ꞌLuuka 16:14 - ꞌBuuk cĩ Thõõth cĩ Nyekuci

¹⁴ Ma baa athĩhĩ Variꞌtheei thõõth icci ho, iita atararri nẽẽg Yeesu ꞌbuth, hĩnĩngĩtĩ ĩĩn nẽẽg eet ꞌcĩg ammĩnan ꞌrabbẽẽta.

ꞌLuuka 16:14 ပူးပေါင်းရင်းမြစ်များ

Maatteeo 23:13

“Pĩĩrnanĩt hĩ ngagiit ꞌlimmanniook cĩg nyattal cĩ Mũũꞌtha hĩ Variꞌtheei, niig oloꞌngiaaha cieegi! Aꞌnyuuggu niig habuccieet cĩ hẽẽtkujjieen hẽbẽrẽẽnnĩĩ cĩg eetuk. Nẽ aitiõõ niig hõllõngaa occa aduhunnu habuccieet cĩ hẽẽtkujjieen hode ẽlẽmaaku eet ꞌcĩg adiim aduhuni.

Maatteeo 9:24

nĩngĩtĩ annẽẽkĩ, “Õõt battaala, nga hadaak loholeeca, oongi nẽẽ haaga.” Baa hinnia arannĩ eeta Yeesu thõng.

ꞌLuuka 12:15

Nĩngĩtĩ annẽẽkĩ lothippit, “Uꞌthuutti eleeti! Ma hainnu ngaam ngaam, hĩnĩngĩtĩ lõbõlõbẽẽꞌthĩt cĩ hẽlẽggĩ cĩg looc nicci. Aitiõõ ẽẽtĩ hõllõngaa arũgĩ, hĩnĩngĩtĩ baliinit cĩnnĩ.”

ꞌLuuka 20:47

Ĩĩn nẽẽg eet ꞌcĩg arratana ngaatĩbõyyĩꞌnya ꞌcieethi nẽ ara agurreek laiinit ĩꞌthõng, hĩnĩngĩtĩ adiim ẽtẽrꞌtha eleeti. Uuki hatĩ eeta ꞌcĩg aattĩg noho gẽrrẽẽt ũdũt.”

ꞌLuuka 23:35

Baa arannĩ makayyiooha cĩg eetuk Yeesu hẽbẽrẽẽnnĩĩ cĩg lothippit ꞌcĩ baa abĩlĩ nĩngaata aĩ, “Ma gõõng ẽẽla nẽẽ eet hõdõõkõthĩ, aꞌnyĩĩk thĩ da aattĩ hẽẽla ẽlẽ cĩnnĩ kõr nicci, hatĩ ĩĩn Krĩstõ ꞌcĩ ẽbẽra Nyekuci.”

ꞌLuuka 8:53

Arannĩ hinnia eeta Yeesu thõng, hĩnĩngĩtĩ baa agaacõ nẽẽg ngaatĩ adaahĩ loholeec ẽlẽk.

2 Timotteeo 3:2

Ammĩnan hatĩ eeta eleeti cĩggĩĩng ẽmmẽn nẽ ĩmmĩnanit ꞌrabbẽẽt, athĩngõõnyan nẽ uduulito eleeti, odoommi tahatak nẽ iittiõõ hõllõngaa athĩhĩ maajihi nẽ hõllõngaa anneek eet ĩlaallẽ nẽ ũtũbũrĩt ngaatĩ anũĩ thõõth cĩ Nyekuci.

Ebereei 11:36

Baa arannĩ eeta ũgĩ nẽ ommogit ũgĩ thõng nẽ ecebit ũgĩ nyerikooꞌnyanĩ baabuuthatõõ.