ꞌLuuka 15:7 - ꞌBuuk cĩ Thõõth cĩ Nyekuci

⁷ “Haduhaakuunga, ꞌgõõlaa ꞌcĩ aaĩ hoti, aaĩ hatĩ taliiniti cobbi gẽrrẽẽt hẽẽtahujjieen, hĩnĩngĩtĩ ꞌthẽccannioohit hõdẽẽthõng ꞌcĩ ũtũngeek ꞌthẽccan cĩnnĩ, hĩllõõan eet hẽẽn tũrkũwwec hĩ tũrkũwwec ꞌcĩg abũnnaa ꞌcĩg iittiõõ hõllõngaa adiim tũngẽẽnĩt cĩ ꞌthẽccaneetu.”

ꞌLuuka 15:7 ပူးပေါင်းရင်းမြစ်များ

Maatteeo 18:13

Nẽẽthĩ, má ũmmũda nẽẽ aꞌtheet tĩho, haduhaakuung dĩdĩ, occa accamanoothĩk nẽẽ hĩllõõan ngaatĩ aꞌnyahĩ ꞌcĩg ĩĩn hẽẽn tũrkũwwec hĩ tũrkũwwec, baag hõllõngaa aꞌnginoothi.

Maatteeo 3:8

Idticanit thooꞌthiok ꞌcĩg ẽtẽrꞌtha aĩ, ũtũngteehu niig ꞌthẽccanẽẽt cugguung dĩdĩ.

ꞌLuuka 15:10

Haduhaakuunga, ꞌgõõlaa ꞌcĩ aaĩ hoti, atalĩ hatĩ aajĩlẽẽta cĩg Nyekuci, hĩnĩngĩtĩ ꞌthẽccannioohit hõdẽẽthõng ꞌcĩ ũtũngeek ꞌgõõl cĩ ꞌthẽccaneetu.”

ꞌLuuka 15:29

Ẽdẽcĩ hinnia nẽẽ maaꞌnyĩ anneek, ‘Cĩĩn nõõ, hadticanoothikii naa nganiit irkiꞌnyia iccig vẽlẽk hĩ appahaca nẽ hõllõngaa hõjõthẽẽkĩ thõõth cunni ũdũt nẽ ꞌthẽk iittiõõ hõllõngaa aaꞌnyaa tananga mĩꞌnyõõn nẽẽ haaga hadakta hĩ ꞌgoonoga.

ꞌLuuka 15:32

Nẽẽthĩ, hatalit nẽ haccamattoothĩk gẽrrẽẽt, hĩnĩngĩtĩ baa aau ꞌgotonu hĩ ẽẽtĩ ꞌcĩ adaak ẽlẽk nẽ ꞌyioko ũrũga daahĩtha. Baa iꞌnginõõthĩ nẽ ꞌyioko ummuddia.’ ”

ꞌLuuka 15:6

ũũhĩ ĩĩcĩ olu. Nĩngĩtĩ hatĩ õkõ avvaanĩ ꞌgõõnõgĩ hĩ eet ꞌcĩg aarõõ anneek, ‘Iita haccamattoothĩk naag vẽlẽk, hĩnĩngĩtĩ hũmmũda aꞌtheet ꞌcĩ baa aꞌnginoothi.’

ꞌLuuka 15:8

Nĩngĩtĩ aduhaakĩ Yeesu ĩhõõggõ tarĩ annẽẽkĩ, “Ma haꞌnyak ngaa umwaa ꞌrabbẽẽt ꞌcĩg kũtũrĩg õmmõtõ nẽ iꞌnginõõthĩ hõdẽẽthõng, occa õgõõn nẽẽ hutuno? Hõllõngaa occa attũlleek ꞌgwoo nẽ itiwiila ꞌcieeth nẽ atarraaban ĩꞌthõng hũmmũda?

ꞌLuuka 16:15

Nĩngĩtĩ annẽẽkĩ Yeesu ĩhõõggõ, “Gõõng ꞌthẽk ngagiit ꞌcĩg athĩngõnyannu ainnu abũnnayyu hẽbẽrẽẽnnĩĩ cĩg eet vẽlẽk. Nẽẽthĩ, aga Nyekuci ꞌthinneeti cugguung. ꞌGii ꞌcĩ tiiri hĩ eeta, ĩĩn ꞌgii ꞌcĩ abathĩ hĩ Nyekuc.”

ꞌLuuka 5:32

Baa hõllõngaa hakuu naa, hĩnĩngĩtĩ eet ꞌcĩg abũnnaa. Hakuu naa hikia hẽẽla ꞌthẽccanniook hũtũngteek ꞌthẽccanẽẽt cĩggĩĩng.”

ꞌRooma 7:9

Baa harugi naa baa nga haga nyattal. Ma baa hikia hagawa nyattal, ikia ittiran ꞌthẽccanĩ.