ꞌLuuka 12:21 - ꞌBuuk cĩ Thõõth cĩ Nyekuci

²¹ “Aaĩ ꞌthẽk hatĩ hoti buúk hĩ eet ꞌcĩg itiangꞌtheek eleeti cĩggĩĩng baliinit cĩ looc nicci nẽ hõllõngaa aballi muumaa cĩ Nyekuci.”

ꞌLuuka 12:21 ပူးပေါင်းရင်းမြစ်များ

ꞌLuuka 12:33

Utuuyyiõĩ ijjio cugguung nẽ aanytĩhu ꞌrabbẽẽt pĩĩrnattiaak. Aꞌnyĩĩk baliinit cunuung hitiangĩthĩ hẽẽtahujjieen ngaatĩ occa hõllõngaa igorꞌthiini nẽ iittiõõ ꞌthõrõhõnyĩta ꞌcĩg adak tõõ.

ꞌLuuka 16:11

Má hõllõngaa aꞌthuunnu niig baliinit cĩ looc nicci, nganĩ thĩ hatĩ ꞌcĩ aaꞌnyuung uꞌthuutti baliinit ꞌcĩ ĩĩn dĩdĩ ho?

ꞌLuuka 6:24

“Nẽẽthĩ, pĩĩrnanĩt hĩ ngagiit balliook, hĩnĩngĩtĩ ummuddiaau niig bũnnai cunuung ẽlẽk.

ꞌRooma 2:5

Nẽẽthĩ, hĩnĩngĩtĩ ꞌlõõrĩth cunni hĩ thõõth ꞌcĩ hõllõngaa abũrrĩ ꞌthẽccanẽẽt cugunnig, athadeehi nii liilii cĩ Nyekuci ẽllaa cunni, hatĩ ikia kõrra ꞌcĩ alĩĩllĩ Nyekuci, hatĩ kõr ꞌcĩ ẽttẽẽdĩ nẽẽ thõõth ꞌgõõlaa cĩnnĩ ĩcĩ aũlanĩ.

2 Korinthia 6:10

nẽ haccamanoothĩka ooo tananga korrioohĩĩ cĩg pĩĩrnattaak. Nẽ tananga hĩĩgĩnna naag hullaha, haanytĩha naag eet ꞌcĩg mẽẽlĩg gẽrrẽẽt baliinit, tananga hiꞌthihi ꞌgii ꞌcĩ haꞌnyaka naaga, ĩĩn hẽlẽggĩ vẽlẽk cĩggaang.

1 Timotteeo 6:9

Eeta ꞌcĩg adiim baliinit, adhuhoothĩk nẽẽg ꞌtĩmman, ꞌgõõlaa ꞌcĩ ẽdẽtĩ ĩhõõggõ thooꞌthioha ꞌcĩg abathĩ ꞌcĩg abũraneek nẽẽg, ꞌcĩg aaꞌnyĩk ĩhõõggõ hẽꞌthẽcattĩ.

ꞌJeemith 2:5

ꞌGotoonoga hĩ ngoonoga ĩthĩktõ. Ẽbẽra Nyekuci hullaha nẽ aaꞌnyĩk ĩhõõggõ lemiinit ꞌcĩ maka loota nĩnga. Nẽ uduhaak ĩhõõggõ buúk thõõth ꞌcĩ hatĩ õthõlĩ nẽẽg hĩ ĩnõõnnõ habuccieet cĩnnĩ, ꞌcĩ hatĩ aaꞌnyĩk nẽẽ eet vẽlẽk ꞌcĩg ammĩnan ĩnõõnnõ.

Terethiinit 2:9

Haga naa pĩĩrnanĩt cunuung hĩ tamaati ꞌcĩ iiginnu hullaha nẽ abalinnu nẽẽꞌthẽk pee. Nẽ haga ngaatĩ odoommuung eeta ꞌcĩg aĩ hĩĩgĩnna ꞌJudeei ho nẽ hõllõngaa ĩĩn nẽẽg ꞌJudeei dĩdĩ. Ĩĩn nẽẽg lothippit cĩ ꞌThĩttaanõ.