ꞌLuuka 11:49 - ꞌBuuk cĩ Thõõth cĩ Nyekuci

⁴⁹ Nẽẽthĩ, hĩnĩngĩtĩ thooꞌthiok iccig vẽlẽk, aduha Nyekuci ꞌgẽẽnyĩthaa cĩnnĩ aĩ, ‘Hĩꞌthõõakuung hatĩ põrõvẽtaaꞌnya hĩ ꞌthooyyiak, aruku hatĩ ũgĩ nẽ õhõggõõrattu ũgĩ thõng.’

ꞌLuuka 11:49 ပူးပေါင်းရင်းမြစ်များ

Maatteeo 22:6

Nĩngĩtĩ aggamĩ ũgẽẽgĩ dticcianniook cĩg habuuak ko nẽ ĩdĩmanit ꞌbuth nẽ uruhit thõng buúk.

ꞌLuuka 11:48

Ammuku ꞌyioko ainnu, adĩman baa hĩbaangĩ cugguung authet ꞌcĩ abũnnaa ngaatĩ aruhi põrõvẽtaaꞌnya, ĩnõõ ꞌcĩ arruubbu biyyiẽẽn cĩggĩĩng ko.

ꞌLuuka 24:47

nẽ irrioonni hatĩ thõõth cĩ ũũnnõthõõthĩkĩ ꞌthẽccanẽẽta hĩ thõõth ꞌcĩ ammaannothoothĩkĩ eeta loonyini vẽlẽk ꞌthaarĩĩ cĩgĩnnĩg, iꞌthianaanĩ ꞌJeruꞌthalẽma.

Yõaannẽ 16:2

Iiggiaeekuung hatĩ eeta ngagiit ꞌCieethaa cĩ Laiitto battaala. Nẽ dĩdĩ, aku hatĩ kõrra ꞌcĩ arukuung ẽẽtĩ umwaa ngagiita nẽ ummuk ĩĩ hadticanoothihi Nyekuc.

Dtiicanĩ cĩg ꞌThooyyiahu 1:8

Nẽẽthĩ, ammũdaannu hatĩ ꞌtirriani, hatĩ ikia Lorii ꞌcĩ Ẽllẽẽmĩth hĩ ngagiita. Nẽ hatĩ iittu niig hẽbẽrĩ cĩgannĩg ꞌJeruꞌthalẽma hĩ looccaa cĩ ꞌJudeea hĩ looccaa cĩ Thamaria hĩ looc vẽlẽk.”

Dtiicanĩ cĩg ꞌThooyyiahu 11:27

Ma korrioohĩĩ nĩĩcag, iita uppwaatta põrõvẽtaaꞌnya ũgẽẽgĩ ꞌcĩg au ꞌJeruꞌthalẽma au edeceek ꞌtaaũnaa cĩ Antiohĩ.

Dtiicanĩ cĩg ꞌThooyyiahu 22:20

Baa aruhi Tẽẽvẽnõ, baa habili naa nĩngaata ngadiiha, hĩcĩneek ĩnõõnnõ daahĩth nẽ hẽbẽha ceremwa cĩg eet ꞌcĩg aruk ĩnõõnnõ ho.’

Dtiicanĩ cĩg ꞌThooyyiahu 7:57

Ma athĩhĩ makayyiooha cĩg lokihooak thõõth icci ho, iita awacahit gẽrrẽẽt hĩdĩĩtĩ lõõcĩ pĩd. Ma ho, ulubtoothĩk nẽẽg vẽlẽk Tẽẽvẽnõ,

Dtiicanĩ cĩg ꞌThooyyiahu 8:3

Nĩngĩtĩ iꞌthianaanĩ ꞌThaaulo ĩꞌthaanĩ lothippit cĩ lemmioohu. Õyõyyõr ꞌcieethini vẽlẽk, agurra eet ꞌcĩg maacĩg hĩ ngaaĩ nẽ aarĩk ĩhõõggõ baabuuthatõõ.

1 Korinthia 1:24

Nẽẽthĩ, hĩ eet ꞌcĩg aũ Nyekuci, ꞌJudeei hĩ ꞌGirik vẽlẽk, ĩĩn Krĩstõ ꞌtirrian cĩ Nyekuci nẽ ĩĩ ꞌgẽẽnyĩth cĩ Nyekuci.

1 Korinthia 1:30

Iiginnu niig lõhõlĩ cĩg Nyekuci, hĩnĩngĩtĩ baa ĩꞌthõõa nẽẽ Yeesu Krĩstõ hikia hẽẽlaeet ngagĩĩta nẽ aaꞌnyeet Nyekuci ngagĩĩt heggeenyit. Ĩnõõ ꞌcĩ elemmeet nẽẽ ngagĩĩt hĩĩtõ eet cĩgĩnnĩg ꞌcĩg hẽllẽẽmĩth ko.

Eevvetho 4:11

Baa ĩnõõnnõ ꞌcĩ ẽbẽra eet ũgĩ hĩĩtõ ꞌthooyyiak nẽ ẽbẽra ũgĩ hĩĩtõ põrõvẽtaaꞌnya nẽ ẽbẽra ũgĩ hĩĩtõ eet ꞌcĩg allimaneek eet thõõth cĩ Nyekuci nẽ ẽbẽra ũgĩ hĩĩtõ paadĩrꞌnya hĩ ꞌlimmanniook,

Kolooꞌthe 2:3

Aguꞌthi ꞌgẽẽnyĩthĩ hĩ gaiinit vẽlẽk hĩ ĩnõõnnõ.

Terethiinit 16:6

Baa uruhit eeta baag abathĩ eet cugunnig ꞌcĩg ẽllẽẽmĩth hĩ põrõvẽtaaꞌnya cugunnig. Nẽ baa uuku nii ĩhõõggõ, hĩnĩngĩtĩ ĩĩn ꞌgii ꞌcĩ akĩĩny nẽẽgĩ.”

Terethiinit 18:20

Accamattoothĩk niig eeta cĩg Nyekuci hẽẽtahujjieen hĩ ꞌthooyyiak hĩ põrõvẽtaaꞌnya cĩgĩnnĩg vẽlẽk, hĩnĩngĩtĩ uuk Nyekuci ꞌtaaũn nicci hakattio hĩ ꞌgõõl baa adĩmannuung nẽẽ ngagiit buúk.’ ”