ꞌLuuka 15:6 - ꞌBuuk cĩ Thõõth cĩ Nyekuci

⁶ ũũhĩ ĩĩcĩ olu. Nĩngĩtĩ hatĩ õkõ avvaanĩ ꞌgõõnõgĩ hĩ eet ꞌcĩg aarõõ anneek, ‘Iita haccamattoothĩk naag vẽlẽk, hĩnĩngĩtĩ hũmmũda aꞌtheet ꞌcĩ baa aꞌnginoothi.’

ꞌLuuka 15:6 ပူးပေါင်းရင်းမြစ်များ

ꞌLuuka 1:58

Ma athĩhĩ ittioonnioha hĩ eet ꞌcĩg õbõhõõ hĩ ĩnõõnnõ ngaatĩ ammaannĩkĩ Makayyioohiti ĩnõõnnõ ho, iita accamattoothĩk nẽẽg vẽlẽk gẽrrẽẽt.

ꞌLuuka 15:10

Haduhaakuunga, ꞌgõõlaa ꞌcĩ aaĩ hoti, atalĩ hatĩ aajĩlẽẽta cĩg Nyekuci, hĩnĩngĩtĩ ꞌthẽccannioohit hõdẽẽthõng ꞌcĩ ũtũngeek ꞌgõõl cĩ ꞌthẽccaneetu.”

ꞌLuuka 15:24

Baa loholeec ꞌcĩ aggamaawa lõõcĩ cieeni nẽ ꞌyioko aau hĩ ẽẽtĩ ꞌcĩ arũgna daahĩtha. Baa iꞌnginõõthĩ nẽ ꞌyioko, ummuddia.’ Nĩngĩtĩ iꞌthianaanĩ nẽẽg adahĩ karrama.

ꞌLuuka 15:5

Nẽ ꞌthẽk ma ũmmũda, atalĩ hatĩ gẽrrẽẽt nẽ õdõng

ꞌLuuka 15:7

“Haduhaakuunga, ꞌgõõlaa ꞌcĩ aaĩ hoti, aaĩ hatĩ taliiniti cobbi gẽrrẽẽt hẽẽtahujjieen, hĩnĩngĩtĩ ꞌthẽccannioohit hõdẽẽthõng ꞌcĩ ũtũngeek ꞌthẽccan cĩnnĩ, hĩllõõan eet hẽẽn tũrkũwwec hĩ tũrkũwwec ꞌcĩg abũnnaa ꞌcĩg iittiõõ hõllõngaa adiim tũngẽẽnĩt cĩ ꞌthẽccaneetu.”

Yõaannẽ 15:14

Iiginnu niig ꞌgoonoga hatĩ adĩmannu thõõth ꞌcĩ haduhaakuung naana.

Yõaannẽ 3:29

“Hatĩ aꞌthũwanni loholeec ꞌcĩ ngayyi nyahũũtaawa, atalĩ ꞌgoonnia ngaatĩ aayyi nĩngaata, hátĩ hĩthĩk molook cĩ nyattaraanõ. Ĩnõõ ꞌcĩ haccamanõõthĩkĩĩ naa gẽrrẽẽt ko.

Dtiicanĩ cĩg ꞌThooyyiahu 11:23

Ma baa õdõlan Baarnaba nẽ ikia udtuuha bũnnai ꞌcĩ adĩman Nyekuci ho, accamanoothĩk nẽ irrioonĩk ĩhõõggõ haallattia hĩĩtõ lemmiook dĩdĩ cĩg Makayyiooktak ꞌthinneetinii cĩggĩĩng vẽlẽk.

Dtiicanĩ cĩg ꞌThooyyiahu 15:3

Nĩngĩtĩ ĩꞌthõõĩkĩ lothippiti cĩ lemmioohu ĩhõõggõ ꞌgõõl hõõt. Ma baa õdõlanit nẽẽg looc cĩ Venicia hĩ looc cĩ Thamaria, õõt uduktaak eet ꞌgõõl ꞌcĩ baa ẽlẽmmĩ eeta ꞌcĩg hõllõngaa ĩĩn ꞌJudeei Nyekuc. Baa aaꞌnyĩk nyeemuut ciee nuyyiook cĩg Makayyioohit Yeesu haccamattoothĩk gẽrrẽẽt.

Pilippi 1:4

Ma halayyi naana, halaiinnuung ngagiit vẽlẽk hõdõõkõthĩ taliitta,

Pilippi 2:17

Aaĩ lemiiniti cunuung hĩ dtiic cunuung hĩ ꞌgaarrieeniti ꞌcĩ aaꞌnyĩhoothĩk Nyekuc. Tananga hudduuttoothĩk biyyieeta cĩgannĩg buúk hĩ ꞌgaarrieenit hõdẽĩ, hatali hatĩ gẽrrẽẽt hĩ ngagiita.

Pilippi 4:1

Nẽẽthĩ hoti ho, ꞌgotoonoga hĩ ngoonoga ꞌcĩg hammĩnani, aallattia uꞌthuutti thõõth cĩ Makayyiookto jurrung. Hammĩnannuung naa ngagiit nẽ hadiimi hakuu hacinnuunga. Hirriani naa hõdõõkõthĩ nẽ hatala, hĩnĩngĩtĩ ngagiita.

1 Tẽꞌthaloonika 2:19

Ma uppwaanna Makayyioohiti Yeesu, ngagiit hatĩ dioo ꞌcĩg aaꞌnyeetu ngagĩĩt muhẽẽnĩt ꞌcĩ abũnnaa hĩ taliinit nẽ aauttu hĩ bulẽẽnĩtĩ cĩnaang.

1 Pẽẽtũrũ 2:10

Baa nga ĩĩtõ niig eet cĩg Nyekuci baa ĩĩcĩ oou, nẽẽthĩ ꞌyioko, iittu eet cĩgĩnnĩg. Baa nga hatamaatihuung eet umwaa ngagiita, nẽẽthĩ ꞌyioko, ikia atamaatihuung Nyekuci ngagiita.

1 Pẽẽtũrũ 2:25

Baa arahattu niig aauttu hĩ aꞌtha ꞌcĩg iꞌngittõõthĩ thõng, nẽ ꞌyioko, oboddiaau hĩ tũhayyioohit cunuung ꞌcĩ aꞌthuunnuung ngagiita.