ꞌLuuka 15:5 - ꞌBuuk cĩ Thõõth cĩ Nyekuci

⁵ Nẽ ꞌthẽk ma ũmmũda, atalĩ hatĩ gẽrrẽẽt nẽ õdõng

ꞌLuuka 15:5 ပူးပေါင်းရင်းမြစ်များ

ꞌLuuka 15:32

Nẽẽthĩ, hatalit nẽ haccamattoothĩk gẽrrẽẽt, hĩnĩngĩtĩ baa aau ꞌgotonu hĩ ẽẽtĩ ꞌcĩ adaak ẽlẽk nẽ ꞌyioko ũrũga daahĩtha. Baa iꞌnginõõthĩ nẽ ꞌyioko ummuddia.’ ”

ꞌLuuka 15:4

“ꞌYioko haꞌnyak ẽẽtĩ umwaa hõrggẽẽnaa cunuung aꞌtha ꞌmiia hõdẽĩ nẽ iꞌnginõõthĩ hõdẽẽthõng, occa õgõõn nẽẽ hutuno? Ĩcca occa hõllõngaa ũũnnĩk aꞌtha ꞌcĩg ĩĩn hẽẽn tũrkũwwec hĩ tũrkũwwec ko ꞌrõta nẽ idiimõthĩ ꞌcĩ ĩĩn hõdẽẽthõng ko, ĩꞌthõng hũmmũda?

ꞌLuuka 15:6

ũũhĩ ĩĩcĩ olu. Nĩngĩtĩ hatĩ õkõ avvaanĩ ꞌgõõnõgĩ hĩ eet ꞌcĩg aarõõ anneek, ‘Iita haccamattoothĩk naag vẽlẽk, hĩnĩngĩtĩ hũmmũda aꞌtheet ꞌcĩ baa aꞌnginoothi.’

ꞌLuuka 19:9

Nĩngĩtĩ õthõõthĩ Yeesu aĩnnĩ, “Ikia elliaanĩtĩ kõr icci ꞌcieethaa cĩ, hĩnĩngĩtĩ ĩĩn ẽẽtĩ ciee buúk ngeertĩ Abũrahamĩ.

ꞌLuuka 23:43

Nẽ ẽdẽc Yeesu ĩnõõnnõ ĩĩnnĩk, “Haduhaakii dĩdĩ, harũmĩ hatĩ naag hĩ nganiit kõr nicci paradiiꞌthõ.”

Yõaannẽ 15:11

Haduhaakuung naa ngagiit thõõth icci, hátĩ haau taliiniti caannĩ hĩ ngagiita nẽ hátĩ hũttũbanoothĩk taliiniti cunuung.

Eevvetho 2:10

Hĩĩgĩn naag eet ꞌcĩg ẽhẽnyta Nyekuci ꞌcĩg ĩĩn ngeju, baag hẽhẽnytaa haaut hõdẽĩ hĩ Yeesu Krĩstõ, hátĩ hĩdĩmanit dtiicanĩ ꞌcĩg abũnnaa baag ũkũmaneekeet Nyekuci ngagĩĩt baa ĩĩcĩ oou hĩdĩmanit.

Eevvetho 3:7

ꞌBaanittaa cĩ bũnnai cĩ Nyekuci hĩ ꞌtirriaanaa cĩnnĩ ĩcobbi, aaꞌnyĩhoothĩhaa nganĩĩt dtiici ꞌcĩ hadticanõõthĩkĩĩ ĩnõõnnõ nẽ hillimana nyeemuut ꞌcĩ abũnnaa.

1 Tẽꞌthaloonika 1:5

hĩnĩngĩtĩ baa hõllõngaa haꞌnyahaakuung naag ngagiit nyeemuut ꞌcĩ abũnnaa ho utugeetini haaga, baa haꞌnyahaakuung ꞌtirriaanaa ꞌcĩ aku hĩ Lori ꞌcĩ Ẽllẽẽmĩthĩ, hĩ muhẽẽnĩt ꞌcĩ õkõmĩ. Agayyu niig ꞌgõõl baa haattiyyia naag hõrggẽẽnaa cunuung, hĩnĩngĩtĩ ngagiita.

2 Timotteeo 2:26

nẽ hatĩ iita ummuddia nẽẽg thõõth dĩdĩ ꞌcĩ alĩĩtanĩ detiinit cĩ habu cĩ loriẽẽt ꞌcĩg abathĩ, ꞌcĩg baa aaꞌnyĩk ĩhõõggõ hĩĩtõ appahacaaꞌnya ꞌcĩg adticanoothĩk ĩnõõnnõ.

Ebereei 12:2

Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.

1 Pẽẽtũrũ 1:5

Nẽ hĩnĩngĩtĩ lemiinit cunuung ko, aꞌthuunnuung hatĩ ngagiit Nyekuci ꞌtirriaanaa cĩnnĩ, ĩꞌthõng ummuddia elliaanĩt icci, ꞌcĩ ereeyyi, hátĩ hetereꞌthiaa kõr cĩ decciaanĩt cĩ lootu, hátĩ hĩcĩnĩt eeta vẽlẽk.