ꞌLuuka 14:15 - ꞌBuuk cĩ Thõõth cĩ Nyekuci

¹⁵ Ma baa athĩhĩ eet umwaa ꞌcĩ arũmĩ hĩ Yeesu nĩngaata thõõth icci ho, ikia othoothĩk nẽẽ Yeesu ĩĩnnĩk, “Aggatanĩ ẽẽtĩ ꞌcĩ hatĩ adak karrama habuccieetaa cĩ Nyekuci.”

ꞌLuuka 14:15 ပူးပေါင်းရင်းမြစ်များ

Maatteeo 25:10

“Ma baa nga õõ nẽẽg dũkaanaa ꞌcĩ õõ ũũtanĩ ngõõrrõ cĩnĩĩng ko, uppwaanna nyattaraana. Nĩngĩtĩ õõkõrĩ buheeci baag ũkũmattoothĩk ko, hĩ nyattaraan õõĩ karramaawaa cĩ nyahũũtaaõ, nĩngĩtĩ aꞌnyũũgẽnĩ hattũũga.

Maatteeo 8:11

Nẽ hanneekuung mẽẽlĩg hatĩ eeta ꞌcĩg au loonyinii cĩg uruto hĩ ꞌcĩg au ĩĩcĩ õkõlõõthĩkĩ kõrra, hiita hũrũmtĩ hĩ Abũrahaamõ hĩ Iꞌthaako hĩ Yakobo, ngaatĩ adahĩ karrama habuccieetaa cĩ hẽẽtkujjieen.

ꞌLuuka 12:37

Abũnnaa hatĩ dticcianniooha ꞌcĩg ma aku makayyioohiti cĩnĩĩng, ammũdeek acĩnĩ. Haduhaakuung dĩdĩ, aku hatĩ akũmanoothĩk makayyioohiti nẽ aaꞌnyĩk dticcianniook cĩgĩnnĩg haauto loota nẽ aaꞌnyĩk ꞌgẽẽn hudukto hĩ ĩnõõnnõ hõdẽĩ.

ꞌLuuka 13:29

Allũnganniaa hatĩ eeta loonyinii vẽlẽk, ĩĩcĩ uruto hĩ ĩĩcĩ õkõlõõthĩkĩ kõrra hĩ ĩĩcĩ holooc hĩ ĩĩcĩ hujjieen, hiita haauto dtaabĩtĩĩ cĩggĩĩng nẽ adahit karrama cobbi gẽrrẽẽt habuccieetaa cĩ Nyekuci.

ꞌLuuka 22:16

Hĩnĩngĩtĩ haduhaakuung dĩdĩ, iittiõõ hatĩ naa hõllõngaa haduk ꞌgẽẽn icci hĩ ngagiit tarĩ, ĩꞌthõng hikia hedeeꞌnyia habuccieetaa cĩ Nyekuci.”

ꞌLuuka 22:30

hátĩ iita udukto nẽ uhuddieeu tẽrẽmẽẽjawa habuccieetaa caannĩ nẽ aauttu dtaabĩtĩĩ ꞌcĩg etteeddiku thõõth hattũũgẽt õmmõtõ hĩ ꞌramma cĩg Ĩꞌthĩraẽlĩ.”

Terethiinit 19:9

Ma ho, õthõõthahaa aajĩlõ ĩnnĩhaa, “Tẽhẽẽd thõõth nicciaa loota. Aggatan hatĩ Nyekuci eet vẽlẽk ꞌcĩg au nyahũũtaawaa cĩ Mĩꞌnyoono.” Nẽ õthõõthahaa aajĩlõ tarĩ ĩĩnnĩhaa, “Ĩĩn thooꞌthioha cieeg vẽlẽk ꞌcĩg aduha Nyekuci dĩdĩ.”