ꞌLuuka 14:13 - ꞌBuuk cĩ Thõõth cĩ Nyekuci

¹³ Nẽẽthĩ, ma aꞌnyahi karrama, tũvva ꞌguurthettiaak hĩ ꞌngoolliak hĩ rubenniaak.

ꞌLuuka 14:13 ပူးပေါင်းရင်းမြစ်များ

Maatteeo 15:30

Ma nĩngaata, ikia lothippiti umwaa cobbi gẽrrẽẽt, ꞌcĩ aꞌnyaha eet ꞌcĩg ngõõlĩg, hĩ ꞌcĩg rubettĩg hĩ ꞌcĩg hõllõngaa õthõõthĩ. Nẽ aarrik ĩhõõggõ vẽlẽk loota muumaa cĩ Yeesu. Nĩngĩtĩ aaꞌnyĩkĩ nẽẽ ĩhõõggõ vẽlẽk hũbũttaathõ.

Maatteeo 22:10

Nĩngĩtĩ õõĩ dticcianniooha ꞌgoolliohĩ nẽ uluttia eet vẽlẽk ꞌcĩg ammũda nẽẽgĩ, ꞌcĩg abũnnaa hĩ ꞌcĩg abathĩ nẽ ikia ĩbbĩt ꞌcieeth cĩ karramaaõ.

ꞌLuuka 11:41

Nẽẽthĩ, aanytĩk eet ꞌcĩg appĩĩrna ꞌgii ꞌcĩ aaĩ hẽddẽẽmatõõ, hátĩ ĩĩtõ tẽllĩg.

ꞌLuuka 14:12

Nĩngĩtĩ annẽẽkĩ Yeesu baattĩ olu, “Ma aꞌnyahi hatĩ gõõng ꞌgẽẽn õlõõ cunni, ma havva ꞌgoonogu hode ꞌgotoonogu hode ittioonniok, hode balliook ꞌcĩg arũmeennu. Má avva ĩhõõggõ, horoong hatĩ au avvaanni nẽẽg buúk nganiit horumwa nẽ ũdũmanit ꞌgẽẽn baa aaꞌnyihi nii ĩhõõggõ ho.

ꞌLuuka 14:14

Ĩnõõ ꞌcĩ hatĩ aggatanni Nyekuci nganiita. Tananga aitiõõ nẽẽg hõllõngaa adũmanniina, adũmannii hatĩ nii kõr ꞌcĩ arũgnaanĩ eeta ꞌcĩg abũnnaa daahĩtha.”

ꞌLuuka 14:21

“Nĩngĩtĩ õbõdaanĩ dticciannioohiti aku aduhaakĩ makayyioohit cĩnnĩ thõõth icci. Ma nĩngaata, ikia ĩlĩĩlĩ makayyioohiti gẽrrẽẽt nẽ uduhaak dticciannioohit cĩnnĩ ĩĩnnĩk, ‘Viir hataman, bĩĩt ꞌgoolliohĩĩ cĩg ꞌtaaũnaak nẽ ũũk ũlũtaahaa hullaha hĩ tuhuulliak hĩ rubenniaak hiita.’

Dtiicanĩ cĩg ꞌThooyyiahu 9:39

Nĩngĩtĩ õõkõrĩ Pẽẽtũrũ hĩ ĩhõõggõ, ma baa õdõlan ko, iita ootti eeta ĩnõõnnõ ꞌcieetha lokora. Baa abĩlĩ ngaatĩbõyyĩꞌnya nĩngaata alu nẽ etereꞌthieek ĩnõõnnõ koouꞌnya hĩ ceremwa ũgĩ ꞌcĩg baag alũũlla ꞌDõõrka baa nga arũgĩ.

1 Timotteeo 3:2

Abũnnaa ĩĩn makayyioohiti cĩ lothippit cĩ lemmioohu, eet ꞌcĩ aꞌnyak ngaa hõdẽẽthõng, eet ꞌcĩ aꞌthũũnnĩ ẽlẽ cĩnnĩ nẽ ĩĩ eet ꞌcĩ iꞌngolli eet, abũnnaa ĩĩn eet ꞌcĩ iꞌngolli hẽẽrõn nẽ aga ngaatĩ allimanĩ eet.

1 Timotteeo 5:10

Abũnnaa agayyi nẽẽ gẽrrẽẽt ngaatĩ adticanĩ thooꞌthiok ꞌcĩg abũnnaa, ꞌcĩg aattĩg hĩ ꞌcĩg iroktaanĩ lõhõlĩ cĩgĩnnĩg jurrung, hĩ ngaatĩ akũmanẽẽkĩ hẽẽrõn õlõõ cĩnnĩ, akũmaneek eet cĩg Nyekuci õlõõ cĩnnĩ jurrung, ẽẽl pĩĩrnattiaak nẽ ĩrrĩcana ngaatĩ adticanĩ thooꞌthiok vẽlẽk ꞌcĩg abũnnaa.

Tiito 1:8

Abũnnaa ĩĩn eet cĩ eetu ꞌcĩ ammĩnan thõõth ꞌcĩ abũnnaa. Abũnnaa ĩĩn eet ꞌcĩ aꞌnyak muhẽẽnĩt ꞌcĩ abũnnaa nẽ ĩĩ eet ꞌcĩ aꞌthũũnnĩ ẽlẽ, ꞌcĩ ẽllẽẽmĩthĩ.

Vilõmẽẽnõ 1:7

ꞌGõtõna, aaꞌnya mĩnnanĩ cunni nganĩĩt haccamanoothĩk gẽrrẽẽt nẽ amammaayanaa, hĩnĩngĩtĩ aaꞌnyĩk tarbalꞌthẽẽt cunni eet cĩg Nyekuci haccamattoothĩk.

Ebereei 13:2

Ma hataarroꞌthu ngaatĩ avvaannu eet ꞌcĩg ĩĩn tahan hatĩ au õlõ, hĩnĩngĩtĩ eeta ũgẽẽgĩ ꞌcĩg baag avva tahan, ĩko hinnia avva aajĩlẽẽt nẽ hõllõngaa aga ngaatĩ ĩĩnnĩ aajĩlẽẽt buúk.