ꞌLuuka 14:27 - ꞌBuuk cĩ Thõõth cĩ Nyekuci

²⁷ Nẽ ẽẽtĩ ꞌcĩ hõllõngaa irriongan hurucce cĩnnĩ nẽ ũnũa nganĩĩta, hõllõngaa ĩĩn nẽẽ buúk nuyyioohit caannĩ.

ꞌLuuka 14:27 ပူးပေါင်းရင်းမြစ်များ

Maatteeo 10:38

nẽ ẽẽtĩ ꞌcĩ hõllõngaa irriongan hurucce cĩnnĩ nẽ ũnũa nganĩĩta, hõllõngaa ĩĩn nuyyioohit caannĩ.

Maatteeo 13:21

Nẽ hĩnĩngĩtĩ hõllõngaa aꞌnyak nẽẽg cõrrẽẽn ꞌcĩg uuthihi, hõllõngaa aalla lemiiniti cĩnĩĩng ĩꞌthõng. Má õkõmĩ rũgẽtĩ ho, hode aaꞌnyĩk nyeemuut ĩhõõggõ ꞌcannan, iita aharrieek nẽẽg thõõth cĩ Nyekuci.

Maarko 10:21

Nĩngĩtĩ akannĩ Yeesu ĩnõõnnõ hẽbẽrĩ jurrung mĩnnaniitta nẽ ĩĩnnĩk, “Adiimi nii ꞌgii hõdẽẽthõng diooni ꞌcĩ nga uunnihi niina. Bĩĩt tũũõĩ hẽlẽggĩ vẽlẽk ꞌcĩg aꞌnyahi niina nẽ eꞌngereehu ꞌrabbẽẽt tĩko eet ꞌcĩg ĩĩn hullaha, nẽẽthĩ hátĩ aꞌnyahu baliinit cunni hẽẽtahujjieen nẽ õbõda ikia ũnũa nganĩĩta.”

Maarko 15:21

Ma ꞌgõõla, iita ommottio athegereeꞌnya hĩ eet umwa ꞌcĩ haĩ ꞌThimõõnẽ, maaꞌnyĩ Alĩthandoro hĩ ꞌRuuvo, ꞌcĩ aku ĩĩcĩ looc ꞌcĩ haĩ Cireene. Ma ho, aggamit nẽẽg ꞌThimõõnẽ nẽ ĩttĩngatteek hirriongan hurucce cĩ Yeesu.

ꞌLuuka 14:28

“ꞌYioko hidiim hẽtẽhẽny ẽẽtĩ umwaa hõrggẽẽnaa cunuung ꞌcieeth, hõllõngaa occa nõõ aaĩ loota nẽ ummuk, hatĩ má aꞌnyak ꞌrabbẽẽt ꞌcĩg ũũppan ngaatĩ ẽdẽcaakĩ ꞌcieeth?

Yõaannẽ 19:17

Baa irriongan Yeesu hurucce cĩnnĩ ẽmmẽn, ĩꞌthõng nĩngĩtĩ haĩ, Ẽmmẽẽn cĩ õõ cĩ eeto, ꞌcĩ haĩ Aramaayyi ꞌGologooꞌtha.

Dtiicanĩ cĩg ꞌThooyyiahu 14:22

Baa aaꞌnyĩk nẽẽg ꞌthinneeti cĩg nuyyioohu hokomit nẽ irrioottĩk ĩhõõggõ huꞌthuutti lemiinit. Nĩngĩtĩ aduhaakĩ ĩhõõggõ annẽẽkĩ, “Hippiirria ꞌthẽk nga huduhunit habuccieet cĩ Nyekuci.”

2 Timotteeo 1:12

Ĩnõõ ꞌcĩ happĩĩrnanĩĩ naa hĩ ꞌyioko ho. Nẽ hõllõngaa haꞌngaaoni, hĩnĩngĩtĩ haga naa Krĩstõ ꞌcĩ helemi naa dĩdĩ nẽ õkõmĩ nganĩĩt ꞌthĩnĩt haini, ĩnõõnnõ ꞌcĩ occa aꞌthũũnna nganĩĩt dtiicaa cĩnnĩ, ĩꞌthõng kõr ꞌcĩ hatĩ õbõdaanĩ nẽẽnĩ.

2 Timotteeo 3:12

Nẽẽthĩ ꞌthẽk, ẽẽtĩ umwaa ꞌcĩ adiim aĩ haau authetaa ꞌcĩ anũĩ thõõth cĩ Yeesu Krĩstõ, ammũda hatĩ ꞌcannan.