ꞌLuuka 14:3 - ꞌBuuk cĩ Thõõth cĩ Nyekuci

³ Nĩngĩtĩ ajini Yeesu Variꞌtheei hĩ ꞌlimmanniook ꞌcĩg aga nyattal gẽrrẽẽt annẽẽkĩ, “Aũlan nyattaala ngaatĩ occa aaꞌnyĩhõõthĩkĩ ẽẽtĩ ꞌcĩ õmmõõrĩ hũbũna Kõrraa cĩ ꞌYiommaanõ?”

ꞌLuuka 14:3 ပူးပေါင်းရင်းမြစ်များ

Maatteeo 12:10

Nẽ baa aaĩ ẽẽtĩ umwaa ꞌcĩ alalliaa aꞌthiiti nĩngaata. Baa aattĩg Variꞌtheei ꞌcĩg adiim ẽdẽt Yeesu nẽ ijinit ĩnõõnnõ ĩĩttĩk, “Abũnnaa occa ngaatĩ haaꞌnyĩkĩ eet hũbũna Kõrraa cĩ ꞌYiommaanõ?”

Maatteeo 12:2

Ma baa acĩn Variꞌtheei thõõth icci ho, iita ĩĩttĩk nẽẽg Yeesu, “Cĩĩn nõõ! Inni nuyyiooha cugunnig hĩdĩmanit ꞌgii ꞌcĩ abũrĩ nyattalĩ Kõrraa cĩ ꞌYiommaanõ, ngaatĩ ẽttẽẽdanĩ ꞌgẽẽmẽ ho?”

Maatteeo 22:35

Nĩngĩtĩ aku ajini Variꞌtheeniti umwaa ꞌcĩ aga nyattal cĩ Mũũꞌtha jurrung Yeesu, ngaatĩ aku attĩmanĩ ĩnõõnnõ ajini annẽẽkĩ,

Maarko 3:4

Ma ho, ijin nẽẽ Variꞌthei ĩĩnnĩk, “Occa abũnnaa ngaatĩ hadticanĩ ꞌgii ꞌcĩ abũnnaa hode ꞌcĩ abathĩ Kõrraa cĩ ꞌYiommaanõ? Occa hẽẽla rũgẽt cĩ eeto Kõrraa cĩ ꞌYiommaanõ hode haruk thõng?” Ĩjjaaki hinnia nẽẽg vẽlẽk kim, hiꞌthihi eet ꞌcĩ ẽdẽcĩ buúk.

ꞌLuuka 14:2

nẽ baa ammũdeek abĩlĩ eet umwaa nĩngaata ꞌcĩ iii athĩna hĩ ꞌthoo.

ꞌLuuka 14:4

Ĩjjaaki hinnia nẽẽg vẽlẽk kim, nĩngĩtĩ ahumi Yeesu eet ꞌcĩ iii athĩna hĩ ꞌthoo ho hũbũna nĩngĩtĩ ĩꞌthõõĩkĩ hũũk.

ꞌLuuka 6:9

Ma ho, ĩĩnnĩk Yeesu ĩhõõggõ, “Ĩꞌnya da nõõ hijinuung naa ngagiita, aũlan nyattaala ngaatĩ hadĩmanĩ ꞌgii ꞌcĩ abũnnaa Kõrraa cĩ ꞌYiommaanõ hode ngaatĩ hadĩmanĩ ꞌcĩ abathĩ? Aũlan ngaatĩ hẽẽlanĩ rũgẽt cĩ eeto, hode ngaatĩ halahanẽẽkĩ hadaak?”

Yõaannẽ 7:23

Má etteeddi lõhõlĩ eleeti Kõrraa cĩ ꞌYiommaanõ, hátĩ hiittiõõ hõllõngaa ẽꞌthẽcanni nyattalĩ cĩ Mũũꞌtha, inni thĩ iliiliyyieehaangu niig nganĩĩt, hatĩ haaꞌnyihi eet hũbũna Kõrraa cĩ ꞌYiommaanõ ho?