ꞌLuuka 15:13 - ꞌBuuk cĩ Thõõth cĩ Nyekuci

¹³ “Ma urutaa cĩ waathinniook ꞌcĩg abadtẽc, ũlũt ngeerĩnĩ ꞌcĩ hidici ho ijjio cĩgĩnnĩg vẽlẽk nẽ ũũk uranganĩ baliinit cĩnnĩ ho, looccaa ꞌcĩ ꞌrẽẽnĩ hĩĩ ꞌthĩĩ.

ꞌLuuka 15:13 ပူးပေါင်းရင်းမြစ်များ

ꞌLuuka 15:12

Ma ho, ikia ꞌcĩ hidici ĩĩnnĩk maaꞌnyĩ, ‘Baaba, ngeraahaa nganĩĩt ijjio ꞌcĩg occa hatĩ aꞌnyaa nii nganĩĩta.’ Nĩngĩtĩ ẽꞌngẽrẽẽkĩ maaꞌnyia ĩhõõggõ ijjio.

ꞌLuuka 15:14

Ma baa ẽdẽcaak nẽẽ ijjio vẽlẽk, udhukia nyarõnĩ cobbi gẽrrẽẽt looccaa tĩho hũtũrũũr, nĩngĩtĩ atarrĩ nẽẽ huciith cĩ magiithu hurruhaacĩ habath dtẽc.

ꞌLuuka 15:30

Ma thĩ ꞌyioko, ma aku ngeeruni baa uranganĩ ijjio cugunnig hĩ ꞌwaaꞌngiak ko, ikia ucuhaneehu olĩ ꞌcĩ adĩhĩ ꞌcĩ ĩĩn boloothit!’

ꞌLuuka 16:1

Ma nĩngaata, uduhaak Yeesu nuyyiook cĩgĩnnĩg ĩĩnnĩk, “Baa aaĩ ballioohiti umwaa ꞌcĩ athĩhĩ aĩ, uranganĩ dticciannioohiti cĩnnĩ ijjio.

ꞌLuuka 16:19

Ma nĩngaata, uduhaak Yeesu eet ĩĩnnĩk, “Baa aaĩ ballioohiti umwaa ꞌcĩ ahimit ceremwa ꞌcĩg ꞌrẽggẽẽg ꞌcĩg õkõmĩ gẽrrẽẽt nẽ adak ꞌgẽẽn ꞌcĩ abũnnaa waathinniook vẽlẽk.

Eevvetho 2:13

Nẽẽthĩ ꞌyioko, urumtu niig eleeti cugguung hõdẽĩ hĩ Yeesu Krĩstõ. Baa gõõng iiginnu niig ꞌrẽẽttĩg hĩ Nyekuc, nẽẽthĩ ꞌyioko, iita oboktoou niig hĩ ĩnõõnnõ, hĩnĩngĩtĩ biyyi cĩg Krĩstõ.

Eevvetho 2:17

Baa aꞌnyahaakuung nẽẽ ngagiit Nyeemuut icci Abũnnaa cĩ ganõnõõ ho, eet ꞌcĩg hõllõngaa iiginnu ꞌJudeei, baa iiginnu ꞌrẽẽttĩg hĩ ĩnõõnnõ nẽ aꞌnyahaak ganõn eet cĩg ꞌJudeei ꞌcĩg õbõhõõ hĩ ĩnõõnnõ.

2 Pẽẽtũrũ 2:13

Acuddiaa hatĩ nẽẽg, hĩnĩngĩtĩ thooꞌthiok ꞌcĩg abathĩ ꞌcĩg adĩman nẽẽg ko. Aangal nẽẽg ngaatĩ adĩmanĩ karramẽẽt nẽ ĩdĩmanit thooꞌthiok ꞌcĩg ĩĩn ꞌriiring waath ꞌcĩg abũraneek eleeti cĩggĩĩng. Ĩĩn nẽẽg eet ꞌcĩg aꞌnyahaakuung ngagiit thooꞌthiok ꞌcĩg abathĩ hõrggẽẽnaa cunuung.