ꞌLuuka 15:22 - ꞌBuuk cĩ Thõõth cĩ Nyekuci

²² “Othoothĩk hinnia maaꞌnyia dticcianniook cĩgĩnnĩg anneek, ‘Õtõõc hataman, aꞌnyakta cẽrẽm ꞌcĩ ẽllẽẽmĩth gẽrrẽẽt nẽ itihimteehu ĩnõõnnõ. Aarrihi maccĩreenit attiaa nẽ itihimteehu caawa buúk.

ꞌLuuka 15:22 ပူးပေါင်းရင်းမြစ်များ

ꞌThianaattõ 41:42

Nĩngĩtĩ appũrccaanĩ habuui maccĩreenit cĩ makaaꞌthĩtõõ attiaa cĩnnĩ nẽ itihimẽẽhĩ Yothebo. Nẽ tarĩ itihimẽẽhĩ ceremwa ꞌcĩ ẽllẽẽmĩth buúk nẽ aarĩhĩ nyerikooc ꞌcĩ ĩĩn ꞌdaab iꞌnyiaawa.

ꞌLuuka 15:21

“Ma nĩngaata, ĩĩnnĩk maaꞌnyĩ, ‘Baaba, hẽꞌthẽcana naa hẽbẽrẽẽnnĩĩ cĩg Nyekuc cĩ hẽẽtkujjieen hĩ nganiita. Iittiõõ naa hõllõngaa hũũppani ngaatĩ hĩĩnnĩ ngeeruni.’

ꞌLuuka 15:23

Iꞌngiddia boloothit aa adĩhĩ nĩnga nẽ ucuhattu. Hadiim hadak karrama nẽ hatalit gẽrrẽẽt.

ꞌRooma 13:14

Aꞌnyĩĩk Makayyioohit Yeesu Krĩstõ hõbõhĩ hĩ ngagiit, haau hĩ ceremwaana ꞌcĩg ahimittu niiga, hátĩ ũtũngĩt thooꞌthiok ꞌcĩg abũraneek eleeti cugguung.

ꞌRooma 3:22

Nẽẽthĩ hoti ho, aku bũnnai hĩ Nyekuc, hĩnĩngĩtĩ athĩhĩ Yeesu Krĩstõ ĩnõõnnõ. Nẽ ꞌyioko, iita umuddia eeta vẽlẽk ꞌcĩg ẽlẽmĩ Yeesu bũnnai. Aitiõõ Nyekuci hõllõngaa ahal eeta,

ꞌRooma 8:15

Aitiõõ Lorii cĩ Nyekuci hõllõngaa aaꞌnyeet ngagĩĩt hĩĩtõ appahacaaꞌnya ꞌcĩg hiꞌngolli Nyekuc. Nẽẽthĩ hinnia, hiita hĩĩtõ naag lõhõlĩ cĩgĩnnĩg nẽ hũtũvvẽẽcõ ĩnõõnnõ hĩĩttĩk Baangeet cĩnaac.

ꞌGalaaꞌthia 3:27

nẽ niig vẽlẽk ꞌcĩg aggamtu baattithimo ꞌthaarĩĩ cĩg Yeesu Krĩstõ ho, iita ũrũmteeu niig buúk hĩ ĩnõõnnõ.

Eevvetho 6:15

Itihimit ganõn ꞌcĩ aku nyeemuutaa ꞌcĩ abũnnaa hĩ caawa, hátĩ ũkũmattoothĩk jurrung.

Terethiinit 19:8

Ahimtoothĩk hatĩ ngaa nicci ceremwaana ꞌcĩg õõppẽr ꞌcĩg anyũttĩĩ.” Nẽ ceremwaana ꞌcĩg õõppẽr ꞌcĩg ahimit nẽẽ ho, ĩthakꞌthoothĩk thooꞌthiok ꞌcĩg abũnnaa baag adĩman eeta cĩg Nyekuci loota nĩnga.

Terethiinit 2:17

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Nẽ haaꞌnyihi hatĩ naa eet ꞌcĩ aꞌnyaman ꞌgoolinit cĩ ꞌThĩttaanõ, ꞌgẽẽn ꞌcĩ haĩ manna ꞌcĩ haggunyuthi naa ngaamwaanĩ hẽẽtahujjieen. Nẽ tarĩ, haaꞌnyihi hatĩ eet hõdẽĩ hõdẽĩ, bẽẽ ꞌcĩ õõrĩ cĩ eheedini ꞌthaara ꞌcĩg ĩĩn ngeju, ꞌcĩg aitiõõ ẽẽtĩ ꞌcĩ aga ꞌthaar tĩko tõõ, aga hatĩ baattĩ ꞌthaaru diooni.”

Terethiinit 3:18

Haĩ hitiloouung naa ngagiit utuuyyia hĩ nganĩĩt ꞌdaab ꞌcĩ ĩwaadĩ ꞌgwoyyia ĩĩ tẽlla, hátĩ aballio nẽ itihimtu ceremwa ꞌcĩg õõrĩg, hátĩ ũmmũtĩt ngaaoni ꞌcĩ aattiyyu ngũtũtũũny nẽ utuuyyiau ẽgẽrnaac cĩ hebereennu, hátĩ haaꞌnyuung ngagiit ĩcĩttĩ jurrung.

Terethiinit 6:11

Baa aanytĩhoothĩk eet ꞌcĩg urukti vẽlẽk ceremwaana ꞌcĩg õõrẽẽgĩ. Baa adukiaak ĩhõõggõ thõõth hiyyiomanit nõõ hĩdĩhĩdĩĩc, ĩꞌthõng hũttũbanoothĩk ꞌliimira cĩ ꞌgõtõõnõgĩ hĩ ngõõnõgĩ cĩggĩĩng, ꞌcĩg ĩĩn dticcianniook cĩg Yeesu ꞌcĩg hatĩ nga aruhi, ꞌcĩg nga hummuddioothĩk ĩhõõggõ.

Terethiinit 7:9

Ma ngaati, hudtuuha lothippit cobbi gẽrrẽẽt cĩ eet ꞌcĩg aꞌnyamannaa ngaatĩ hagiili buúk, eet ꞌcĩg eberriaa habuccieeꞌnyanĩĩ cĩg loonyin vẽlẽk ꞌcĩg õthõõth thooꞌthiohĩ cũũmõ cũũmõ, abĩlĩ muumaa cĩ Nyekuci hĩ ĩcĩ Mĩꞌnyoono, ahimti nẽẽg vẽlẽk ceremwaanĩĩ ꞌcĩg õõrĩg nẽ aggamit urwo athĩnĩ.