ꞌLuuka 15:24 - ꞌBuuk cĩ Thõõth cĩ Nyekuci

²⁴ Baa loholeec ꞌcĩ aggamaawa lõõcĩ cieeni nẽ ꞌyioko aau hĩ ẽẽtĩ ꞌcĩ arũgna daahĩtha. Baa iꞌnginõõthĩ nẽ ꞌyioko, ummuddia.’ Nĩngĩtĩ iꞌthianaanĩ nẽẽg adahĩ karrama.

ꞌLuuka 15:24 ပူးပေါင်းရင်းမြစ်များ

ꞌThianaattõ 45:28

Ma nĩngaata, õthõõth Ĩꞌthĩraẽlĩ ĩĩ, “Ĩko bẽrẽ nga arũgĩ loholeec caannĩ Yothebo! Hõkõ hatĩ hacini naa ĩnõõnnõ nga harugi ho.”

Maatteeo 8:22

Ẽdẽcĩ Yeesu ĩnõõnnõ anneek, “Nũaa nganĩĩta, aꞌnyĩĩk daakiak hadaacõ eleeti cĩggĩĩng ẽmmẽn.”

Maarko 8:22

Ma baa iita nẽẽg ĩꞌthõng Beꞌthaida, iita aꞌnyaktaak eeta ũgẽẽgĩ Yeesu eet umwa ꞌcĩ rubenĩ nẽ iita alaacõ ĩnõõnnõ huhum eet nicci.

ꞌLuuka 10:19

Haaꞌnyuung naa ngagiit ꞌtirriani ꞌcĩ õõ õrõrrõõcannu hũkaaꞌnya hĩ nyadokorrooꞌnya ẽlẽk, hĩ ꞌtirrian ꞌcĩ ĩllõõannu mĩrõk nẽ aitiõõ ꞌthẽk hatĩ ꞌgii ꞌcĩ adakuung tõõ.

ꞌLuuka 15:23

Iꞌngiddia boloothit aa adĩhĩ nĩnga nẽ ucuhattu. Hadiim hadak karrama nẽ hatalit gẽrrẽẽt.

ꞌLuuka 15:25

“Baa ammũdeek nga aayyiaa ngeerĩnĩ cobbi manatõõ. Ma baa aku hõbõktõ hĩ halang ko, athĩknoothi hinnia beniinit hĩ rugumi halangatõõ.

ꞌLuuka 15:32

Nẽẽthĩ, hatalit nẽ haccamattoothĩk gẽrrẽẽt, hĩnĩngĩtĩ baa aau ꞌgotonu hĩ ẽẽtĩ ꞌcĩ adaak ẽlẽk nẽ ꞌyioko ũrũga daahĩtha. Baa iꞌnginõõthĩ nẽ ꞌyioko ummuddia.’ ”

ꞌLuuka 15:4

“ꞌYioko haꞌnyak ẽẽtĩ umwaa hõrggẽẽnaa cunuung aꞌtha ꞌmiia hõdẽĩ nẽ iꞌnginõõthĩ hõdẽẽthõng, occa õgõõn nẽẽ hutuno? Ĩcca occa hõllõngaa ũũnnĩk aꞌtha ꞌcĩg ĩĩn hẽẽn tũrkũwwec hĩ tũrkũwwec ko ꞌrõta nẽ idiimõthĩ ꞌcĩ ĩĩn hõdẽẽthõng ko, ĩꞌthõng hũmmũda?

ꞌLuuka 19:10

Baa hakuu naa Ngeertĩ Eeto hikia hidiima nẽ hẽẽla eet ꞌcĩg iꞌngittõõthĩ.”

ꞌLuuka 9:60

Ẽdẽcĩ Yeesu ĩnõõnnõ anneek, “Aꞌnyĩĩk daakiak hũmmũtĩt daakiak nyaagwaana. Bĩĩt nẽẽ nii ꞌlimmaneek eet nyeemuut cĩ habuccieet cĩ Nyekuci.”

Yõaannẽ 11:25

Ẽdẽcĩ Yeesu tarĩ aĩ, “Nganĩĩt ꞌcĩ harũgtha eet daahĩtha nẽ haaꞌnyĩha rũgẽt. Ẽẽtĩ ꞌcĩ ẽlẽmma nganĩĩt tananga hadaak, arũgĩ hatĩnĩ.

Yõaannẽ 5:21

Hĩcĩ arũgtha Maaꞌnyia daakiak nẽ aaꞌnyĩk ĩhõõggõ rũgẽt, ꞌgõõlaa cĩ buúk, aaꞌnyĩk hatĩ Ngeerĩnĩ rũgẽt eet ꞌcĩ accamana nẽẽnĩ.

ꞌRooma 11:15

Baa ũtũbũrĩt eeta cĩg Ĩꞌthĩraẽlĩ Nyekuc, iita elemit eeta ꞌcĩg hõllõngaa ĩĩn ꞌJudeei ĩnõõnnõ. Nẽẽthĩ hoti ho, ma hatĩ ma ikia ẽlẽm Nyekuci eet cĩg Ĩꞌthĩraẽlĩ, aaĩ hatĩ hĩcĩ arũgtha nẽẽ daakiak.

ꞌRooma 12:15

Accamattoothĩk hĩ eet ꞌcĩg accamanoothĩhĩ nẽ utuluuyyu hĩ eet ꞌcĩg alu.

ꞌRooma 6:11

ꞌGõõla hõdẽẽthõng, ma nga haaꞌnyiku eleeti cugguung haggamuung ꞌthẽccanĩ. Nẽẽthĩ hinnia, aaꞌnyuung Yeesu Krĩstõ ngagiit rũgẽt nẽ aauttu ꞌgõõlaa ꞌcĩ accamana Nyekuci.

ꞌRooma 6:13

Ma haaꞌnyiku ꞌgoolliok ũgĩ cĩg eleeti cugguung ꞌthẽccan, aanytĩk eleeti cugguung Nyekuc, hĩ eeta ꞌcĩg ũrũgta daahĩtha nẽ aanytĩhu eleeti cugguung hĩ ĩnõõnnõ, hátĩ ĩdĩmanit thooꞌthiok ꞌcĩg abũnnaa.

ꞌRooma 8:2

hĩnĩngĩtĩ aaꞌnyuung hatĩ Lorii ꞌcĩ Ẽllẽẽmĩth ngagiit rũgẽt ꞌcĩ aku hĩ Yeesu Krĩstõ nẽ õõgauung ꞌthẽccaana hĩ daahĩtha.

1 Korinthia 12:26

Má ẽkẽdan dhooriti umwaanĩ, ẽkẽdan ẽlẽ vẽlẽk. Má hõllõngaa ẽkẽdan dhooriti umwaanĩ, accamanoothĩk ẽlẽ vẽlẽk.

Eevvetho 2:1

Nẽẽthĩ, baa adaaktu niig, hĩnĩngĩtĩ ꞌthẽccanẽẽt cugguung,

Eevvetho 2:5

aaꞌnyeet ngagĩĩt hũrũgĩt hõdẽĩ hĩ Krĩstõ. Tananga baa hadaahito naag hĩnĩngĩtĩ ꞌthẽccanẽẽta, iita eelliau niig bũnnaiittaa cĩnnĩ.

Eevvetho 5:14

hĩnĩngĩtĩ lanyit ꞌcĩ aaꞌnyĩk ꞌgii vẽlẽk hedeeꞌnyia. Ĩnõõ ꞌcĩ aĩnnĩ ꞌBuuhi cĩ Nyekuci, “Anneek uꞌnyaakiahit tĩnga, rũga daahĩtha, hátĩ haaꞌnyi Krĩstõ lanyit.”

Kolooꞌthe 2:13

Baa adaaktu niig, hĩnĩngĩtĩ baa iiginnu ꞌthẽccanniook nẽ baa hõllõngaa iiginnu eet cĩg Nyekuci. Nẽẽthĩ, baa aaꞌnyĩk Nyekuci Krĩstõ haaꞌnyuung ngagiit ũrũgta tarĩ, ngaatĩ ũũnnĩkĩ ꞌthẽccanẽẽt cĩggaac vẽlẽk.

1 Timotteeo 5:6

Nẽ ngaatĩbõyyĩ ꞌcĩ aaĩ authetaa ꞌcĩ uranganĩ ẽlẽ cĩnnĩ, adaak lorii cĩnnĩ ẽlẽk, tananga nga arũgĩ nẽẽnĩ.

ꞌJuud 1:12

Aꞌnyak eeta cieeg ooti ꞌcĩg abathĩ nẽ ẽꞌthẽcanit ꞌgẽẽn ꞌcĩ adaku hõdẽĩ hĩ ĩhõõggõ, dtiicanẽẽnnĩĩ cĩggĩĩng ĩcĩg ngaaoniittak hĩ ĩcĩg muruꞌthẽẽtak. Aattĩg nẽẽg hĩ diiꞌthioha ꞌcĩg uuhan ngõõtĩ, nẽ hõllõngaa aꞌnyaha tammu buúk. Aattĩg nẽẽg hĩ hẽẽna ꞌcĩg aitiõõ bõllõõha tõõ ꞌcĩg ubbutattaa ẽlẽk nẽ aitiõõ hẽẽna ꞌcĩg abbiiri tõõ.

Terethiinit 3:1

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Thaardithi. “Duhaak anneek, ĩĩn ciee nyeemuut ꞌcĩ aku hĩ eet ꞌcĩ aꞌnyak Loriẽẽt cĩg Nyekuci tũkĩramma, hĩ mũnyũny tũkĩramma, ‘Haga naa thooꞌthiok vẽlẽk ꞌcĩg adĩmannu niiga. Ammuku oho ainnu nga arũgnu niiga, ĩko nẽẽ adaaktu ẽlẽk.’