ꞌLuuka 13:14 - ꞌBuuk cĩ Thõõth cĩ Nyekuci

¹⁴ Ma adtuuha makayyioohiti cĩ ꞌCieeth cĩ Laiitto ngaatĩ adĩmanĩ Yeesu thõõth icci Kõrraa cĩ ꞌYiommaanõ ho, ikia ĩlĩĩlĩ gẽrrẽẽt, nĩngĩtĩ annẽẽkĩ lothippit, “Ĩĩn waathinniooha hõdõõkõthĩ tõrkõnõn cĩg dtiicak. Iita eellia eleeti waathinnioohĩĩ cĩg, hõllõngaa Kõrraa cĩ ꞌYiommaanõ.”

ꞌLuuka 13:14 ပူးပေါင်းရင်းမြစ်များ

Luugithõõ 20:9

Waathinnioohĩĩ ꞌcĩg ĩĩn tõrkõnõn, occa adticannu dtiicanĩ cugguung vẽlẽk,

Luugithõõ 23:12

“Aꞌnyaku niig waathinniook tõrkõnõn lommidikaawa hõdẽẽthõng ꞌcĩg adticannu dtiic cunuung, nẽẽthĩ kõrraa ꞌcĩ ĩĩn tũrkĩramma, ma hadticaniinnu. Thõõth ꞌcĩ aaꞌnyĩk olĩꞌnya cugguung hĩ thigirẽẽt hiyyiomanit cieeni. Nẽ tarĩ ẽlẽmaakĩ thõõth ciee appahacaaꞌnya hĩ eet cĩg looc ꞌcĩ ꞌrĩĩng ꞌcĩg arũmeennu hĩ ngagiit buúk, hiyyiomanit.

Maatteeo 12:2

Ma baa acĩn Variꞌtheei thõõth icci ho, iita ĩĩttĩk nẽẽg Yeesu, “Cĩĩn nõõ! Inni nuyyiooha cugunnig hĩdĩmanit ꞌgii ꞌcĩ abũrĩ nyattalĩ Kõrraa cĩ ꞌYiommaanõ, ngaatĩ ẽttẽẽdanĩ ꞌgẽẽmẽ ho?”

Maarko 5:22

Ma ho, uppwaanna ẽẽtĩ umwaa ꞌcĩ haĩ ꞌJairo eetinii ꞌcĩg baag ĩĩn makayyiook cĩg ꞌCieeth cĩ Laiitto. Ma acĩn ꞌJairo Yeesu ho, ẽttẽẽd looc ꞌthõõnĩĩ cĩgĩnnĩg,

ꞌLuuka 6:11

Alĩĩlĩ hinnia nẽẽg hodohohit heengti kak nẽ othoothito nyaagwaana ĩĩtõ, “Hadahĩ occa ꞌthẽk Yeesu neegi?”

ꞌLuuka 6:7

Baa arrĩĩppan Variꞌtheei hĩ ꞌlimmanniook cĩg nyattaalak, ꞌgõõl ꞌcĩ occa adtuuhanĩ Yeesu ngaatĩ adĩmanĩ thõõth ꞌcĩ abathĩ, hátĩ hõhõppõõcanit ĩnõõnnõ haggamĩ. Nĩngĩtĩ akannĩ nẽẽg ĩnõõnnõ hẽbẽrĩ jurrung, hudtuukta hatĩ má occa ẽẽla eet Kõrraa cĩ ꞌYiommaanõ ho.

ꞌLuuka 8:41

Ma nĩngaata, ikia ẽttẽẽd ẽẽtĩ umwaa ꞌcĩ haĩ ꞌJairo looc ꞌthõõnĩĩ cĩg Yeesu nẽ ĩĩlaleek ĩnõõnnõ hũũk õlõõ cĩnnĩ. Baa ĩĩn ꞌJairo makayyioohit cĩ ꞌCieeth cĩ Laiitto.

Dtiicanĩ cĩg ꞌThooyyiahu 13:15

Ma urutaa cĩ tigiilẽnĩt ꞌcĩ aku nyattaala cĩ Mũũꞌtha hĩ ĩĩcĩ põrõvẽtaaꞌnyanu, ĩꞌthooyyia makayyiooha cĩg ꞌCieeth cĩ Laiitto eet umwa hikia huduhaak Paaulo hĩ Baarnaba hĩĩnnĩk, “ꞌGotoonoga, má aꞌnyaku nyeemuut umwa ꞌcĩ ẽẽl eeta, iita nuun udukta.”

Dtiicanĩ cĩg ꞌThooyyiahu 18:17

Ma ho, ĩtĩnga lothippiti aggam eet umwa ꞌcĩ haĩ Thõõthẽnẽ, ꞌcĩ baa ĩĩn makayyioohit cĩ ꞌCieeth cĩ Laiitto nẽ uukito muumaa cĩ lokihoo. Baa nẽẽ tarĩ, hõllõngaa aallak ꞌGallio thõõth icci ũdũt.

Dtiicanĩ cĩg ꞌThooyyiahu 18:8

Baa ĩĩn eet umwa ꞌcĩ haĩ Kirithpo makayyioohit cĩ ꞌCieeth cĩ Laiitto. Ma ho, iita elemit nẽẽg hĩ halang cĩnnĩ vẽlẽk Makayyioohit Yeesu. Nĩngĩtĩ au athĩknĩ eeta ũgẽẽgĩ ꞌcĩg mẽẽlĩg cĩg Korinthia nyeemuut icci nẽ eeta vẽlẽk ꞌcĩg baag elemit Makayyioohit, iita aggamit baattithimo.

ꞌRooma 10:2

Hĩnĩngĩtĩ occa haduha naa haini, ammĩnan nẽẽg Nyekuc, nẽẽthĩ hinnia, mĩnnanĩ cĩnĩĩng ko, hõllõngaa aku hĩ ꞌgẽẽnyĩth.