ꞌLuuka 13:17 - ꞌBuuk cĩ Thõõth cĩ Nyekuci

¹⁷ Ma baa aduha Yeesu thõõth icci ho, ikia aggam ngaaoni eet ꞌcĩg abũrĩ thõõth cĩnnĩ ho gẽrrẽẽt nẽ baa accamattoothĩk ꞌcĩg ẽlẽmĩ ĩnõõnnõ, hĩnĩngĩtĩ hẽlẽggĩ ꞌcĩg adĩman nẽẽ ho.

ꞌLuuka 13:17 ပူးပေါင်းရင်းမြစ်များ

Luugithõõ 15:11

Nganĩ umwaa nyekuꞌnyaannĩ, ꞌcĩ occa aduhoonnu hĩ nganiit Makayyioohit? Nganĩ ꞌcĩ aaĩ hĩ nii, attirani nii bulẽẽtta hĩ ꞌlẽẽmĩtha, ĩllõõani nii bulẽẽtta nẽ ĩdĩmanuu thooꞌthiok ꞌcĩg ĩnaat eeta.

ꞌLuuka 14:6

Ĩjjaaki tarĩ nẽẽg vẽlẽk kim noho.

ꞌLuuka 18:43

Ma hĩdĩĩkoothong ĩcĩnĩ ẽẽtĩ nicciee nĩĩcĩ noho nẽ ũnũ Yeesu ĩdĩhĩthõõthĩ Nyekuc. Ma baa acĩn eeta vẽlẽk ko, idihiꞌthiõõthĩ nẽẽg buúk Nyekuc.

ꞌLuuka 19:48

Nẽẽthĩ, baa aꞌnyaman ĩhõõggõ ꞌgõõl ꞌcĩ occa aruhi, hĩnĩngĩtĩ baa aalla eeta vẽlẽk nĩngaata athĩhĩ ĩnõõnnõ.

ꞌLuuka 20:40

Nẽ iittiõõ ẽẽtĩ ꞌcĩ nga ajin ĩnõõnnõ tarĩ tõõ.

Dtiicanĩ cĩg ꞌThooyyiahu 4:21

Nĩngĩtĩ ẽggẽrꞌnyẽẽkĩ makayyiooha Pẽẽtũrũ hĩ Yõaannẽ nẽ aanytĩk hõõt. Baa hõllõngaa ammũda nẽẽg thõõth ꞌcĩ occa uuki ĩhõõggõ, hĩnĩngĩtĩ baa adĩhĩth eeta vẽlẽk Nyekuc thooꞌthiohĩĩ ꞌcĩg adtican nẽẽg ko.

2 Timotteeo 3:9

Aitiõõ hatĩ nẽẽg hõllõngaa õõ nĩngĩmwa, hĩnĩngĩtĩ aga hatĩ eeta ngaatĩ ĩĩnnĩ thõõth cĩnĩĩng ko vẽlẽk ꞌgiithẽnĩt, haau hĩ baa ammuddiaa ꞌJaannẽthĩ hĩ ꞌJambere.

Tiito 2:8

ꞌLimmaneek eet thõõth cĩ Nyekuci ꞌcĩ ĩĩn dĩdĩ jurrung, hátĩ hiittiõõ hõllõngaa ẽppẽhan eet umwaanĩ. Aꞌngaaõn hatĩ mĩrõha cugunnig, hĩnĩngĩtĩ aitiõõ thõõth ꞌcĩ abathĩ ꞌcĩ ammũda hĩ nganiit hode hĩ ngagĩĩt tõõ.

1 Pẽẽtũrũ 3:16

Attacanit ĩhõõggõ ꞌthinneetinii ꞌcĩg alalĩ nẽ aanytĩk muhẽẽnĩt cĩ ꞌthinneeti cugguung hĩĩ tẽlla. Má othooꞌthuung eeta ꞌbuth, aggam hatĩ ĩhõõggõ ngaaoni hatĩ acĩn rũgẽt cunuung ꞌcĩ abũnnaa, hĩnĩngĩtĩ iiginnu niig cĩg Krĩstõ.