ꞌLuuka 12:18 - ꞌBuuk cĩ Thõõth cĩ Nyekuci

¹⁸ “Nẽ tarĩ õthõõth ẽmmẽn ĩĩ, ‘Ĩꞌnya hĩdĩman hoti, hĩꞌthaani hatĩ ĩragẽẽt cĩgannĩg nẽ huruha ꞌcĩg obbitig nẽ haarĩha haal hĩ ijjio cĩgannĩg vẽlẽk ĩĩttõõ.

ꞌLuuka 12:18 ပူးပေါင်းရင်းမြစ်များ

Maatteeo 6:26

Ĩcĩnĩt nõõ hĩbaallĩ cĩg hẽẽtkujjieen, hõllõngaa akannĩ nẽẽgĩ hode ajanni, hode aꞌnyak ĩragẽẽt cĩg haalu nẽ aalla irohĩt Maaꞌnyu cĩ hẽẽtkujjieen ĩhõõggõ noho. Hõllõngaa nooyyia ĩllõõannu niig hĩbaallĩ?

ꞌLuuka 12:17

Nĩngĩtĩ ammuhi ꞌthĩnĩtatõõ cĩnnĩ aĩnnĩ, ‘Hadĩmani occa hatĩ hutuno hõlõ? Aitioonna bẽrẽ nĩngĩtĩ haarĩkĩĩ haal cĩgannĩg ko tõõ.’

ꞌLuuka 12:19

Nẽẽthĩ hatĩ hĩĩnnĩha ẽlẽ caannĩ, “Ayyia! Aꞌnyahu aattĩ ꞌgẽẽn hĩ ijjio ꞌcĩg hatĩ aattĩg irkiꞌnyia ꞌcĩg mẽẽlĩg. Ma nga haallahi ꞌgiimwa, ũbũna hatĩ rũgẽtĩ. Duhõõ nẽ ũhũdĩ nẽ ꞌthẽk accamanoothihuu.” ’

ꞌLuuka 12:21

“Aaĩ ꞌthẽk hatĩ hoti buúk hĩ eet ꞌcĩg itiangꞌtheek eleeti cĩggĩĩng baliinit cĩ looc nicci nẽ hõllõngaa aballi muumaa cĩ Nyekuci.”

ꞌLuuka 12:24

Ummuhuttooth da nõõ hĩbaallĩ, aitiõõ nẽẽg hõllõngaa akannĩ nẽ hõllõngaa aꞌnyak ĩragẽẽt ꞌcĩg aarĩkĩ ꞌgẽẽn. Nyekuc ꞌcĩ irohĩt ĩhõõggõ. Aꞌthuunnuung ngagiit Nyekuci hĩllõõan hĩbaallĩ.

ꞌLuuka 18:4

“Abũrĩ hinnia nõõ ꞌgaadĩ ngaatĩ ẽẽlĩ ĩnõõnnõ. Ma uruta ꞌrĩng, ikia ummuk ĩĩ, ‘Tananga aitiõõ naa hõllõngaa hiteelli Nyekuc, hode haallahi eeta,

ꞌLuuka 18:6

Nĩngĩtĩ annẽẽkĩ Makayyioohiti nuyyiook cĩgĩnnĩg, “Ĩthĩhĩt thĩ dako nõõ thõõth ꞌcĩ aduha ꞌgaadĩ ꞌcĩ ĩĩn ꞌloorriahit ko.

ꞌJeemith 3:15

Hĩnĩngĩtĩ hõllõngaa aku iniaani hĩ muruꞌthẽẽt ꞌgẽẽnyĩthaa cĩ Nyekuci. Ĩĩn nẽẽg hẽlẽggĩ cĩg lootu nẽ ĩĩn cĩg habu cĩ loriẽẽt ꞌcĩg abathĩ.

ꞌJeemith 4:13

Ĩthĩktõ da nõõ niig eeta ꞌcĩg ainnu, “Hooyyia hatĩ naag kõr nicci hode lohotha ꞌtaaũnaa nĩĩcĩ hode ꞌtaaũna cobbi. Hõõ hatĩ hadĩmanna tũũẽnĩt ĩĩca irkit hõdẽĩ hummuddiawa ꞌrabbẽẽt ꞌcĩg mẽẽlĩg.”

ꞌJeemith 4:15

Occa othooꞌthu niig ainnu, “Má adiim Makayyioohiti, harũgĩ hatĩ nẽ hĩdĩmanit hẽlẽggĩ ꞌcĩg hadiimi.”