩ niig õdõlanit hẽẽtkujjieen? Aitiõõ, ooyyu hatĩ niig looccaa cĩ daakiahu. Má baa hĩdĩmattĩ thooꞌthioha baag ĩnaat eeta ꞌtaaũnaa cunuung, ꞌtaaũnaa cĩ ꞌThõõdõmĩ, occa ꞌyioko nga aaĩ ꞌtaaũnĩ niccia hĩĩ noho.

Maatteeo 18:9

Nẽ má aaꞌnyi hẽbẽrẽẽcĩ cunni ꞌthẽccaanõ, ꞌtõkõca nẽ udhuheehu tuu. Mẽẽn ngaatĩ aꞌnyahĩ hebereec hõdẽẽthõng nẽ uuhu hẽẽtahujjieen, hĩllõõan ngaatĩ aꞌnyahĩ hẽbẽrĩ vẽlẽk nẽ udhuhoothihuu ꞌgwoo ꞌcĩ aalla ũdũt.”

Maatteeo 23:33

“Niig lohollia cĩg hũkaaꞌnyanu ho! Alĩĩtannu hatĩ niig ukẽẽnĩt cĩ ꞌgwoo ꞌcĩ aalla ũdũt hutuno?

Maatteeo 5:22

Nẽẽthĩ, haduhaakuung dĩdĩ, má aliilliku niig eet umwa, ooyyu hatĩ lokihooa. Nẽ tarĩ, má akanneeku eet umwa ꞌgiithẽnĩt, occa hatĩ ammũdaannu niig bathi ꞌcĩ ooyyu lokihooa. Má ainnu ĩĩn eet umwaa ꞌgiimwa haaga, obokii hĩ ngagiit ꞌgwaa ꞌcĩ aalla ũdũt.

Maatteeo 5:29

Má aaꞌnyi nganiit hẽbẽrẽẽcĩ cĩ aꞌthiit cobbi ꞌthẽccaanõ, ꞌtõkõcaak tuu. Mẽẽn ngaatĩ adhuhẽẽkĩ ẽlẽ cunni umwa tuu, hĩllõõan ngaatĩ õkõõĩ ẽlẽ hũtũrũũr ꞌgwoyyiaa ꞌcĩ aalla ũdũt.

Maatteeo 8:29

Ma ho, eggerenyit ĩĩtõ, “Adiimi nii hĩ ngagĩĩt neegi Ngeertĩ Nyekuci? Ikia nii uukeet ngagĩĩt nga hũttũbanoothĩk kõrra baa eberriaa ꞌcĩ hatĩ ukẽẽttõ?”

ꞌLuuka 16:24

Nĩngĩtĩ avvõõꞌthĩ nẽẽ Abũrahaamõ annẽẽkĩ, ‘Baaba Abũrahaamõ! Tamaatĩhaa baaĩ nuun! ꞌThõõahaa Laaꞌtharõ hikia hokoleek aꞌthiit maamĩtõõ nẽ ĩdtĩlaneeka ahaat maam halalĩĩthanĩ, hĩnĩngĩtĩ aaburii ꞌgwaa ngaati padtahac.’

ꞌLuuka 16:28

hĩnĩngĩtĩ haꞌnyahi ꞌgotoonoga ꞌtur õlõ. Aꞌnyĩĩk nuun hũũk hirrioonik ĩhõõggõ, hátĩ hiittiõõ hõllõngaa au nẽẽg buúk ngaatĩ ꞌcannaanõ ho.’

ꞌLuuka 8:28

Ma baa adtuuha nẽẽ Yeesu ho, awacak gẽrrẽẽt hẽttẽẽd looc ꞌthõõnĩĩ cĩg Yeesu nẽ ẽggẽrẽny ĩĩ, “Ne ꞌcĩ adiimi nii hĩ nganĩĩt ko Yeesu, Ngeertĩ Nyekuc ꞌcĩ ĩllõõan vẽlẽk? Halayyi baaĩ nuun thõng, ma hadĩmannaa ꞌbuth!”

1 Korinthia 15:55

“ꞌTirrian cĩ daahĩthõõ ho inoo? Ũũk kẽddanĩ cĩ daahĩthõõ ho ĩĩna?”

2 Pẽẽtũrũ 2:4

Hĩnĩngĩtĩ baa hõllõngaa ammaannĩk Nyekuci aajĩlẽẽt baa ẽꞌthẽcanĩ. Baa ẽcẽb nẽẽ ĩhõõggõ muguuratõõ nẽ udhuheek ꞌgwoyyiaa ꞌcĩ aalla ũdũt, ĩꞌthõng kõr ꞌcĩ hatĩ ẽttẽẽdĩ nẽẽ thooꞌthiok cĩggĩĩng.

Terethiinit 20:10

Nĩngĩtĩ adhuhõõthĩkĩ habuui cĩ loriẽẽt ꞌcĩg abathĩ baa ĩggõõl ĩhõõggõ ho, ꞌgelemit cĩ ꞌgwoo ꞌcĩ aaburii padtahac, hõõt hutuuꞌthi hõdẽĩ hĩ nyaharahaak hĩ põrõvẽtaac cĩnnĩ baa ĩĩn oloꞌngiaahit. Accananni hatĩ nẽẽg ĩĩca waathĩn hĩ baalin ooo.