ꞌLuuka 16:15 - ꞌBuuk cĩ Thõõth cĩ Nyekuci

¹⁵ Nĩngĩtĩ annẽẽkĩ Yeesu ĩhõõggõ, “Gõõng ꞌthẽk ngagiit ꞌcĩg athĩngõnyannu ainnu abũnnayyu hẽbẽrẽẽnnĩĩ cĩg eet vẽlẽk. Nẽẽthĩ, aga Nyekuci ꞌthinneeti cugguung. ꞌGii ꞌcĩ tiiri hĩ eeta, ĩĩn ꞌgii ꞌcĩ abathĩ hĩ Nyekuc.”

ꞌLuuka 16:15 ပူးပေါင်းရင်းမြစ်များ

Maatteeo 23:5

“Adĩman nẽẽg thooꞌthiok vẽlẽk, aĩ hátĩ hĩcĩtteet eeta. Ecebeek nẽẽg õlẽẽt ꞌcĩg eheedothoothĩk thooꞌthioha cĩg Nyekuci nẽ itihimit ceremwa ꞌcĩg uuttik ꞌcĩg eceboothĩk ꞌlõõrõngĩta ꞌcĩg ẽllẽẽmĩthĩ.

Maatteeo 6:16

“Ma ẽdẽtaannu niig eleeti ꞌgẽẽna, ma haaꞌnyiku muumti cugguung huꞌngurruunyti hĩ oloꞌngiaaha aag gõõng eterꞌtheek eet aĩ, hẽdẽtaanna eleeti ꞌgẽẽna. Haduhaakuung dĩdĩ, ummuddia nẽẽg dũman cĩnĩĩng ẽlẽk.

Maatteeo 6:2

“Nẽẽthĩ, ma eellu pĩĩrnattiaak, ma haduhaaku eet, hĩcĩ adĩman oloꞌngiaaha ꞌCieethinii cĩg Laiittak hĩ ꞌgoolliohĩ, aĩ hátĩ hitingolli eeta ĩhõõggõ. Haduhaakuung dĩdĩ, ummuddia nẽẽg dũman cĩnĩĩng ẽlẽk.

Maatteeo 6:5

“Nẽ má alaiinnu, ma hattiyyu hĩ oloꞌngiaaha aag gõõng ammĩnan ngaatĩ alaiini abĩllĩ ꞌjieena ꞌCieethinii cĩg Laiittak hĩ ꞌgoolliohĩ ngadihẽẽtĩ, aĩ hátĩ hĩcĩtteet eeta. Haduhaakuung dĩdĩ, ũdũmattĩ nẽẽg ẽlẽk.

ꞌLuuka 10:29

Baa adiim ẽtẽrꞌtha ẽẽtĩ nicciee ngaatĩ ĩĩnnĩ nẽẽ eet ꞌcĩ aga nyattal gẽrrẽẽt, nĩngĩtĩ ajini nẽẽ Yeesu tarĩ annẽẽkĩ, “Eet iina ꞌcĩ haaronna ho?”

ꞌLuuka 11:39

Nĩngĩtĩ annẽẽkĩ Makayyioohiti ĩnõõnnõ, “Uuꞌnyu niig Variꞌtheei lohilihilit hĩ hẽddẽmĩ battaali dioo, nẽ ĩĩttõõ ĩĩgĩnnu eet ꞌcĩg abbĩꞌthĩĩ lõbõlõbẽẽꞌthĩt hĩ ꞌthẽccan dioo.

ꞌLuuka 18:11

Õkõ alayyi Variꞌtheeniti ꞌjieena aĩ, ‘Nyekuc, hanneekii ĩlaallẽ, hĩnĩngĩtĩ aitiõõ naa hõllõngaa haaĩ hĩ eeta ũgẽẽgĩ. Aitiõõ naa hõllõngaa hĩgõrꞌthĩ nẽ hõllõngaa hĩĩnĩ lobolobbiaahit nẽ hõllõngaa hattihi ngaaĩ cĩg eetuk nẽ tarĩ hõllõngaa ꞌthẽk haaĩ hĩ luttioohiti cĩ occoro ho.

ꞌLuuka 18:14

Ma ho, uduha Yeesu ĩĩ, “Haduhaakuung dĩdĩ, luttioohit cĩ occoro ho ꞌcĩ aku accamana Nyekuci, baa ikia õbõdõõthĩ ĩĩcĩ olu hĩllõõan Variꞌtheenit. Hĩnĩngĩtĩ ẽẽtĩ ꞌcĩ õdõng ẽlẽ cĩnnĩ ꞌgoonoginni vẽlẽk, arritanniaak hatĩ looc nẽ ẽẽtĩ ꞌcĩ arritan ẽlẽ cĩnnĩ, odoꞌngi hatĩnĩ.”

ꞌLuuka 18:21

Ẽdẽcĩ hinnia ꞌgaalacĩ nicciee aĩ, “Hũnũũhĩha naa ngaatĩ haꞌthũũnnĩ thooꞌthiok iccig vẽlẽk nganĩngĩtĩ hĩĩnnĩ hĩdĩca.”

ꞌLuuka 18:9

Baa aduhaak Yeesu ꞌlimman ꞌcĩ awantoothĩk eet ꞌcĩg ammuk aĩ habũnnayya nẽ atararri ꞌgõõnõgĩ ũgĩ anneek,

ꞌLuuka 20:20

Ma ho, iita akatti ꞌlimmanniooha cĩg nyattaalak hĩ makayyiook cĩg paadĩrꞌnyaannu Yeesu hẽbẽrĩ nẽ itikta eet ꞌcĩg ĩĩn ꞌrootti hotogollioothĩk Yeesu hĩ eeta ꞌcĩg abũnnaa. Baa ẽdẽt nẽẽg Yeesu hatĩ aduha thõõth ꞌcĩ occa aaꞌnyĩk ĩhõõggõ haggamit ĩnõõnnõ nẽ ootti hĩ ꞌgaalac cobbi ꞌcĩ aꞌnyak makaaꞌthĩt hĩ ꞌtirrian ꞌcĩ ẽcẽbĩ eeta.

ꞌLuuka 20:47

Ĩĩn nẽẽg eet ꞌcĩg arratana ngaatĩbõyyĩꞌnya ꞌcieethi nẽ ara agurreek laiinit ĩꞌthõng, hĩnĩngĩtĩ adiim ẽtẽrꞌtha eleeti. Uuki hatĩ eeta ꞌcĩg aattĩg noho gẽrrẽẽt ũdũt.”

Yõaannẽ 2:25

Baa hõllõngaa adiim Yeesu eet umwa huduhaak ĩnõõnnõ thõõth cĩ eetu, hĩnĩngĩtĩ baa aga nẽẽ muhẽẽnĩt cĩnĩĩng vẽlẽk.

Yõaannẽ 21:17

Ma ĩcĩ ĩĩn iyyio cĩnnĩ, õbõdẽẽhĩ Yeesu ijin ꞌThimõõnẽ Pẽẽtũrũ ĩĩnnĩk, “ꞌThimõõnẽ ngeertĩ Yõaannẽ, ammĩnannaa nii nganĩĩta?” Ma nĩngaata, ikia õmmõthĩ Pẽẽtũrũ gẽrrẽẽt ngaatĩ ajini Yeesu ĩnõõnnõ tabattĩ iyyio. Nĩngĩtĩ ẽdẽcĩ annẽẽkĩ, “Makayyioohit, aga nii thooꞌthiok vẽlẽk, aga ngaatĩ hammĩnanni naa nganiita.” Ẽdẽcĩ Yeesu anneek, “Tirok aꞌtha cĩgannĩg.

Dtiicanĩ cĩg ꞌThooyyiahu 1:18

Nẽ hĩnĩngĩtĩ ꞌbaaninit ꞌcĩ ammũda nẽẽ, hĩnĩngĩtĩ ꞌthẽccan cĩnnĩ ho, ũũk ũtũũwa mana. Ma ho, ũũk ẽttẽẽd looc manaa cĩnnĩ happahĩ hẽẽng hulubta hũlũttẽna battaala.

Dtiicanĩ cĩg ꞌThooyyiahu 1:24

Ma ho, alayyio ꞌthooyyiaha vẽlẽk ĩĩtõ, “Makayyioohit, aga nii ꞌthinneeti cĩg eet vẽlẽk. Teretheeheet eet iina ꞌcĩ ẽbẽra nii,

Dtiicanĩ cĩg ꞌThooyyiahu 15:8

Aga Nyekuci ꞌthinneeti cĩg eetuk nẽ ẽlẽm eet ꞌcĩg hõllõngaa ĩĩn ꞌJudeei, ngaatĩ aaꞌnyĩkĩ ĩhõõggõ Lori ꞌcĩ Ẽllẽẽmĩth, hĩ baa aaꞌnyeet ngagĩĩt buúk.

ꞌRooma 3:20

Nẽẽthĩ hoti ho, aitiõõ hatĩ ẽẽtĩ ꞌcĩ adukiaa aĩ abũnnaa muumaa cĩ Nyekuci tõõ, hatĩ anũ nẽẽ nyattal. Nẽẽthĩ, hĩnĩngĩtĩ nyattal, hiita hagaacõ naag ꞌthẽccan.

ꞌRooma 8:27

Nẽ Nyekuci ꞌcĩ aga ꞌthinneeti cĩggaac, aga muhẽẽnĩt cĩ Loriio buúk. Hĩnĩngĩtĩ alaiini Lorii eet ꞌcĩg aꞌnyak lemiinit tabiittaa cĩ Nyekuci.

1 Korinthia 4:5

Nẽẽthĩ hoti ho, ma hetteeddu thõõth umwa, hatĩ nga hũttũbanoothĩk kõrra, ereeyyio ĩꞌthõng hikia Makayyioohiti. Aku hatĩ appulanaak nẽẽ thooꞌthiok ꞌcĩg ammiꞌthi muguuratõõ battaali nẽ aꞌthalana muhẽẽnĩt cĩ ꞌthinneeti cĩg eetuk. Nẽ kõr niccia, ammũda hatĩ eeta hõdẽĩ hõdẽĩ dĩhĩthẽẽnĩt hĩ Nyekuc.

1 Pẽẽtũrũ 3:4

Aꞌnyĩĩk ꞌlẽẽmĩth ꞌcĩ aku ꞌthinneetinii cugguung haaꞌnyuung ngagiit aaut lõꞌngõõc nẽ iittu tarbalĩg. Ĩĩn ciee ꞌlẽẽmĩth ꞌcĩ aalla ĩꞌthõng nẽ accamana Nyekuci gẽrrẽẽt.

1 Pẽẽtũrũ 5:5

ꞌGõõlaa ꞌcĩ aaĩ hoti, niig nyahaappanĩta, itingolli eet ꞌcĩg ĩĩtõ makatĩg hĩ ngagiita, ĩthĩhĩt thõõth cĩnĩĩng. Nẽ idticattoothĩk niig vẽlẽk ꞌgoonogu ꞌthĩnneetinii ꞌcĩg tarbalĩg, hĩnĩngĩtĩ, “Abũrĩ Nyekuci eet ꞌcĩg athĩngõõnyanĩ nẽẽthĩ, aaꞌnyĩk nẽẽ eet ꞌcĩg hõllõngaa athĩngõõnyan bũnnai.”

Terethiinit 2:23

Haruhi hatĩ naa nuyyiook cĩgĩnnĩg hadaahito nẽ hatĩ iita agaacõ lothippiꞌnya cĩg lemmioohu vẽlẽk, ngaatĩ ĩĩnnĩ nganĩĩt ꞌcĩ hatarraabani muhẽẽnĩt hĩ thooꞌthiok vẽlẽk ꞌcĩg aꞌnyak eeta ꞌthinneetinii cĩggĩĩng. Nẽ hatĩ hũdũmana naa eet hõdẽĩ hõdẽĩ ꞌgõõlaa ꞌcĩ adticaniini nẽẽgĩ.