ꞌLuuka 14:21 - ꞌBuuk cĩ Thõõth cĩ Nyekuci

²¹ “Nĩngĩtĩ õbõdaanĩ dticciannioohiti aku aduhaakĩ makayyioohit cĩnnĩ thõõth icci. Ma nĩngaata, ikia ĩlĩĩlĩ makayyioohiti gẽrrẽẽt nẽ uduhaak dticciannioohit cĩnnĩ ĩĩnnĩk, ‘Viir hataman, bĩĩt ꞌgoolliohĩĩ cĩg ꞌtaaũnaak nẽ ũũk ũlũtaahaa hullaha hĩ tuhuulliak hĩ rubenniaak hiita.’

ꞌLuuka 14:21 ပူးပေါင်းရင်းမြစ်များ

Maatteeo 11:28

“Iita hĩ nganĩĩt niig vẽlẽk eeta ꞌcĩg ippiirriau dtiicanẽẽnnĩĩ ĩĩcĩg adĩddĩngĩĩ hĩ ngaatĩ irriongannu ijjio ꞌcĩg adĩddĩngĩĩ, haaꞌnyuung hatĩ naa nĩngĩtĩ iyyiomannu.

Maatteeo 11:5

Ĩcĩttĩ rubenniaaha, õtõõcõ ꞌngoolliaha, ũbũttaathõ eeta ꞌcĩg adak helleggeri, ĩthĩktõ eeta ꞌcĩg adĩĩtĩ ĩĩna, ũrũgta daakiaha nẽ illimanoothĩk nyeemuut ꞌcĩ abũnnaa eet ꞌcĩg appĩĩrna.

Maatteeo 15:12

Nẽ iita ijinit nuyyiooha cĩgĩnnĩg ĩnõõnnõ ĩĩttĩk, “Aga nii ngaatĩ õdõõmĩ Variꞌtheei thõõthaa ĩĩaa aduha niina?”

Maatteeo 18:31

Ma baa acĩn dticcianniooha ꞌgoonoggia thõõth icci ho, iita ommoꞌthi nẽẽg gẽrrẽẽt, nĩngĩtĩ õõ aduhaakĩ habu thõõth ꞌcĩ adĩman dticciannioohiti nicciee ho.

Maatteeo 20:7

“Ẽdẽcĩ eeta tĩko ĩnõõnnõ anneek, ‘Hĩnĩngĩtĩ aitiõõ ẽẽtĩ ꞌcĩ alũtteet nẽ aaꞌnyeet dtiic tõõ.’ “Ẽdẽcĩ nẽẽ ĩhõõggõ anneek, ‘Õõt idticattõ niig buúk manaa caannĩ ĩcĩ viinoo.’

ꞌLuuka 14:13

Nẽẽthĩ, ma aꞌnyahi karrama, tũvva ꞌguurthettiaak hĩ ꞌngoolliak hĩ rubenniaak.

ꞌLuuka 14:20

“Ẽdẽcĩ tarĩ umwaa aĩ, ‘Ẽlẽ, occa hõllõngaa hakuuni, baa nga haꞌngĩdĩ ibiaali noho.’

ꞌLuuka 14:22

“Ma baa õbõda dticciannioohiti ho, ikia uduhaak makayyioohit ĩĩnnĩk, ‘Makayyioohit, hĩdĩmana hĩaa aduha niina, nẽẽthĩ, nga maka nĩngĩtĩ ꞌcĩ occa aattiyyi eeta ũgẽẽgĩ.’

ꞌLuuka 14:24

Aitiõõ ꞌthẽk hatĩ eeta baag haavvi naa hõllõngaa atarĩ ꞌgẽẽn cĩ karrama caannĩ ho.’ ”

ꞌLuuka 24:47

nẽ irrioonni hatĩ thõõth cĩ ũũnnõthõõthĩkĩ ꞌthẽccanẽẽta hĩ thõõth ꞌcĩ ammaannothoothĩkĩ eeta loonyini vẽlẽk ꞌthaarĩĩ cĩgĩnnĩg, iꞌthianaanĩ ꞌJeruꞌthalẽma.

ꞌLuuka 9:10

Ma baa oboddia ꞌthooyyiaha, iita uduktaak Yeesu dtiicanĩ ꞌcĩg baag adĩman nẽẽg ko. Nĩngĩtĩ õkõõĩ nẽẽ ĩhõõggõ ĩĩcĩ ꞌtaaũn cĩ Beꞌthaida.

Yõaannẽ 9:39

Nẽ ĩĩnnĩk Yeesu ĩnõõnnõ, “Baa hakuu hetteedi naa thooꞌthiok cĩg looc nicci, hátĩ hĩcĩttĩ eeta ꞌcĩg rubettĩg nẽ ĩĩtõ rubettĩg eeta ꞌcĩg acĩnĩ.”

Ebereei 13:17

Niig lemmioha, ĩthĩhĩt makayyiook cugguung nẽ ĩdĩmattu thooꞌthiok ꞌcĩg aduhaakuung nẽẽgĩ. Ebekuung nẽẽg ngagiit nẽ Nyekuc ꞌcĩ hatĩ ẽttẽẽd thooꞌthiok cĩggĩĩng. Nẽẽthĩ, ma haaꞌnyiku ĩhõõggõ hõngõõngõõcõ dtiicaa cĩnĩĩng. Aanytĩk ĩhõõggõ haccamattoothĩk, hĩnĩngĩtĩ aitiõõ hinnia hatĩ hõllõngaa eelluung ngagiit ũdũt.

Ebereei 2:3

Nẽẽthĩ, má hũtũbũrĩt naag thõõth icci tiiri ꞌcĩ aꞌnyaha Makayyioohiti Yeesu ꞌcĩ occa heellianĩ ho, occa hatĩ halĩĩta naag ukẽẽnĩt nicci hutuno? Makayyioohit Yeesu ꞌcĩ baa aduha ĩĩcĩ oou thõõth ꞌcĩ heellianĩ naag ko, nẽ uduktaaheet eeta baag ĩthĩhĩt ĩnõõnnõ ĩĩttĩheet, ĩĩn thõõth ciee thõõth dĩdĩ.

ꞌJeemith 2:5

ꞌGotoonoga hĩ ngoonoga ĩthĩktõ. Ẽbẽra Nyekuci hullaha nẽ aaꞌnyĩk ĩhõõggõ lemiinit ꞌcĩ maka loota nĩnga. Nẽ uduhaak ĩhõõggõ buúk thõõth ꞌcĩ hatĩ õthõlĩ nẽẽg hĩ ĩnõõnnõ habuccieet cĩnnĩ, ꞌcĩ hatĩ aaꞌnyĩk nẽẽ eet vẽlẽk ꞌcĩg ammĩnan ĩnõõnnõ.

Terethiinit 19:15

Baa adukna nyetuboot umwaa ꞌcĩ ꞌlẽhẽdĩ gẽrrẽẽt ũtũũgaa cĩnnĩ, ꞌcĩ ẽꞌngẽddĩ nẽẽ eet cĩg loonyinu. “Aggam hatĩ nẽẽ loonyin hĩbahĩtaa ꞌcĩ ĩĩn ꞌthiihit.” Adduuta hatĩ nẽẽ liilii cobbi cĩ Nyekuc ꞌTirriannioohit vẽlẽk, haau hĩ viino ꞌcĩ ariha ꞌloohaa ꞌcĩ ammacciini.

Terethiinit 22:17

Nẽ othoothito Lorii ꞌcĩ Ẽllẽẽmĩth hĩ lothippit cĩ lemmioohu ĩĩtõ, “Ijjia!” Aꞌnyĩĩk eet ꞌcĩ athĩhĩ thõõth icci hĩĩ, “Ijjia!” Má atab ẽẽtĩ umwaa maam ꞌcĩg ahũdĩ, aꞌnyĩĩk hũhũd maam ꞌcĩg rũgẽt ꞌcĩ aalla ooo.