ꞌLuuka 11:9 - ꞌBuuk cĩ Thõõth cĩ Nyekuci

⁹ “Nẽ haduhaakuunga, ijinit nẽ hatĩ aaꞌnyĩhoothĩhuunga, idiimit nẽ hatĩ ummuddiaau, uruhit hattũũg, hátĩ hubbuuhothoothĩhuunga.

ꞌLuuka 11:9 ပူးပေါင်းရင်းမြစ်များ

Maatteeo 21:22

Má aꞌnyaku niig lemiinit hatĩ alaiinnu, aga Nyekuci ngaatĩ aaꞌnyuung ꞌgii ꞌcĩ ajinnu niig ko.”

Maatteeo 21:31

“Ma ammuku niig, occa buulenit iina ꞌcĩ athĩhĩ thõõth ꞌcĩ aduhaak maaꞌnyia ho?” Ẽdẽcĩ paadĩrꞌnya ꞌcĩg obbitig hĩ makayyiook cĩg eetuk aĩ, “Buulenit ꞌcĩ oou.” Nĩngĩtĩ aduhaakĩ Yeesu ĩhõõggõ annẽẽkĩ, “Haduhaakuung naa ngagiit thõõth dĩdĩ, aduhun hatĩ eeta ꞌcĩg alũt occoro hĩ ꞌwaaꞌngiak habuccieet cĩ Nyekuci ĩĩcĩ oou hĩ ngagiita!

Maatteeo 6:29

Tananga ꞌThõlõmõõnẽ baliittaa cĩnnĩ vẽlẽk, nga hitihimi haau hĩ nyetturi cieegi.

Maarko 11:24

Nẽ haduhaakuung naa ngagiita, ꞌgii ꞌcĩ ajinnu niig laiitta, elemit ĩĩtõ ammũdaannu ꞌthẽk hatĩnĩ nẽ hatĩ ĩĩ ꞌgii tĩho cunuung.

Maarko 13:37

Nẽ thõõth ꞌcĩ haduhaakuung naa ngagiit ko, ĩĩn thõõth ꞌcĩ haduhaahi naa eet vẽlẽk. Ũkũmattoothĩk aaut dĩkĩĩm!”

ꞌLuuka 11:10

Hĩnĩngĩtĩ ẽẽtĩ ꞌcĩ ajini, aaꞌnyĩhoothĩk hatĩnĩ. Ẽẽtĩ ꞌcĩ adiimi, ammũda hatĩnĩ. Nẽ ẽẽtĩ ꞌcĩ aruk hattũũg, abbuuhothoothĩk hatĩ ĩnõõnnõ hattũũga.

Yõaannẽ 14:13

Ijittaangu nganĩĩta nẽ hatĩ hĩdĩmaneehuung naa thõõth ꞌcĩ adiimmu ho, hátĩ haaꞌnyĩk Ngeerĩnĩ Maaꞌnyĩ bulẽẽnĩt.

Yõaannẽ 15:16

“Baa hõllõngaa ẽbẽrannaangu niig nganĩĩta, nganĩĩt ꞌcĩ baa hẽbẽraannuung ngagiita nẽ hĩꞌthooung õõt ĩꞌthaattĩk nyeemuut caannĩ looc. Nẽẽthĩ hatĩ aaꞌnyuung Baaba ꞌgii ꞌcĩ ajinnu niig ĩnõõnnõ ꞌthaarĩĩ cĩgannĩg.

Yõaannẽ 15:7

Má aallannu niig hĩ nganĩĩta nẽ aallattia thooꞌthioha cĩgannĩg hĩ ngagiita, ijinit ꞌgii vẽlẽk ꞌcĩ adiimmu nẽ hatĩ aaꞌnyĩhoothĩhuung ngagiita.

Yõaannẽ 4:10

Ẽdẽcĩ Yeesu ĩnõõnnõ anneek, “Má gaa nii ꞌbaaninit ꞌcĩ occa aaꞌnyi Nyekuci nẽ agau eet iina ꞌcĩ alayyi nganiit maam ko, occa ꞌyioko alau ĩnõõnnõ haaꞌnyi maam ꞌcĩg rũgẽtaak.”

ꞌRooma 2:7

Eeta ꞌcĩg aalla adĩman thooꞌthiok ꞌcĩg abũnnaa, atarraaban bulẽẽnĩt hĩ tẽẽlꞌthĩt, hĩ thõõth ꞌcĩ adiim arũgnĩ ooo, aaꞌnyĩk hatĩ Nyekuci ĩhõõggõ rũgẽt ꞌcĩ aalla ooo.

2 Korinthia 6:2

Aduha ꞌBuuhi cĩ Nyekuci aĩ, “Ma ikia kõrra baa haccamanaa naana, hikia hatĩ hĩthĩhuunga nẽ ma kõr ꞌcĩ adiimmu eliinit, hakuu hatĩ heelluunga.” Nẽ ꞌyioko, haduhaakuung dĩdĩ, ikia kõrra ꞌcĩ eelluung Nyekuci ngagiita.

Ebereei 11:6

Má hiꞌthihi lemiinit, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ. Hadiim hẽlẽmĩ naag haĩ, aaĩ Nyekuci dĩdĩ nẽ hẽlẽmĩ ngaatĩ adũmanĩ Nyekuci eet vẽlẽk ꞌcĩg adiim ĩnõõnnõ.

Ebereei 4:16

Hõõt naag vẽlẽk dtaaba cĩ bulẽẽttõ cũrũmũũm, hátĩ hummuddia tamaati hĩ bũnnai ꞌcĩ eelleet nẽẽ ngagĩĩt, hatĩ hadiim eliinit.

ꞌJeemith 1:5

Má adiim eet umwaa hõrggẽẽnaa cunuung ꞌgẽẽnyĩth, aꞌnyĩĩk hala Nyekuc ꞌcĩ aaꞌnyĩk eet vẽlẽk ꞌgẽẽnyĩth ꞌthĩnĩtaa ꞌcĩ alalĩ nẽ hõllõngaa eggerꞌnyeek eet umwa, nẽẽthĩ hatĩ aaꞌnyĩhoothĩk ĩnõõnnõ.

ꞌJeemith 5:15

Aaꞌnyĩk hatĩ laiiniti cĩ lemiinit cunuung eet ꞌcĩ õmmõõrĩ ho hũbũna. Aaꞌnyĩk hatĩ Makayyioohiti ĩnõõnnõ hĩtĩnga haau ꞌjieena. Ma baa ĩĩn eet ꞌcĩ ẽꞌthẽcanõõ, ũũnnĩk hatĩ Makayyioohiti ꞌthẽccanẽẽt cĩgĩnnĩg.

1 Yõaannẽ 3:22

Aaꞌnyeet hatĩ nẽẽ ngagĩĩt ꞌgii vẽlẽk ꞌcĩ hajin naag ĩnõõnnõ, hĩnĩngĩtĩ hathĩhĩ naag thõõth cĩnnĩ nẽ hĩdĩmanit thooꞌthiok ꞌcĩg accamana nẽẽnĩ.

Terethiinit 2:24

Nẽ thĩ nẽẽꞌthẽk niig ũgẽẽgĩ ꞌtaaũnaa cĩ Thiatira ho, hõllõngaa anuyyu thõõth ꞌcĩ abathĩ ꞌcĩ allimaneekuung ngaa nicciee ho. Nẽ hõllõngaa agayyu thõõth ꞌcĩ anneek nuyyiooha cĩgĩnnĩg, ‘ꞌGii dĩdĩ ꞌcĩ ammiꞌthẽẽnĩ ꞌThĩttaanĩ.’ Nẽ hanneekuung, iittiõõ hatĩ hõllõngaa hatattadeekuung pĩĩrnanĩt umwa tarĩ.