ꞌLuuka 12:17 - ꞌBuuk cĩ Thõõth cĩ Nyekuci

¹⁷ Nĩngĩtĩ ammuhi ꞌthĩnĩtatõõ cĩnnĩ aĩnnĩ, ‘Hadĩmani occa hatĩ hutuno hõlõ? Aitioonna bẽrẽ nĩngĩtĩ haarĩkĩĩ haal cĩgannĩg ko tõõ.’

ꞌLuuka 12:17 ပူးပေါင်းရင်းမြစ်များ

Maatteeo 16:7

Baa õthõõth nuyyiooha nyaagwaana aĩ, “Õthõõth Yeesu hoti, hĩnĩngĩtĩ hataarriõthĩ naag ũbũnẽẽta.”

Maatteeo 5:42

Ẽẽl eet ꞌcĩ alayyi nganiit ꞌgiimwa nẽ ma haburi ngaatĩ aaꞌnyĩkĩĩ eet hucuhanaai ꞌgiimwa.”

ꞌLuuka 10:25

Baa aku ajin ẽẽtĩ umwaa ꞌcĩ aga nyattal cĩ Mũũꞌtha gẽrrẽẽt Yeesu anneek, “ꞌLimmannioohit, ne occa ꞌthẽk ꞌcĩ occa hadĩmani naa, hátĩ haaꞌnya Nyekuci hũrũg ũdũt?”

ꞌLuuka 11:41

Nẽẽthĩ, aanytĩk eet ꞌcĩg appĩĩrna ꞌgii ꞌcĩ aaĩ hẽddẽẽmatõõ, hátĩ ĩĩtõ tẽllĩg.

ꞌLuuka 12:16

Ma ho, ikia uduhaak ĩhõõggõ dtẽẽllẽn iccig awantoothĩk ko ĩĩnnĩk, “Baa aaĩ ballioohiti umwaa ꞌcĩ abbiiri mana gẽrrẽẽt.

ꞌLuuka 12:18

“Nẽ tarĩ õthõõth ẽmmẽn ĩĩ, ‘Ĩꞌnya hĩdĩman hoti, hĩꞌthaani hatĩ ĩragẽẽt cĩgannĩg nẽ huruha ꞌcĩg obbitig nẽ haarĩha haal hĩ ijjio cĩgannĩg vẽlẽk ĩĩttõõ.

ꞌLuuka 12:22

Nĩngĩtĩ annẽẽkĩ Yeesu nuyyiook cĩgĩnnĩg, “Haduhaakuung naa ngagiita, ma homothiinnu rũgẽt cunuung, hode ꞌgii ꞌcĩ adaku, hode eleeti cugguung, hode ceremwa ꞌcĩg ahimittu.

ꞌLuuka 12:29

Nẽ ma haaꞌnyiku ꞌthinneeti hummuhit ꞌgẽẽn ꞌcĩ adaku.

ꞌLuuka 12:33

Utuuyyiõĩ ijjio cugguung nẽ aanytĩhu ꞌrabbẽẽt pĩĩrnattiaak. Aꞌnyĩĩk baliinit cunuung hitiangĩthĩ hẽẽtahujjieen ngaatĩ occa hõllõngaa igorꞌthiini nẽ iittiõõ ꞌthõrõhõnyĩta ꞌcĩg adak tõõ.

ꞌLuuka 16:3

“Ma nĩngaata, ummuk dticciannioohiti nicciee ĩĩ, ‘Lõggõõ cieeg, hogooni occa hutuno? Itiggiawaa bẽrẽ hatĩ baattĩ dtiico nẽ hĩĩnĩ ẽẽtĩ eet ꞌcĩ occa hõllõngaa hũũlũ ngaatĩ hakanniini nẽ tarĩ haꞌngaaõna ngaatĩ occa halaĩ eet buúk.

ꞌLuuka 16:9

Haduhaakuunga, akattiaaĩ baliinit cĩ looc nicci ꞌgõnnaꞌthẽẽt hĩ eet cĩg looc nicci, hátĩ ma edeccia baliiniti cĩ looc nicci, ẽlẽmaakuung hatĩ Nyekuci uduhunit halang ꞌcĩ aalla ooo.

ꞌLuuka 18:22

Ma baa athĩhĩ Yeesu thõõth icci ho, ikia uduhaak ĩnõõnnõ ĩĩnnĩk, “Nga thĩ aitioonni nganiit ꞌgii hõdẽẽthõng tõõ, bĩĩt tũũõĩ ꞌgii vẽlẽk ꞌcĩ aꞌnyahi nẽ eꞌngereehu hullaha ꞌrabbẽẽta, nẽẽthĩ, ikia ũnũaa nganĩĩta nẽ hatĩ aꞌnyahu baliinit hẽẽtahujjieen.”

ꞌLuuka 19:17

“Ẽdẽcĩ makayyioohiti cĩnnĩ ho anneek, ‘Idticanuu jurrung ẽlẽ. Nẽ hĩnĩngĩtĩ ĩĩnĩ eet ꞌcĩ aꞌthũũnnĩ ꞌgii ꞌcĩ hidici, iinu hatĩ eet ꞌcĩ aggami ꞌtaaũnniook õmmõtõ.’

ꞌLuuka 3:11

Ẽdẽcĩ Yõaannẽ ĩhõõggõ anneek, “Ẽẽtĩ ꞌcĩ aꞌnyak ceremwa ꞌramma, aꞌnyĩĩk hẽꞌngẽraak ꞌgõõnĩ ꞌcĩ hiꞌthihi cẽrẽm nẽ ẽẽtĩ ꞌcĩ aꞌnyak ꞌgẽẽn, aꞌnyĩĩk hotholit hĩ ꞌgõõnĩ ꞌcĩ adak magĩthĩ.”

Dtiicanĩ cĩg ꞌThooyyiahu 16:30

Nĩngĩtĩ aꞌnyahaanĩ nẽẽ Paaulo hĩ ꞌThĩĩla battaala nẽ ijin ĩĩnnĩk, “Makayyiook cĩgannĩg, hogooni occa naa hutuno hatĩ hẽẽla ẽlẽ caannĩ?”

Dtiicanĩ cĩg ꞌThooyyiahu 2:37

Ma baa athĩhĩ eeta thõõth icci ho, ommoꞌthi gẽrrẽẽt nẽ ĩĩttĩk Pẽẽtũrũ hĩ ꞌthooyyiak ũgĩ, “ꞌGotoonoga, hĩdĩmatta ꞌyioko hutuno?”

ꞌRooma 12:13

Uꞌthuutti pĩĩrnattiaak cĩg Nyekuci nẽ aanytĩhu hẽẽrõn hiita olooyyiohĩĩ cugguung.

1 Timotteeo 6:17

Duhaak balliook cĩg looc nicci thõõthaa ꞌcĩ õkõmĩ anneek, ma hathĩngõõnyannu eleeti baliitta ꞌcĩ hatĩ aꞌnginoothi hĩdĩĩkoothong. Aꞌnyĩĩk haarrik muhẽẽnĩt cĩnĩĩng hĩ Nyekuc, ꞌcĩ aaꞌnyeet ngagĩĩt hẽlẽggĩ vẽlẽk ꞌcĩg haccamanõõthĩkĩ.

1 Yõaannẽ 3:16

ꞌGõõl ꞌcĩ hagaĩ naag mĩnnan cieeni. Baa ẽlẽmana Yeesu Krĩstõ ẽlẽ cĩnnĩ, hĩnĩngĩtĩ ngagĩĩta. Nẽ adiim occa hẽlẽmana naag buúk eleeti cĩggaac, hĩnĩngĩtĩ ꞌgotoonogeet hĩ ngoonogeet.