ꞌLuuka 13:13 - ꞌBuuk cĩ Thõõth cĩ Nyekuci

¹³ Nĩngĩtĩ ahumi Yeesu ĩnõõnnõ hĩbĩl ꞌcũl hĩdĩĩkoothong nẽ iꞌthianaaĩ ĩdĩhĩth Nyekuc.

ꞌLuuka 13:13 ပူးပေါင်းရင်းမြစ်များ

Maatteeo 9:8

Ma baa acĩn lothippiti thõõth icci ho, iita aꞌngalilli nẽẽg gẽrrẽẽt ũdũt nẽ ĩdĩhĩthĩt Nyekuc ꞌcĩ aaꞌnyĩk eet makaaꞌthĩt ꞌcĩ aaĩ noho ho.

Maarko 16:18

Aggam hatĩ nuyyiooha cieeg hũkaaꞌnya athĩnĩĩ cĩggĩĩng nẽ aitõõ hatĩ hũkaaꞌnya hõllõngaa occa adak ĩhõõggõ. Nẽ ma adak nuyyiooha ꞌgẽẽn ꞌcĩ aarĩk eeta ẽgẽrnẽẽn ꞌcĩg occa aruk nuyyiook, aitiõõ hatĩ hõllõngaa adaahĩ ũdũt. Nẽ ataadĩk hatĩ nẽẽg athĩn cĩggĩĩng eetinii ꞌcĩg õmmõõrĩ nẽ hatĩ ũbũttaathõ eeta tĩko.”

Maarko 5:23

nẽ ĩĩlaleek Yeesu ĩĩnnĩk, “Õmmõõrĩ nganĩĩt loholeec ꞌcĩ ngayyi ꞌcĩ hidici gẽrrẽẽt. Ijjia baaĩ nuun bĩĩt huum ĩnõõnnõ athĩnĩĩ cugunnig, hátĩ hũbũna nẽ ũrũga!”

Maarko 6:5

Baa hõllõngaa adtican Yeesu thooꞌthiok ꞌcĩg ĩnaat eeta nĩngaata, nẽẽthĩ nẽẽꞌthẽk, baa ataadĩk athĩn cĩgĩnnĩg eetini ũgẽẽgĩ ꞌcĩg baag abadtẽc ꞌcĩg õmmõõrĩ nẽ aaꞌnyĩk ĩhõõggõ hũbũttaathõ.

Maarko 8:25

Ma nĩngaata, ataadĩk Yeesu ĩnõõnnõ athĩn hẽbẽrẽẽnnĩ tarĩ. Ma ngaati, ĩcĩnĩ ẽẽtĩ lõꞌngõõc, hĩnĩngĩtĩ ũbũttaathõ hẽbẽrĩ nẽ ĩcĩn hẽlẽggĩ vẽlẽk jurrung.

ꞌLuuka 13:12

Ma baa adtuuha Yeesu ĩnõõnnõ ho, ũtũvvũ hikia ĩĩcĩ oou nẽ ĩĩnnĩk, “Ngaa cieeni, ũbũnauu niina.”

ꞌLuuka 18:43

Ma hĩdĩĩkoothong ĩcĩnĩ ẽẽtĩ nicciee nĩĩcĩ noho nẽ ũnũ Yeesu ĩdĩhĩthõõthĩ Nyekuc. Ma baa acĩn eeta vẽlẽk ko, idihiꞌthiõõthĩ nẽẽg buúk Nyekuc.

ꞌLuuka 4:40

Ma baa okoloothĩk kõrra, aꞌnyaktaak eeta Yeesu eet ꞌcĩg aꞌnyak mooriꞌthiook cũũmõ cũũmõ nẽ ataadĩk nẽẽ athĩn cĩgĩnnĩg ootinii cĩggĩĩng hõdẽĩ hõdẽĩ, nĩngĩtĩ abũnnayyĩ nẽẽg vẽlẽk.

Dtiicanĩ cĩg ꞌThooyyiahu 9:17

Nĩngĩtĩ õkõ adukni Anania õlõ tĩho. Ma nĩngaata, ataadĩk athĩn cĩgĩnnĩg hĩ ꞌThaaulo nẽ ĩĩ, “ꞌGõtõna ꞌThaaulo, Makayyioohit Yeesu baa uppwannakii nganiit ꞌgõõlaa ꞌcĩ akuuni ngaati ho, ꞌcĩ ĩꞌthõõannaa nganĩĩt, hátĩ cĩnĩ nii tarĩ nẽ ũmmũda Lori ꞌcĩ Ẽllẽẽmĩthĩ.”