ꞌLuuka 11:36 - ꞌBuuk cĩ Thõõth cĩ Nyekuci

³⁶ Nẽẽthĩ noho, má maka lanyit ẽllaa cunni nẽ iittiõõ ũbũtĩ ꞌcĩ ĩĩn muguur tõõ, attũllĩ hatĩ jurrung hĩgõõng attuhullii nganiit lanyit cĩ ꞌloomoo.”

ꞌLuuka 11:36 ပူးပေါင်းရင်းမြစ်များ

Maatteeo 13:52

Nĩngĩtĩ aduhaakĩ Yeesu ĩhõõggõ annẽẽkĩ, “Nẽẽthĩ, ꞌlimmanniooha cĩg nyattal cĩ Mũũꞌtha ꞌcĩg baag etereꞌthioothĩk thooꞌthioha ꞌcĩg habuccieet cĩ hẽẽtkujjieen, aattĩg nẽẽg hĩ baattĩ ꞌcieethu ꞌcĩ attiha baliinit cĩnnĩ ꞌcĩ nga ĩĩn ngeju hĩ ꞌcĩ ũnũũk battaala ꞌcieethaa cĩ ijjioonnu.”

Maatteeo 5:15

Aitiõõ ẽẽtĩ ꞌcĩ attũlleek ꞌloomo nẽ aarĩk ijjia uruta tõõ. Nẽẽthĩ hinnianĩ, occa arimthoothĩk ꞌloomo dilaata, ngaatĩ attũllĩ ꞌcieeth vẽlẽk hĩcĩnĩt eeta.

ꞌLuuka 11:35

Cĩĩn jurrung aꞌnyĩĩk lanyit ꞌcĩ ammuhi nii aaĩ ẽllaa cunni, hiittiõõ hõllõngaa ĩĩn muguur.

ꞌLuuka 11:37

Ma baa ẽdẽcaak Yeesu ngaatĩ õthõõthĩ, ikia uduhaak Variꞌtheeniti umwaa ĩnõõnnõ hõõt duhẽẽtta õlõõ cĩnnĩ. Nĩngĩtĩ õkõõĩ Yeesu hũũk hẽrẽẽõ dtaabawa.

2 Korinthia 4:6

Baa aduha Nyekuci aĩ, “Aꞌnyĩĩk lanyit haara muguratõõ.” Nẽ ꞌyioko, aara lanyit cĩnnĩ ꞌthinneetinii cĩggaac, lanyit tĩho ꞌcĩ aaꞌnyeet hagaac hĩĩtõ, edeeꞌnyia bulẽẽnĩtĩ cĩnnĩ hĩ Yeesu Krĩstõ.

Eevvetho 4:14

Occa hõllõngaa haattĩg naag hĩ lohollia ꞌcĩg hidiciẽẽgĩ. Occa hõllõngaa haaꞌnyĩk eet ꞌcĩg ĩĩn oloꞌngiaak higgoollieet ꞌlimmaanaa cĩnĩĩng ĩcĩ ĩĩn õlõng, ĩcĩ aaĩ hĩ ngõõtĩ ꞌcĩ uuhan tahatak.

Kolooꞌthe 3:16

Aanytĩk nyeemuut cĩ Krĩstõ haau hĩ ngagiit rũgẽtaa cunuung vẽlẽk, hĩcĩ adticaniinnu ꞌgẽẽnyĩth cunuung vẽlẽk ngaatĩ allimannu ꞌgoonogu. Ebenit tegellwa cĩg laiittak taliitta nẽ iittihu Nyekuc ĩlaallẽ.

Ebereei 5:14

Ĩĩn ahat ꞌcĩ õkõmĩ cĩ eet cobbi nẽ aala illiman ngaatĩ ittiamanĩ ꞌgii ꞌcĩ abũnnaa hĩcĩ abathĩ.

ꞌJeemith 1:25

Nẽẽthĩ, ẽẽtĩ ꞌcĩ arrĩcanaa ngaatĩ ammũdaanĩ thõõth ꞌcĩ aduha nyattalĩ ꞌcĩ abũnnaa, baa õõga eet haauto lõꞌngõõc nẽ aala ĩdĩman thõõth icci nẽ hõllõngaa ataarrothi thõõth baa athĩhĩ nẽẽnĩ nẽ ĩdĩmana, aggatan hatĩ Nyekuci ĩnõõnnõ, hĩnĩngĩtĩ thõõth ꞌcĩ adĩman nẽẽ ho.

2 Pẽẽtũrũ 3:18

Aꞌnyĩĩk bũnnai hĩ gaiinit ꞌcĩ aku hĩ Makayyioohit hĩ Ellioohit cĩnaac Yeesu Krĩstõ, heelluung ngagiit ĩtĩlĩthĩt. Ĩdĩhĩthĩt Yeesu ꞌyioko hĩ ooo! Aamẽn.