ꞌLuuka 13:16 - ꞌBuuk cĩ Thõõth cĩ Nyekuci

¹⁶ Occa ꞌyioko adiimmu niig tĩnaatĩ Abũrahamĩ ꞌcĩ ẽcẽb ꞌThĩttaanĩ irkiꞌnyia õmmõtõ hĩ turkiyyio ho, hiittiõõ hõllõngaa eelliaa Kõrraa cĩ ꞌYiommaanõ?”

ꞌLuuka 13:16 ပူးပေါင်းရင်းမြစ်များ

Maatteeo 4:10

Ẽdẽcĩ Yeesu anneek, “Maꞌnyanĩ ngaatĩ haayyi naana ꞌThĩttaan! Eheeddi ꞌBuuhaa cĩ Nyekuci aĩ, ‘Buluth Nyekuc Makayyioohit cunni nẽ idticanoothihuu ĩnõõnnõ diooni.’ ”

Maarko 2:27

Nĩngĩtĩ aduhaakĩ Yeesu ĩhõõggõ annẽẽkĩ, “Baa aarĩhoothĩk Kõrra cĩ ꞌYiommaanõ hĩĩ bũnnai cĩ eetu nẽ baa hõllõngaa ẽhẽnytaa eeta hĩĩtõ bũnnai cĩ Kõr cĩ ꞌYiommaanõ.

ꞌLuuka 16:24

Nĩngĩtĩ avvõõꞌthĩ nẽẽ Abũrahaamõ annẽẽkĩ, ‘Baaba Abũrahaamõ! Tamaatĩhaa baaĩ nuun! ꞌThõõahaa Laaꞌtharõ hikia hokoleek aꞌthiit maamĩtõõ nẽ ĩdtĩlaneeka ahaat maam halalĩĩthanĩ, hĩnĩngĩtĩ aaburii ꞌgwaa ngaati padtahac.’

ꞌLuuka 19:9

Nĩngĩtĩ õthõõthĩ Yeesu aĩnnĩ, “Ikia elliaanĩtĩ kõr icci ꞌcieethaa cĩ, hĩnĩngĩtĩ ĩĩn ẽẽtĩ ciee buúk ngeertĩ Abũrahamĩ.

ꞌLuuka 3:8

Ĩdĩmanit thooꞌthiok ꞌcĩg occa ẽtẽrꞌtha aĩ, ũtũngteehu niig ꞌthẽccanẽẽt cugguung dĩdĩ. Nẽẽthĩ, ma nga hammuku hainnu, ‘Haꞌnyaka baaĩ nẽẽ naag baangeet cĩnaang Abũrahaamõ.’ Nẽ haduhaakuung naa hanneekuung, ũũlũ Nyekuci ngaatĩ occa ũũkcĩ biyyiẽẽn iccig hĩĩtõ lõhõlĩ cĩg Abũrahamĩ.

Yõaannẽ 8:44

Ĩĩgĩnnu niig lõhõlĩ ꞌcĩg habu cĩ loriẽẽt ꞌcĩg abathĩ nẽ adĩmannu thooꞌthiok ꞌcĩg adiim lorii ꞌcĩ abathĩ ho. Baa ĩĩn nẽẽ eet ꞌcĩ aruk eet baarkit nẽ hõllõngaa aduha thõõth ꞌcĩ ĩĩn dĩdĩ, hĩnĩngĩtĩ nga huduha nẽẽ thõõth ꞌcĩ ĩĩn dĩdĩ. Ma õõlõng lorii ꞌcĩ abathĩ, gõõng nyattal cĩnnĩ niccia, hĩnĩngĩtĩ ĩĩn nẽẽ oloꞌngiaahit ꞌcĩ ĩĩn baattĩ olongo.

Dtiicanĩ cĩg ꞌThooyyiahu 13:26

“ꞌGotoonoga hĩ ngoonoga, lõhõlẽẽtĩg Abũrahamĩ hĩ ngagiit eet ꞌcĩg hõllõngaa iiginnu eet cĩg ꞌJudeei nẽ iꞌngolinnu Nyekuc ko, ngagĩĩt vẽlẽk ꞌcĩg baag iꞌthooyyiakeet nyeemuut ciee elliitto ho.

2 Timotteeo 2:26

nẽ hatĩ iita ummuddia nẽẽg thõõth dĩdĩ ꞌcĩ alĩĩtanĩ detiinit cĩ habu cĩ loriẽẽt ꞌcĩg abathĩ, ꞌcĩg baa aaꞌnyĩk ĩhõõggõ hĩĩtõ appahacaaꞌnya ꞌcĩg adticanoothĩk ĩnõõnnõ.