ꞌLuuka 16:2 - ꞌBuuk cĩ Thõõth cĩ Nyekuci

² Nĩngĩtĩ avvaanĩ dticciannioohit tĩho ꞌcieetõõ nẽ ĩĩnnĩk, ‘Ne ꞌcĩ hathihi naa aĩ eeta adĩmani nii ho? ꞌNyahaahaa da ꞌbuuk gõõng ẽhẽẽdĩkĩĩ ꞌrabbẽẽta, hĩnĩngĩtĩ iittiõõ nii hõllõngaa occa aggami dtiic icci.’

ꞌLuuka 16:2 ပူးပေါင်းရင်းမြစ်များ

Maatteeo 12:36

Haduhaakuung naa ngagiita, kõr cĩ decciaanĩt cĩ lootu, etteedothoothĩk hatĩ eet hõdẽĩ hõdẽĩ thooꞌthioha ꞌcĩg baag aduha nẽẽg tahatak.

Maatteeo 20:8

“Ma baa utub lõõcĩ, ikia othoothĩk baattĩ manu makayyioohit cĩ dticciannioohu ĩĩnnĩk, ‘Tũũ dticcianniook nẽ ũdũmanuu ꞌrabbẽẽt cĩggĩĩng, ꞌthianaaĩ dticciannioohĩĩ cĩg adtuurna ĩꞌthõng hõdõlan aag iꞌthianaanĩ dtiic ĩĩcĩ oou.’

ꞌLuuka 12:20

“Õthõõthak hinnia Nyekuci ĩnõõnnõ anneek, ‘Nii ꞌgiiꞌthiahiti! Adaahi hatĩ nii baalin nicci noho. Nganĩ hatĩ ꞌcĩ õkõõĩ ꞌgẽẽn ꞌcĩ ara akũmaneehi nii ho?’

ꞌLuuka 12:42

Ẽdẽcĩ Makayyioohiti Pẽẽtũrũ anneek, “Dticciannioohit thĩ iina ꞌcĩ ẽggẽẽnyĩth nẽ idtican dtiic cĩ makayyioohit cĩnnĩ jurrung, ꞌcĩ aarĩk makayyioohiti hẽbẽk ꞌgõõnõgĩ nẽ aaꞌnyĩk ĩhõõggõ ꞌgẽẽn ꞌthaawaa ꞌcĩ aũlanĩ?

ꞌLuuka 16:1

Ma nĩngaata, uduhaak Yeesu nuyyiook cĩgĩnnĩg ĩĩnnĩk, “Baa aaĩ ballioohiti umwaa ꞌcĩ athĩhĩ aĩ, uranganĩ dticciannioohiti cĩnnĩ ijjio.

ꞌLuuka 16:3

“Ma nĩngaata, ummuk dticciannioohiti nicciee ĩĩ, ‘Lõggõõ cieeg, hogooni occa hutuno? Itiggiawaa bẽrẽ hatĩ baattĩ dtiico nẽ hĩĩnĩ ẽẽtĩ eet ꞌcĩ occa hõllõngaa hũũlũ ngaatĩ hakanniini nẽ tarĩ haꞌngaaõna ngaatĩ occa halaĩ eet buúk.

ꞌRooma 14:12

Nẽẽthĩ hoti ho, haduhaak hatĩ naag hõdẽĩ hõdẽĩ thõõth hĩ Nyekuc, hĩnĩngĩtĩ thooꞌthiok ꞌcĩg hadtican naaga.

1 Korinthia 1:11

ꞌGotoonoga hĩ ngoonoga, baa aduhaaka eeta ũgẽẽgĩ ꞌcĩg au halangatõõ cĩ Keloe anneeka, eggerꞌnyoonnu baa niiga.

1 Korinthia 4:2

Nẽẽthĩ ꞌyioko, adiim eeta baag aaꞌnyĩhoothĩk dtiici hidticanit dtiic cĩnĩĩng jurrung.

1 Korinthia 4:5

Nẽẽthĩ hoti ho, ma hetteeddu thõõth umwa, hatĩ nga hũttũbanoothĩk kõrra, ereeyyio ĩꞌthõng hikia Makayyioohiti. Aku hatĩ appulanaak nẽẽ thooꞌthiok ꞌcĩg ammiꞌthi muguuratõõ battaali nẽ aꞌthalana muhẽẽnĩt cĩ ꞌthinneeti cĩg eetuk. Nẽ kõr niccia, ammũda hatĩ eeta hõdẽĩ hõdẽĩ dĩhĩthẽẽnĩt hĩ Nyekuc.

2 Korinthia 5:10

Hĩnĩngĩtĩ aku hatĩ Krĩstõ iccioloongan dtaabawa nẽ ẽttẽẽd thooꞌthiok cĩggaac cũũmõ cũũmõ, hĩ dtiicanĩ ꞌcĩg baag adĩman ẽẽtĩ baa nga arũgĩ loota nĩnga, adĩman baa nẽẽ thooꞌthiok ꞌcĩg abũnnaa hode thooꞌthiok ꞌcĩg abathĩ.

1 Timotteeo 4:14

Dticcianõõĩ ꞌgẽẽnyĩth baa aaꞌnyi nganiit Lorii ꞌcĩ Ẽllẽẽmĩth kõr baa aggatanni makayyiooha cĩg lemmioohu, hĩ baa aduha nẽẽg thõõthaa baa aaꞌnyĩk Nyekuci ĩhõõggõ.

1 Timotteeo 5:24

Agayyi eet ũgĩ ꞌthẽccanẽẽta cĩggĩĩng nĩĩcĩ noho, nga hõdõlanit kõr ꞌcĩ decciaanĩt cĩ lootu buúk. Nẽ aattĩg eeta ũgẽẽgĩ ꞌcĩg hõllõngaa edeeꞌnyia ꞌthẽccanẽẽta cĩggĩĩng hĩdĩĩkoothong, au edeeꞌnyia uruta ꞌrĩng.

1 Pẽẽtũrũ 4:10

Aꞌnyĩĩk eet hõdẽĩ hõdẽĩ hidticattõõĩ ꞌbaaninit ꞌcĩ baa aaꞌnyĩk Nyekuci ĩhõõggõ heelli ꞌgõõnõgĩ. Idticattõõĩ bũnnai cĩ Nyekuci ꞌcĩ maka gẽrrẽẽt ꞌgõõlaa ꞌcĩ abũnnaa.

1 Pẽẽtũrũ 4:5

Nẽẽthĩ, attacan hatĩ nẽẽg Nyekuc ꞌcĩ aga ngaatĩ ẽttẽẽdĩ thõõth cĩ eet ꞌcĩg arũgĩ hĩ ꞌcĩg adaahito.

Terethiinit 20:12

Nẽ tarĩ, hudtuuha eet baag adaahito ꞌcĩg hidicig hĩ ꞌcĩg obbitig, abĩlĩ muumaa cĩ dtaaba nicci. Nẽ ubbuukti ꞌbuuhẽta ꞌcĩg mẽẽlẽẽgĩ nẽ ikia ubbuuhi ꞌbuuhi cĩ rũgẽtõõ, nĩngĩtĩ etteedini thõõth cĩ eet baag ĩĩn daakiak, hĩ baa ꞌthẽk adtican nẽẽg ꞌgõõlaa ꞌcĩ eheeddi ꞌbuuhatõõ.