ꞌLuuka 12:45 - ꞌBuuk cĩ Thõõth cĩ Nyekuci

⁴⁵ ꞌYioko hĩĩ ꞌcĩ ammuhi dticciannioohiti aĩnnĩ, ‘Aitiõõ baa nẽẽ hõllõngaa aku nganĩĩt makayyioohiti hĩdĩĩkoothong,’ nẽ iꞌthianaaĩ õmmõg dticcianniook ꞌcĩg ngayyig hĩ ꞌcĩg maacĩg vẽlẽk nẽ uduho gẽrrẽẽt nẽ ũhũdĩ hũdũũt,

ꞌLuuka 12:45 ပူးပေါင်းရင်းမြစ်များ

Maatteeo 22:6

Nĩngĩtĩ aggamĩ ũgẽẽgĩ dticcianniook cĩg habuuak ko nẽ ĩdĩmanit ꞌbuth nẽ uruhit thõng buúk.

ꞌLuuka 12:44

Haduhaakuung dĩdĩ, aarĩk hatĩ makayyioohiti cĩnnĩ ĩnõõnnõ hẽbẽk ijjio vẽlẽk.

ꞌLuuka 12:46

atinya hatĩ dticciannioohiti makayyioohit cĩnnĩ ho, kõrraa ꞌcĩ hõllõngaa ammuhunẽẽkĩ nẽẽ ngaatĩ akuuni. Aku hatĩ uuk makayyioohiti ĩnõõnnõ nẽ itiggiaeek ꞌgoonoginni ĩĩ gõõng hõllõngaa ĩĩn lemmiook.

ꞌLuuka 21:34

“Aaut jurrung, ma hattumaniinnu ꞌgõõlaa ꞌcĩ ara aduunnu nẽ ĩdĩmattu thooꞌthiok ꞌcĩg abathĩ hĩ ngaatĩ apuppuddu, hĩnĩngĩtĩ rũgẽt cĩ looc nicci. Má adĩmannu noho, alubaakuung hinnia hatĩ kõrra ꞌcĩ decciaanĩt cĩ lootu nyahamalliak hĩ nyerite.

Yõaannẽ 2:10

nẽ ĩĩnnĩk, “Gõõng hakatĩ mẽrtĩ cĩ viino ꞌcĩ ahahatĩĩ ĩcĩ oou. Ma ũũppattĩ hẽẽrõnĩ, nẽẽthĩ, aꞌnyakta ꞌteeddiaha. Agunyuthi hinnia hatĩ nii mẽrtĩ ꞌcĩ ahahatĩĩ ĩꞌthõng hĩĩ noho inni?”

Dtiicanĩ cĩg ꞌThooyyiahu 2:18

Waathinnioohĩĩ tĩko, haaꞌnyihi hatĩ naa Lori caannĩ dticcianniook cĩgannĩg ꞌcĩg maacĩg hĩ ꞌcĩg ngayyig nẽ illimatteek eet thõõth caannĩ.

ꞌRooma 16:18

Hĩnĩngĩtĩ eeta ꞌcĩg aattĩg noho, hõllõngaa adticanoothĩk Krĩstõ Makayyioohit cĩnaac, nẽẽthĩ hinnia, adticanoothĩk nẽẽg ꞌgii ꞌcĩ accamana nẽẽgĩ. Ĩggõõl nẽẽg eet ꞌcĩg aggiithi ooti thooꞌthiohĩĩ ꞌcĩg ẽmmẽdĩ.

2 Korinthia 11:20

Nẽ dĩdĩ, nga aalla anuꞌthaannu niig eet ꞌcĩg aarruung ngagiit ĩĩtõ appahacaaꞌnya noho, arratannuunga nẽ igorithit ijjio cugguung nẽ tarĩ õdõng eleeti cĩggĩĩng hĩllõõattuung ngagiita nẽ atabaangtuung ngagiit muumti cũrũmũũm nĩĩcĩ noho.

1 Tẽꞌthaloonika 5:7

Nẽ eeta ꞌcĩg oogini, oogin baal nẽ eeta ꞌcĩg adũũtĩ, adũũtĩ baal.

2 Pẽẽtũrũ 2:13

Acuddiaa hatĩ nẽẽg, hĩnĩngĩtĩ thooꞌthiok ꞌcĩg abathĩ ꞌcĩg adĩman nẽẽg ko. Aangal nẽẽg ngaatĩ adĩmanĩ karramẽẽt nẽ ĩdĩmanit thooꞌthiok ꞌcĩg ĩĩn ꞌriiring waath ꞌcĩg abũraneek eleeti cĩggĩĩng. Ĩĩn nẽẽg eet ꞌcĩg aꞌnyahaakuung ngagiit thooꞌthiok ꞌcĩg abathĩ hõrggẽẽnaa cunuung.

2 Pẽẽtũrũ 2:19

Ĩggõõl nẽẽg ĩhõõggõ anneek haaꞌnyuung aaut lõꞌngõõc nẽ ĩĩn nẽẽ nẽẽg appahacaaꞌnya cĩg ꞌthẽccaanak, hĩnĩngĩtĩ ĩĩn eeta appahacaaꞌnya cĩg hẽlẽggĩ ꞌcĩg aggam ĩhõõggõ.

Terethiinit 16:6

Baa uruhit eeta baag abathĩ eet cugunnig ꞌcĩg ẽllẽẽmĩth hĩ põrõvẽtaaꞌnya cugunnig. Nẽ baa uuku nii ĩhõõggõ, hĩnĩngĩtĩ ĩĩn ꞌgii ꞌcĩ akĩĩny nẽẽgĩ.”

Terethiinit 18:24

Baa nganiit ꞌcĩ aĩnanaa eet baag ĩĩn põrõvẽtaaꞌnya, hĩ eet ꞌcĩg ẽllẽẽmĩth cĩg Nyekuci, hĩ eet vẽlẽk baag aruhi loota nĩnga, hudduutti biyyieeta loota.”