ꞌLuuka 11:42 - ꞌBuuk cĩ Thõõth cĩ Nyekuci

⁴² “Pĩĩrnanĩt hĩ ngagiit Variꞌtheei, ĩccĩĩtteu niig, hĩnĩngĩtĩ thõõth ꞌcĩ aaꞌnyiku Nyekuc ꞌbaaninit ꞌcĩ abadtẽc cĩ manẽẽn cugguung nẽ ũtũngteehu bũnnai hĩ mĩnnan cĩnnĩ. Occa baa nõõ adĩmannu ꞌgoonogu jurrung, nẽẽthĩ aanytĩhu Nyekuc buúk ꞌgii ꞌcĩ abadtẽc.

ꞌLuuka 11:42 ပူးပေါင်းရင်းမြစ်များ

Maatteeo 23:13

“Pĩĩrnanĩt hĩ ngagiit ꞌlimmanniook cĩg nyattal cĩ Mũũꞌtha hĩ Variꞌtheei, niig oloꞌngiaaha cieegi! Aꞌnyuuggu niig habuccieet cĩ hẽẽtkujjieen hẽbẽrẽẽnnĩĩ cĩg eetuk. Nẽ aitiõõ niig hõllõngaa occa aduhunnu habuccieet cĩ hẽẽtkujjieen hode ẽlẽmaaku eet ꞌcĩg adiim aduhuni.

Maatteeo 23:23

“Pĩĩrnanĩt hĩ ngagiit ꞌlimmanniook cĩg nyattaalak hĩ ngagiit Variꞌtheei, oloꞌngiaaha cieegi! Aaꞌnyiku niig Nyekuc ꞌbaaninit ꞌcĩ abadtẽc ꞌcĩ aaĩ hĩ hẽẽt ꞌcĩ hidici ꞌcĩ aarĩhoothĩk ꞌdiaatatõõ nẽ ataarrioꞌthu thooꞌthiok ꞌcĩg õkõmĩ cĩg nyattaalak ꞌcĩg aattĩg hĩ, bũnnai hĩ tamaati hĩ ngaatĩ hathĩknĩ Nyekuc. Abũnnaa ngaatĩ aaꞌnyiku Nyekuc ꞌbaaninit ꞌcĩ abadtẽc nẽ abathĩ ngaatĩ ataarroꞌthu thooꞌthiok cĩg Nyekuci ꞌcĩg aaddi.

Maatteeo 23:27

“Pĩĩrnanĩt hĩ ngagiit ꞌlimmanniook cĩg nyattaalak hĩ ngagiit Variꞌtheei. Oloꞌngiaaha cieegi! Aattiyyu niig hĩ ꞌlõõhĩta ꞌcĩg adaiini eeta ꞌcĩg arrũũbĩ helleemito battaala nẽ ĩttõõ, ĩko nẽẽ abbĩꞌthĩĩ ẽmmẽ cĩg eet ꞌcĩg adaahito hĩ ꞌgii vẽlẽk ꞌcĩ ĩĩn ꞌriiring.

ꞌLuuka 18:12

Hẽdẽta naa ẽlẽ caannĩ ꞌgẽẽna waathinniook ꞌramma lomidikaawa hõdẽẽthõng. Nẽ tarĩ, hẽꞌngẽraakii ꞌgii ꞌcĩ abadtẽc hõdõõkõthĩ, hatĩ hammũda.’

Yõaannẽ 5:42

nẽẽthĩ, hagayyuung naa ngagiita. Haga naa aitiõõ niig hõllõngaa ammĩnannu Nyekuc ꞌthinneetinii cugguung dĩdĩ.

1 Yõaannẽ 4:20

Má aĩ eet umwaa hammĩnani Nyekuc nẽ hõllõngaa ammĩnan ꞌgõtõnĩ hode ngõõnĩ, ĩĩn ẽẽtĩ tĩho oloꞌngiaahit. Hĩnĩngĩtĩ ẽẽtĩ ꞌcĩ hõllõngaa ammĩnan ꞌgõtõnĩ hode ngõõnĩ ꞌcĩ acĩn nẽẽnĩ, hõllõngaa occa ammĩnan nẽẽ Nyekuc ꞌcĩ nga hĩcĩn nẽẽnĩ.