ꞌLuuka 14:23 - ꞌBuuk cĩ Thõõth cĩ Nyekuci

²³ “Nĩngĩtĩ annẽẽkĩ makayyioohiti ĩnõõnnõ, ‘Bodooth ꞌgoolliohĩ hĩ olooyyiohĩĩ ꞌcĩg aattiyyiaa battaala hata vẽlẽk nẽ ũllũnganaa eet hiita, hátĩ hĩbbĩt ꞌcieeth caannĩ jurrung.

ꞌLuuka 14:23 ပူးပေါင်းရင်းမြစ်များ

Maatteeo 21:43

“Nẽẽthĩ hoti ho, haduhaakuung naa ngagiit hanneekuung, aggammiaa hatĩ habuccieet cĩ Nyekuci hĩ ngagiit nẽ aaꞌnyĩhoothĩk eet ꞌcĩg hatĩ adtican thooꞌthiok ꞌcĩg accamana Nyekuci.

Maatteeo 5:41

Nẽ má attĩnganeeki athẽgẽrẽẽcĩ umwaa cõõd ijjio cĩgĩnnĩg maaĩl hõdẽĩ, cõõdĩhĩ ĩnõõnnõ ĩꞌthõng maaĩlꞌnya ꞌramma.

ꞌLuuka 14:22

“Ma baa õbõda dticciannioohiti ho, ikia uduhaak makayyioohit ĩĩnnĩk, ‘Makayyioohit, hĩdĩmana hĩaa aduha niina, nẽẽthĩ, nga maka nĩngĩtĩ ꞌcĩ occa aattiyyi eeta ũgẽẽgĩ.’

ꞌLuuka 14:24

Aitiõõ ꞌthẽk hatĩ eeta baag haavvi naa hõllõngaa atarĩ ꞌgẽẽn cĩ karrama caannĩ ho.’ ”

ꞌLuuka 24:29

Nĩngĩtĩ ĩĩlalẽẽkĩ nẽẽg ĩnõõnnõ kõmĩĩtha annẽẽkĩ, “Hũrũmtĩ hĩ ngagĩĩt ngaati, hĩnĩngĩtĩ õbõhĩ utub lõõcĩ, okoloothiki hinnia hatĩ kõrra ꞌgõõla.” Nĩngĩtĩ adukni Yeesu halang nẽ ũrũmtĩ hĩ ĩhõõggõ.

Dtiicanĩ cĩg ꞌThooyyiahu 16:15

Ma baa urutaa ꞌcĩ aggamtĩ Liidia hĩ halang cĩnnĩ baattithimo, ikia ũtũvveet nẽẽ ngagĩĩt õlõõ cĩnnĩ. Baa anneekeet nẽẽ ngagĩĩt, “Má elemmu ngaatĩ hĩĩnnĩ naa lemmioohit cĩ Makayyiookto dĩdĩ, iita thĩ haauto õlõõ caannĩ.” Nĩngĩtĩ mĩĩ hẽlẽmma ngaatĩ hõõkõrra.

Dtiicanĩ cĩg ꞌThooyyiahu 18:6

Ma baa iita ũtũbũrĩt eet cĩg ꞌJudeei Paaulo nẽ odoomito ĩnõõnnõ thõng, ikia utuddung nẽẽ tuduhaac ceremwaanĩĩ cĩgĩnnĩg nẽ ĩĩnnĩk ĩhõõggõ, “Eheellu hatĩ niig ꞌgii ꞌcĩ hatĩ alubaakuung ngagiit ẽmmẽn! Hõllõngaa hatĩ addangaaka eet umwaa nganĩĩta. Iꞌthianaanĩ ꞌyioko kõr nicci, hũũk hillimmana naa eet ꞌcĩg hõllõngaa ĩĩn ꞌJudeei.”

Dtiicanĩ cĩg ꞌThooyyiahu 28:28

“Nẽẽthĩ, hadiimi naa agaac niig, baa ikia nyeemuut ꞌcĩ aku ẽẽlanĩ Nyekuci eet ꞌcĩg hõllõngaa ĩĩn ꞌJudeei. Nẽ athĩknĩ ꞌthẽk hatĩ nẽẽgĩ.”

Dtiicanĩ cĩg ꞌThooyyiahu 9:15

Nẽẽthĩ, baa anneek Makayyioohiti Yeesu Anania, “Bĩtõ! Ĩĩn ẽẽtĩ ciee eet caannĩ ꞌcĩ tiiri ꞌcĩ eberriaa hillimman eet ꞌcĩg hõllõngaa ĩĩn ꞌJudeei hĩ habuẽẽt hĩ eet cĩg Ĩꞌthĩraẽlĩ thõõth caannĩ.

ꞌRooma 10:18

Nẽẽthĩ ꞌyioko, haini naa, nga baa hĩthĩhĩt eeta cĩg Ĩꞌthĩraẽlĩ? Aitiõõ ũdũt, ĩthĩhĩta! Aduha ꞌBuuhi cĩ Nyekuci aĩ, “Baa udukia nyeemuut loonyini vẽlẽk loota nĩnga. Baa irriõõnĩ looc vẽlẽk.”

2 Korinthia 5:11

Haga naag thõõth ꞌcĩ aĩ, hitingolli Makayyioohit nẽ huduktaak eet vẽlẽk hiita hĩ ĩnõõnnõ. Agayyeet Nyekuci ngagĩĩt ngaatĩ hĩĩgĩnnĩ eet ꞌcĩg haattĩg hutuno nẽ hammuhi agayyu niig buúk ngaatĩ hĩĩgĩnnĩ naag eet ꞌcĩg haattĩg hutuno.

2 Korinthia 5:20

Hĩĩtõ naag ꞌthooyyiak cĩg Krĩstõ nẽ alauung Nyekuci ngagiit aĩ, ĩthĩhĩt nyeemuut cĩnnĩ ꞌcĩ ĩĩn ngeju ho. Hõthõõꞌtha naag nyeemuut cĩ Krĩstõ nẽ dĩdĩ hadiimmuung naag ngagiit agayyio hĩ Nyekuc.

2 Korinthia 6:1

Hĩcĩ hadticanni naag hõdẽĩ hĩ Nyekuci, halayyuung naag ngagiit haĩnna, idticattõõĩ bũnnai cĩ Nyekuci ꞌgõõlaa ꞌcĩ abũnnaa.

Kolooꞌthe 1:23

Nẽẽthĩ, má aallannu elemmu nẽ okomtu thõõth ꞌcĩ ĩĩn dĩdĩ, ma hẽꞌngẽlannu thõõthaa baa ĩĩn dĩdĩ ĩbaa ithiktu niig nyeemuutaa ꞌcĩ abũnnaa. Baa irrioonni nyeemuut ꞌcĩ abũnnaa ho looc vẽlẽk nẽ naa Paaulo, baa ẽbẽraawa Nyekuci hĩĩ dticciannioohit ꞌcĩ hirriooni thõõth icci.

Kolooꞌthe 1:28

Hirrioonĩka naag eet nyeemuut cĩ Krĩstõ nẽ hidticattooyyia ꞌgẽẽnyĩth vẽlẽk hillimatta eet hĩ ngaatĩ hilootta eet vẽlẽk, hátĩ hiita hĩtĩlĩthĩt nuyyiooha cĩg Krĩstõ vẽlẽk hokomit lemiitta.

2 Timotteeo 4:2

ꞌLimmaneek eet thõõth cĩ Nyekuci jurrung, tananga ammũjĩ hode õkõmĩ ngaatĩ adĩmanĩĩ noho, raa ꞌlimmaneek eet thõõth cĩ Nyekuci ooo, tẽrẽth eet ꞌgoolliok ꞌcĩg abathĩ, ꞌgerenyeek ꞌthẽccanniook, aꞌnyĩĩk ꞌthinneeti cĩggĩĩng hokomit nẽ ꞌlimmanõ ꞌthĩnĩtaa cĩ õkõmĩ.