ꞌLuuka 11:39 - ꞌBuuk cĩ Thõõth cĩ Nyekuci

³⁹ Nĩngĩtĩ annẽẽkĩ Makayyioohiti ĩnõõnnõ, “Uuꞌnyu niig Variꞌtheei lohilihilit hĩ hẽddẽmĩ battaali dioo, nẽ ĩĩttõõ ĩĩgĩnnu eet ꞌcĩg abbĩꞌthĩĩ lõbõlõbẽẽꞌthĩt hĩ ꞌthẽccan dioo.

ꞌLuuka 11:39 ပူးပေါင်းရင်းမြစ်များ

ꞌThianaattõ 6:5

Baa aga Makayyioohiti ꞌthẽccanẽẽt ꞌcĩg adĩman eeta loota nĩnga vẽlẽk nẽ aga ngaatĩ abaꞌthĩ muhẽẽnĩtĩ vẽlẽk ꞌcĩ aꞌnyak eeta ꞌthinneetinii cĩggĩĩng buúk.

Maatteeo 15:19

Adukna ꞌthinneetini cugguung muhẽẽnĩtĩ ꞌcĩ abathĩ, ruhẽẽnĩt hĩ ꞌtihẽẽnĩt cĩ ngaa cĩ eeto, hĩ ꞌtihõõnĩt tahatak, hĩ ĩgõr hĩ thooꞌthiok ꞌcĩg addangaakĩ eeta ꞌgõõnõgĩ hĩ ngaatĩ aduhaanĩ eeta thooꞌthiok ꞌcĩg abathĩ hẽꞌthẽcanit ꞌthaar cĩg eet umwa.

Maatteeo 7:15

“Ĩcĩnĩt põrõvẽtaaꞌnya ꞌcĩg ĩĩn oloꞌngiaak jurrung! Hĩnĩngĩtĩ au nẽẽg hĩ ngagiit tarbalĩg haauto hĩ aꞌtha, nẽ ĩko ꞌthinneetinitõõ cĩggĩĩng, aattĩg hĩ huduumwaana ꞌcĩg au arukuung thõng.

ꞌLuuka 16:15

Nĩngĩtĩ annẽẽkĩ Yeesu ĩhõõggõ, “Gõõng ꞌthẽk ngagiit ꞌcĩg athĩngõnyannu ainnu abũnnayyu hẽbẽrẽẽnnĩĩ cĩg eet vẽlẽk. Nẽẽthĩ, aga Nyekuci ꞌthinneeti cugguung. ꞌGii ꞌcĩ tiiri hĩ eeta, ĩĩn ꞌgii ꞌcĩ abathĩ hĩ Nyekuc.”

ꞌLuuka 7:13

Ma baa adtuuha Yeesu Makayyioohiti ngaatĩbõyyĩ tĩho ho, atamaatĩk ĩnõõnnõ nẽ ĩĩnnĩk, “Ma halu.”

ꞌLuuka 7:19

nẽ ĩꞌthõ hõõt hijinit Makayyioohit Yeesu hĩĩttĩk, “Nganiit baa aĩ occa hatĩ akuuni? Hode occa nga hẽrẽẽyya eet umwa?”

Yõaannẽ 12:6

Baa õthõõth ꞌJuuda hoti, hõllõngaa hĩnĩngĩtĩ ammĩnan nẽẽ eet ꞌcĩg appĩĩrna thõng, baa ĩĩn nẽẽ igorriaahit nẽ ĩĩn eet ꞌcĩ itiangĩth ꞌrabbẽẽta, gõõng attiha nẽẽ ꞌrabbẽẽt ꞌcĩg itiangꞌthĩ, adticanĩ thooꞌthiok ꞌcĩg adiim nẽẽnĩ.

Yõaannẽ 13:2

Ma baa nga eꞌngerri ꞌgẽẽn cĩ ꞌjiaatinu, ikia ũlũllũũman habuui cĩ loriẽẽt ꞌcĩg abathĩ ꞌJuuda Ithkarioote ngeertĩ ꞌThimõõnẽ Ithkarioote, hũũk hõhõppõõcan Yeesu.

Dtiicanĩ cĩg ꞌThooyyiahu 5:3

Ma ho, ĩĩ Pẽẽtũrũ, “Anania, alũllũmannii ꞌThĩttaanĩnganiit ꞌgõõl Lori ꞌcĩ Ẽllẽẽmĩth ngaatĩ itiangꞌthĩ ꞌrabbẽẽt aag aaꞌnyĩhoothikii, aa ũũtẽnĩ nii ijjio ho hutuno?

ꞌGalaaꞌthia 1:14

Baa hĩĩnĩ naa ꞌJudeeinit ꞌcĩ habũnna gẽrrẽẽt, ngaatĩ haꞌthũũnnĩ nyepitee baa aarĩk nyakangaaꞌnya cĩgannĩg, hĩllõõan eet ꞌcĩg halĩꞌthaanna hĩ nganĩĩt hõdẽĩ vẽlẽk.

2 Timotteeo 3:5

Tananga õõlõng aĩ hĩĩgĩnna eet cĩg Nyekuci, aitiõõ hatĩ thõõth cĩnĩĩng ko, hõllõngaa ĩĩn dĩdĩ, ma hookorru hĩ eet ꞌcĩg aattĩg noho.

Tiito 1:15

Tẽlla thõõth vẽlẽk hĩ eet ꞌcĩg tẽllĩg ꞌthinneeti. Nẽẽthĩ, eetinii ꞌcĩg ẽꞌngẽjĩ ooti nẽ ũtũbũrĩt thõõth cĩ Nyekuci, aitiõõ thõõth ꞌcĩ abũnnaa tõõ, hĩnĩngĩtĩ ẽꞌthẽcattĩ ĩhõõggõ ooti hĩ muhẽẽnĩt cĩnĩĩng vẽlẽk.

ꞌJeemith 4:8

Iita õbõktõ hĩ Nyekuc, hátĩ hikia nẽẽ buúk õbõktõ hĩ ngagiita. Niig ꞌthẽccanniooha, ũtũũnyĩt authet cunuung ꞌcĩ aattiyyu. Ĩtĩllahit ꞌthĩnneeti cugguung, hĩnĩngĩtĩ eꞌngerri ꞌthinneeti cugguung ngaatĩ athiknu Nyekuc hĩ looc nicci.