ꞌLuuka 11:4 - ꞌBuuk cĩ Thõõth cĩ Nyekuci

⁴ Tamaatĩheet ngagĩĩt ꞌthẽccanẽẽt cĩggaang, hĩcĩ hammaannĩka naag eet ꞌcĩg adĩmanneet ngagĩĩt ꞌbuth. Nẽ ma hokooyyeet ngagĩĩt ꞌtĩmmaniitta.’ ”

ꞌLuuka 11:4 ပူးပေါင်းရင်းမြစ်များ

ꞌThianaattõ 48:16

hĩ Aajĩlõ baa ẽẽlannaa nganĩĩt thooꞌthiohĩ ĩĩcĩg abathĩ vẽlẽk, haggatan buul iccig. Aꞌnyĩĩk ꞌthaar cĩgannĩg hĩ cĩg hĩbaangĩ cĩgannĩg Abũrahaamõ hĩ Iꞌthaako haallattia hĩ ĩhõõggõ. Aꞌnyĩĩk Nyekuc hĩbbaan ĩhõõggõ lõhõlĩ ꞌcĩg mẽẽlĩg loota nĩnga.”

Maatteeo 18:35

“ꞌGõõl ꞌcĩ hatĩ adĩmannuung Baaba ꞌcĩ aaĩ hẽẽtahujjieen ngagiit cieeni, hatĩ hõllõngaa ammaanniku niig ꞌgoonogu ꞌthinneetinii cugguung.”

Maatteeo 26:41

Ĩcĩttĩ nẽ alayyioou, hátĩ hiittiõõ hõllõngaa attĩmaniinnu. Abũraneek lorii nẽ ahar ꞌcĩ ĩĩn ẽlẽ.”

ꞌLuuka 11:5

Ma ho, ĩĩnnĩk Yeesu ĩhõõggõ, “ꞌYioko haꞌnyak ẽẽtĩ umwaa hõrggẽẽnaa cunuung ꞌgõõnĩ nẽ ũũk ala ĩnõõnnõ hõrggẽẽnaa cĩ baalinu anneek, ‘ꞌGõõna, aꞌnyaa baaĩ nuun ũbũnẽẽt iyyio.

ꞌLuuka 13:4

Ma eeta baag ĩĩn õmmõtõ hĩ turkiyyio baag arriban ꞌcieeth ꞌThiloama? Ammuku baa niig ainnu ĩĩn baa nẽẽg ꞌthẽccanniook hĩllõõanit ꞌgõõnõgĩ ũgĩ ꞌcĩg aattĩg ꞌJeruꞌthalẽma?

ꞌLuuka 22:46

Nĩngĩtĩ annẽẽkĩ ĩhõõggõ, “Ĩtĩngaac alayyio, hátĩ hiittiõõ hõllõngaa attĩmaniinnu.”

ꞌLuuka 8:13

Nẽ hinyomona ꞌcĩg ĩꞌthanothoothĩk ꞌthẽhẽhĩ ho, ĩthakꞌthoothĩk eet ꞌcĩg athĩhĩ thõõth cĩ Nyekuci taliitta nẽ itiwiillik ĩĩcĩ deeccwaanu. Ẽlẽmĩ nẽẽg Nyekuc ꞌthaa ꞌcĩ huturi haaga, ma aku ꞌtĩmmanĩ ho, ataarriothĩ thõõth cĩnnĩ.

Yõaannẽ 17:15

Baaba, aitiõõ laiiniti caannĩ hõllõngaa ꞌcĩ hanneeki bĩtĩ ĩhõõggõ battaalaa cĩ looc nicci, nẽẽthĩ, hanneekii ꞌthũũtĩ ĩhõõggõ, hĩnĩngĩtĩ ꞌThĩttaan.

1 Korinthia 10:13

Attĩmaniinnu niig ꞌgõõla hõdẽẽthõng, ĩĩcĩ attĩmaniini eeta vẽlẽk. Nẽẽthĩ, agayyi Nyekuci ngaatĩ occa hõllõngaa aaꞌnyuung ngagiit ĩttĩmattĩ gẽrrẽẽt nẽ eterꞌtheekuung hatĩ nẽẽ ꞌgõõl ꞌcĩ occa hatĩ aꞌnyamannu ꞌtĩmman.

Kolooꞌthe 3:13

Adanganit ꞌgoonogu ꞌcĩg adĩmannuung ngagiit ꞌbuth nẽ atamaattihu ĩhõõggõ hĩ baa ammaannikuung Makayyioohiti ngagiita.

2 Tẽꞌthaloonika 3:3

Nẽẽthĩ, aꞌthũũnnĩ Makayyioohiti thõõth, hátĩ haaꞌnyuung hokomit ꞌthinneeti nẽ uꞌthuuttuung ngagiit hiittiõõ hõllõngaa ommotoonnu hĩ bathi cĩ ꞌThĩttaanõ.

2 Timotteeo 4:18

Ẽẽlannaa ꞌthẽk hatĩ gõõng nganĩĩt Makayyioohiti thooꞌthiohĩĩ vẽlẽk, ĩcĩg abathĩ nẽ hatĩ ũũka nganĩĩt habuccieetaa cĩnnĩ hẽẽtahujjieen lõꞌngõõc. Haau bulẽẽnĩtĩ hĩ ĩnõõnnõ ooo! Aamẽn.

ꞌJeemith 2:13

hĩnĩngĩtĩ aitiõõ hatĩ hõllõngaa ammaannothoothĩk ẽẽtĩ ꞌcĩ baa hõllõngaa ammaannĩk ꞌgõõnõgĩ. Nẽẽthĩ, má baa ammaannihi nii ꞌgoonogu, ammaannikii hatĩ Nyekuci nganiit kõr ꞌcĩ hatĩ ẽttẽẽdĩkĩ nẽẽ eet thooꞌthiok.

Terethiinit 2:10

Nẽ ma hiꞌngolinnu ꞌgõõl ꞌcĩ hatĩ õõ accananiinnu. Aggammuung hatĩ habuui cĩ loriẽẽt ꞌcĩg abathĩ nẽ aarihuung baabuuthatõõ, accananiinnu hatĩ gẽrrẽẽt waathinniook õmmõtõ, ꞌgõõl ꞌcĩ hatĩ attĩmannuung habuui cĩ loriẽẽt ꞌcĩg abathĩ ho niccia. Ma huunniku thõõth cĩ Nyekuci ũdũt, tananga adiim arukuunga habuui cĩ loriẽẽt ꞌcĩg abathĩ ho. Haaꞌnyuung hatĩ naa ꞌbaaninit ꞌcĩ rũgẽt ꞌcĩ aalla ooo, hĩnĩngĩtĩ ĩllõõattu niig ꞌtĩmman cĩ ꞌThĩttaanõ.

Terethiinit 3:10

Hĩnĩngĩtĩ ĩthĩktu niig tilooinit caannĩ nẽ etemeeꞌthu pĩĩrnanĩt, haꞌthuunnuung hatĩ naa buúk ngagiit kõr ꞌcĩ hatĩ attĩmaniini eeta cĩg lootu vẽlẽk.