Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ꞌLuuka 15:28 - ꞌBuuk cĩ Thõõth cĩ Nyekuci

28 “Ma athĩhĩ nẽẽ thõõth icci ho, ikia ĩlĩĩlĩ gẽrrẽẽt hũtũbũr ngaatĩ adukni halang. Nĩngĩtĩ õkõ amammaayanĩ maaꞌnyia.

အခန်းကိုကြည့်ပါ။ ကော်ပီ




ꞌLuuka 15:28
25 ပူးပေါင်းရင်းမြစ်များ  

Ẽdẽcĩ hinnia Nyekuci Yõõna anneek, “Aꞌnyahi nii thõõth umwa ꞌcĩ alĩĩllĩ hẽẽt icci?” Ẽdẽcĩ Yõõna aĩ, “Eei, halĩĩlĩ gẽrrẽẽt hĩcĩ haĩ hadaahi.”


Ma baa aggamit nẽẽg ꞌrabbẽẽt ẽlẽk, iita ongoongoyyieek nẽẽg baattĩ manu.


Baa aku eet umwaa ꞌcĩ adak helleggeri ammũdaak Yeesu nẽ akateek ĩnõõnnõ huruꞌnyia nẽ ĩĩlaleek ĩĩnnĩk, “Má atabi, aꞌnyaa hũbũna.”


Ma ho, õppõdan Yeesu ĩĩ, “ꞌWui niig eeta cĩg ꞌJeruꞌthalẽmĩ, aruku bẽrẽ niig põrõvẽtaaꞌnya nẽ ohoddiaau eet ꞌcĩg ĩꞌthooyyiakuung ngagiita. Hĩĩdĩ naa hõdõõkõthĩ ngaatĩ hadiim halũtaanĩ lõhõlĩ cugguung ngaatĩ hõdẽẽthõng, hĩ gõõng alũtaak tũhũlũc lõhõlĩ cĩgĩnnĩg havvuutõnĩtõõ, aburru hinnia niiga.


Ma nĩngaata, õngõõngõõcõ Variꞌtheei hĩ ꞌlimmanniook cĩg nyattaalak ĩĩtõ, “Aũ ẽẽtĩ ciee ꞌthẽccanniook nẽ udukto hĩ ĩnõõnnõ hõdẽĩ!”


Ẽdẽcĩ dticciannioohiti ĩnõõnnõ anneek, ‘Õbõda ꞌgotonu, nĩngĩtĩ ꞌyioko acuhanẽẽkĩ maaꞌnyu boloothit aa gõõng haaꞌnyĩk naag hĩdĩk, hĩnĩngĩtĩ atalĩ nẽẽ ngaatĩ õbõdaanĩ ꞌgotonu lõꞌngõõc.’


Ẽdẽcĩ hinnia nẽẽ maaꞌnyĩ anneek, ‘Cĩĩn nõõ, hadticanoothikii naa nganiit irkiꞌnyia iccig vẽlẽk hĩ appahaca nẽ hõllõngaa hõjõthẽẽkĩ thõõth cunni ũdũt nẽ ꞌthẽk iittiõõ hõllõngaa aaꞌnyaa tananga mĩꞌnyõõn nẽẽ haaga hadakta hĩ ꞌgoonoga.


nẽ irrioonni hatĩ thõõth cĩ ũũnnõthõõthĩkĩ ꞌthẽccanẽẽta hĩ thõõth ꞌcĩ ammaannothoothĩkĩ eeta loonyini vẽlẽk ꞌthaarĩĩ cĩgĩnnĩg, iꞌthianaanĩ ꞌJeruꞌthalẽma.


Ongoongoeek hinnia Variꞌtheei hĩ ꞌlimmanniook cĩg nyattaalak nuyyiook cĩg Yeesu nẽ ijinit ĩĩttĩk, “Aduheennu gõõng hĩ eet ꞌcĩg alũt occoro hĩ ꞌthẽccanniook hõdẽĩ inni?”


Ma baa acĩn Variꞌtheeniti baa avvĩ Yeesu thõõth icci ho, ummuk ꞌthĩnĩtatõõ ĩĩ, “ꞌYioko hĩĩ ẽẽtĩ ciee põrõvẽtaac dĩdĩ, occa ꞌyioko aga ngaatĩ ĩĩnnĩ ngaa ꞌcĩ ahum ĩnõõnnõ ho ꞌthẽccannioohit.”


Ma baa adtuuha eeta cĩg ꞌJudeei lothippit ko, iita ĩlĩĩllẽẽcõ gẽrrẽẽt, nẽ odoomito Paaulo, hĩnĩngĩtĩ thooꞌthiok ꞌcĩg aduha nẽẽ ho.


Ma nĩngaata, baa hinnia õõ alũllũũman makayyiooha cĩg ꞌJudeei eet ũgĩ ꞌcĩg obbitig ꞌtaaũnatõõ, hĩ ngaaĩ ũgĩ ꞌcĩg iꞌngolli thõõth cĩ Nyekuci. Nĩngĩtĩ aaꞌnyĩkĩ eeta cĩg ꞌJudeei ĩhõõggõ hutuhuyyioothĩk Paaulo hĩ Baarnaba nẽ iꞌthiattaaĩ ĩdĩmanit ĩhõõggõ ꞌbuth. Nĩngĩtĩ iiggiaĩ ĩhõõggõ looccaa cĩnĩĩng battaala.


Ma ho, iita makayyiooha ũgẽẽgĩ cĩg ꞌJudeei Antioha hĩ Ikonium hiita hũlũllũũmanit lothippit hũtũbũrĩt Paaulo. Õhõda ĩnõõnnõ biyyiẽẽnĩ nẽ utugurrieek ꞌtaaũna battaala, muhẽẽttaa ꞌcĩ aĩnnĩ adaak oho ẽlẽk.


Nẽẽthĩ, eeta cĩg ꞌJudeei ꞌcĩg baag abũrĩ Makayyioohit, iita ẽꞌthẽcanit eet ũgĩ ꞌcĩg hõllõngaa ĩĩn ꞌJudeei hĩlĩĩllẽẽcõ hutuhuyyioothĩk nuyyiook cĩg Makayyiooktak.


Nẽẽthĩ, hijino hĩĩna, athĩknĩ baa ꞌthẽk eeta cĩg Ĩꞌthĩraẽlĩ jurrung? Eei, baa athĩknĩ, tananga korrioohĩĩ baag Mũũꞌtha, baa õthõõth Nyekuci aĩ, “Haaꞌnyihi hatĩ naa Ĩꞌthĩraẽl hiinanit eet ꞌcĩg hõllõngaa aꞌnyak looc. Haaꞌnyihi hatĩ naa ĩhõõggõ hiliilliyyieek eet ꞌcĩg hõllõngaa aga ꞌgiimwa.”


Hĩĩtõ naag ꞌthooyyiak cĩg Krĩstõ nẽ alauung Nyekuci ngagiit aĩ, ĩthĩhĩt nyeemuut cĩnnĩ ꞌcĩ ĩĩn ngeju ho. Hõthõõꞌtha naag nyeemuut cĩ Krĩstõ nẽ dĩdĩ hadiimmuung naag ngagiit agayyio hĩ Nyekuc.


Alaammeet nẽẽg ngagĩĩt ngaatĩ hallimaneeka eet ꞌcĩg hõllõngaa ĩĩn ꞌJudeei thõõth cĩ Krĩstõ, hátĩ heellia nẽẽgĩ. Nẽ ꞌgõõlaa cĩ, aalla eeta cĩg ꞌJudeei ꞌcĩg hõllõngaa ĩĩn lemmiook cĩg Yeesu, ittoorothi ꞌthẽccanẽẽt cĩggĩĩng noho. Nĩngĩtĩ hatĩ aku alĩĩlĩkĩ Nyekuci ĩhõõggõ uruta.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ