ꞌLuuka 14:24 - ꞌBuuk cĩ Thõõth cĩ Nyekuci

²⁴ Aitiõõ ꞌthẽk hatĩ eeta baag haavvi naa hõllõngaa atarĩ ꞌgẽẽn cĩ karrama caannĩ ho.’ ”

ꞌLuuka 14:24 ပူးပေါင်းရင်းမြစ်များ

Maatteeo 21:43

“Nẽẽthĩ hoti ho, haduhaakuung naa ngagiit hanneekuung, aggammiaa hatĩ habuccieet cĩ Nyekuci hĩ ngagiit nẽ aaꞌnyĩhoothĩk eet ꞌcĩg hatĩ adtican thooꞌthiok ꞌcĩg accamana Nyekuci.

Maatteeo 22:8

“Nĩngĩtĩ aduhaakĩ dticcianniook cĩgĩnnĩg annẽẽkĩ, ‘Hũkũmaneeha karrama cĩ nyahũũtaaõ ẽlẽk, nẽẽthĩ hinnia, occa baa hõllõngaa havva naa eet iccig.

ꞌLuuka 14:23

“Nĩngĩtĩ annẽẽkĩ makayyioohiti ĩnõõnnõ, ‘Bodooth ꞌgoolliohĩ hĩ olooyyiohĩĩ ꞌcĩg aattiyyiaa battaala hata vẽlẽk nẽ ũllũnganaa eet hiita, hátĩ hĩbbĩt ꞌcieeth caannĩ jurrung.

ꞌLuuka 14:25

Baa õõkõr eeta ꞌcĩg mẽẽlĩg gẽrrẽẽt hĩ Yeesu, nĩngĩtĩ ũũkõthõõthĩkĩ Yeesu ĩhõõggõ nẽ ĩĩnnĩk,

Yõaannẽ 3:19

“Ikia lanyit loota nĩnga ẽlẽk nẽ eeta ꞌcĩg adĩman thooꞌthiok ꞌcĩg abathĩ, etteeddiothoothĩk thooꞌthioha ꞌcĩg abathĩ ĩhõõggõ ẽlẽk, hĩnĩngĩtĩ ammĩnan nẽẽg muguur hĩllõõan lanyit.

Yõaannẽ 3:36

Ammũda hatĩ eeta vẽlẽk ꞌcĩg ẽlẽmĩ Ngeertĩ Nyekuci rũgẽt ꞌcĩ aalla ooo nẽ ẽẽtĩ ꞌcĩ abũrĩ thõõth cĩ Ngeertĩ Nyekuci, hõllõngaa hatĩ ammũda rũgẽt niccia, alĩĩllĩk hatĩ Nyekuci eet tĩho nẽ uuk ĩnõõnnõ ũdũt!”

Yõaannẽ 8:21

Ma tarĩ ho, uduhaak Yeesu ĩhõõggõ ĩĩnnĩk, “Hũũha naana. Adiimmaangu hatĩ niig nganĩĩta, nẽẽthĩ, adaaknu hatĩ ꞌthẽccanẽẽtĩĩ cugguung. Aitiõõ niig hõllõngaa auunnu ĩĩcĩ hõkõõĩ naana.”

Yõaannẽ 8:24

Ĩnõõ ꞌcĩ haduhaakuung naa ngagiit hanneekuung, adaaknu hatĩ niig nga hũtũngtoothĩk ꞌthẽccanẽẽta cugguung. Má hõllõngaa ẽlẽmmaangu nganĩĩt ngaatĩ hĩĩnnĩ naa Ellioohit, adaaknu hatĩ nẽ hõllõngaa ũũnnothoothĩk ꞌthẽccanẽẽta cugguung.”

Dtiicanĩ cĩg ꞌThooyyiahu 13:46

Nẽẽthĩ, baa ẽdẽcĩ Paaulo hĩ Baarnaba tõrõmẽẽꞌthĩta anneek, “Baa hadiimma naag hallimaneekuung ngagiit nyeemuut cĩ Nyekuci ĩĩcĩ oou, õõa ꞌcĩ nga hillimatteeha eet ũgĩ, aburru hinnia niig nyeemuut tĩho! Ĩko aburru rũgẽt ꞌcĩ aalla ooo. Nẽẽthĩ ꞌyioko, hoottia naag nyeemuut icci, hĩ eet ꞌcĩg hõllõngaa ĩĩn ꞌJudeei,