Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ꞌLuuka 15:15 - ꞌBuuk cĩ Thõõth cĩ Nyekuci

15 Ma ho, ũũk idticanoothĩk eet umwa cĩ looc tĩho, ꞌcĩ baa aaꞌnyĩk ĩnõõnnõ hũtũha ꞌngõõhĩꞌnya.

အခန်းကိုကြည့်ပါ။ ကော်ပီ




ꞌLuuka 15:15
27 ပူးပေါင်းရင်းမြစ်များ  

Nĩngĩtĩ õõ ammũdõõthĩkĩ Mũũꞌtha hĩ Arõõnẽ habu cĩ Ijjibi nẽ ĩĩttĩk, “Thõõth ꞌcĩ aduha Makayyioohiti Nyekuci cĩ Ebereei cieeni, ‘Aburi hatĩ nii ngaatĩ athĩkna nganĩĩt ĩꞌthõng ningina? Lahaneeka eet cĩgannĩg hõõt halayyia nganĩĩta.


“Ma haaꞌnyiku ũthũrẽẽt ꞌgii ꞌcĩ aꞌngirannii cĩ Nyekuci. Nẽ ma hadhuheeku ꞌngõõhĩꞌnya pẽalꞌnya. Ma adĩmannu noho, aathĩ hinnia hatĩ ꞌthõõnĩĩ cĩggĩĩng nẽ ĩꞌngoꞌthia hiita hadaktuung ĩĩtõ ꞌthĩĩ.


“Ma urutaa cĩ waathinniook ꞌcĩg abadtẽc, ũlũt ngeerĩnĩ ꞌcĩ hidici ho ijjio cĩgĩnnĩg vẽlẽk nẽ ũũk uranganĩ baliinit cĩnnĩ ho, looccaa ꞌcĩ ꞌrẽẽnĩ hĩĩ ꞌthĩĩ.


Ma baa ẽdẽcaak nẽẽ ijjio vẽlẽk, udhukia nyarõnĩ cobbi gẽrrẽẽt looccaa tĩho hũtũrũũr, nĩngĩtĩ atarrĩ nẽẽ huciith cĩ magiithu hurruhaacĩ habath dtẽc.


Baa adak nyahaappan magĩthĩ hũbũraneek hidiim hadak ꞌgẽẽn ꞌcĩ adahiini ꞌngõõhĩꞌnya. Nẽẽthĩ hinnia, baa hiꞌthihi eet ꞌcĩ aaꞌnyĩk ĩnõõnnõ ꞌgii umwa ũdũt.


Nẽẽthĩ ꞌyioko, hĩcĩ õõgtau niig ꞌthẽccaana nẽ iittu appahacaaꞌnya cĩg Nyekuci ho, ikia ꞌbaaniniti baa ammũdaannu niig ko, uukuung ngagiit thõõthaa ꞌcĩ ẽllẽẽmĩth hĩ rũgẽtaa ꞌcĩ aalla ooo.


Baa gõõng haggiithi naag hõjõthẽẽkĩ thõõth cĩ Nyekuci, hĩnĩngĩtĩ hõllõngaa haga nẽ hĩĩtõ appahacaaꞌnya ꞌcĩg habũraneek thooꞌthiok ꞌcĩg abathĩ ꞌcĩg iggoolleet ngagĩĩta. Baa gõõng hĩĩgĩn eet ꞌcĩg habathĩ nẽ halĩĩlĩ hẽlẽggĩ cĩg eetuk, aaburreekeet eeta nẽ haaburreek naag buúk eet vẽlẽk.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ