ꞌLuuka 11:41 - ꞌBuuk cĩ Thõõth cĩ Nyekuci

⁴¹ Nẽẽthĩ, aanytĩk eet ꞌcĩg appĩĩrna ꞌgii ꞌcĩ aaĩ hẽddẽẽmatõõ, hátĩ ĩĩtõ tẽllĩg.

ꞌLuuka 11:41 ပူးပေါင်းရင်းမြစ်များ

Maatteeo 26:11

Arũmeennu hatĩ gõõng niig hĩ hullaha hõdõõkõthĩ, nẽẽthĩ, hõllõngaa hatĩ harũmĩ naag hĩ ngagiit hõdõõkõthĩ.

Maatteeo 5:42

Ẽẽl eet ꞌcĩ alayyi nganiit ꞌgiimwa nẽ ma haburi ngaatĩ aaꞌnyĩkĩĩ eet hucuhanaai ꞌgiimwa.”

Maarko 7:19

Hĩnĩngĩtĩ hõllõngaa aduhun ꞌgẽẽn ꞌcĩ adak ẽẽtĩ, õkõ ꞌthĩnĩtatõõ cĩnnĩ, aduhun õkõ hẽẽngatõõ nẽ uduhuna battaala.” Õthõõth Yeesu hoti, hĩnĩngĩtĩ uppulana nẽẽ ĩĩ, ĩĩn ꞌgẽẽn vẽlẽk ꞌcĩ abũnnaa ngaatĩ hadahĩ.

ꞌLuuka 12:33

Utuuyyiõĩ ijjio cugguung nẽ aanytĩhu ꞌrabbẽẽt pĩĩrnattiaak. Aꞌnyĩĩk baliinit cunuung hitiangĩthĩ hẽẽtahujjieen ngaatĩ occa hõllõngaa igorꞌthiini nẽ iittiõõ ꞌthõrõhõnyĩta ꞌcĩg adak tõõ.

ꞌLuuka 16:9

Haduhaakuunga, akattiaaĩ baliinit cĩ looc nicci ꞌgõnnaꞌthẽẽt hĩ eet cĩg looc nicci, hátĩ ma edeccia baliiniti cĩ looc nicci, ẽlẽmaakuung hatĩ Nyekuci uduhunit halang ꞌcĩ aalla ooo.

ꞌLuuka 18:22

Ma baa athĩhĩ Yeesu thõõth icci ho, ikia uduhaak ĩnõõnnõ ĩĩnnĩk, “Nga thĩ aitioonni nganiit ꞌgii hõdẽẽthõng tõõ, bĩĩt tũũõĩ ꞌgii vẽlẽk ꞌcĩ aꞌnyahi nẽ eꞌngereehu hullaha ꞌrabbẽẽta, nẽẽthĩ, ikia ũnũaa nganĩĩta nẽ hatĩ aꞌnyahu baliinit hẽẽtahujjieen.”

ꞌLuuka 19:8

Ma urutaa cĩnnĩ, ĩtĩnga ꞌThakeeo ĩĩnnĩk Yeesu, “Makayyioohit, kõr nicci, hẽꞌngẽraahi hatĩ naa hullaha ijjio cĩgannĩg hõrggẽẽna nẽ má baa hõmmõdanaa eet umwa ꞌrabbẽẽta, hadũmani hatĩ ĩnõõnnõ tabattĩ ꞌwec.”

Dtiicanĩ cĩg ꞌThooyyiahu 10:15

Othoothĩk mõlõõhĩ ĩnõõnnõ tabattĩ ꞌramma tarĩ ĩĩ, “Ma haini ꞌgiimwa ĩĩn ꞌriiring ꞌcĩ baa ẽhẽnyta Nyekuci tẽlla.”

Dtiicanĩ cĩg ꞌThooyyiahu 11:29

Ma ho, ummuhit nuyyiooha ꞌcĩg aattĩg Antioha ngaatĩ ĩꞌthõõĩkĩ ꞌbaaninit cĩnĩĩng ꞌgõõnõgĩ ꞌJudeea.

Dtiicanĩ cĩg ꞌThooyyiahu 24:17

“Urutaa cĩ irkiꞌnyia ꞌcĩg mẽẽlĩg ꞌcĩg baag haitõõnnĩ tõõ, hikia ꞌJeruꞌthalẽma haꞌnyahaaha eet cĩgannĩg ꞌcĩg appĩĩrna ꞌbaaninit nẽ hikia haaꞌnyĩha Nyekuc buúk ꞌbaaninit.

2 Korinthia 8:12

Má adiimmu niig aaꞌnyiku ꞌbaaninit cunuung ꞌthinneetinii cugguung dĩdĩ, elemmi hatĩ ꞌbaaniniti hẽlẽggẽẽnnĩĩ cĩg aꞌnyaku niiga, hõllõngaa hĩnĩngĩtĩ hẽlẽggĩ ꞌcĩg aitiõõ hĩ ngagiit tõõ.

Eevvetho 4:28

Ẽẽtĩ ꞌcĩ baa gõõng ĩgõrꞌthĩ, aꞌnyĩĩk hũtũngeek ĩgõr, adiim ꞌthẽk adtican ẽẽtĩ dtiic ꞌcĩ occa ẽẽl ĩnõõnnõ athĩnĩĩ cĩgĩnnĩg ẽmmẽn, hátĩ hũmmũda ꞌgii ꞌcĩ occa õthõl hĩ pĩĩrnatttiaak.

Tiito 1:15

Tẽlla thõõth vẽlẽk hĩ eet ꞌcĩg tẽllĩg ꞌthinneeti. Nẽẽthĩ, eetinii ꞌcĩg ẽꞌngẽjĩ ooti nẽ ũtũbũrĩt thõõth cĩ Nyekuci, aitiõõ thõõth ꞌcĩ abũnnaa tõõ, hĩnĩngĩtĩ ẽꞌthẽcattĩ ĩhõõggõ ooti hĩ muhẽẽnĩt cĩnĩĩng vẽlẽk.

Ebereei 13:16

Nẽ ma hatarroꞌthu ngaatĩ eellu ꞌgoonogu nẽ othollu ijjio cugguung hĩ ĩhõõggõ. Aduhõõ thõõth ciee hĩ ngaatĩ aaꞌnyiku Nyekuc ꞌgarrieenit ꞌcĩ atalĩ nẽẽ thõng.

Ebereei 6:10

Aitiõõ Nyekuci hõllõngaa ahaleek eet umwa tuu, ĩnõõ ꞌcĩ hõllõngaa ataarrõꞌthĩ nẽẽ dtiicanĩ cugguung hĩ mĩnnan ꞌcĩ ẽtẽrꞌthaannu niig ngaatĩ eellu eet cĩgĩnnĩg, hĩcĩ nga aalla eellu noho ho.

ꞌJeemith 1:27

Thõõth cĩ Nyekuci ꞌcĩ tẽllĩ ꞌcĩ ẽlẽmĩ Nyekuci Baangẽẽtĩ cieeni, ꞌcĩ haꞌthũũnnĩ booyyiok hĩ ngaatĩbõyyĩꞌnya pĩĩrnattaa cĩnĩĩng nẽ huꞌthuutti eleeti ngaatĩ ẽꞌthẽcanneet lõõcĩ niccieeni.