ꞌLuuka 11:32 - ꞌBuuk cĩ Thõõth cĩ Nyekuci

³² Abĩlĩ hatĩ eeta cĩg Nineve hĩ eet cĩg irkiꞌnyia iccig kõr cĩ ꞌteedittõõ nẽ etteeddihuung ngagiit thõõth. Hĩnĩngĩtĩ baa ũtũngteek nẽẽg ꞌthẽccanẽẽt cĩggĩĩng, nganĩngĩtĩ irrioonĩkĩ Yõõna ĩhõõggõ. Nẽẽthĩ ꞌyioko, aau ẽẽtĩ ꞌcĩ ĩllõõan Yõõna ngaati.

ꞌLuuka 11:32 ပူးပေါင်းရင်းမြစ်များ

Yõõna 3:4

Ma baa õtõ Yõõna waathĩn hõdẽĩ, ũũk irrioonĩk nẽẽ eet ĩĩnnĩk, “Waathinnioohĩĩ ꞌcĩg ĩĩn hẽẽn ꞌwec, iꞌthianaanĩ kõr nicci, acuddiaa hatĩ Nineve hĩĩ lõõcĩ ꞌthĩĩ!”

Yõõna 3:5

Ma ho, iita elemit eeta cĩg Nineve nyeemuut cĩ Nyekuci, nĩngĩtĩ aarĩkĩ nẽẽg kõr ꞌcĩ ẽdẽtaanĩ eleeti ꞌgẽẽna nẽ itihimit ceremwa ꞌcĩg põkõrĩk, hetereꞌthia mothiinit cĩnĩĩng. Baa iꞌthianaanĩ thõõth ciee eetinii ꞌcĩg obbitig, ĩꞌthõng hõdõlan ꞌcĩg kidicig.

Yõõna 4:9

Ẽdẽcĩ hinnia Nyekuci Yõõna anneek, “Aꞌnyahi nii thõõth umwa ꞌcĩ alĩĩllĩ hẽẽt icci?” Ẽdẽcĩ Yõõna aĩ, “Eei, halĩĩlĩ gẽrrẽẽt hĩcĩ haĩ hadaahi.”

Maatteeo 12:39

Ẽdẽcĩ Yeesu aĩ, “Adiimmu niig terethiinit, hĩnĩngĩtĩ ĩĩgĩnnu niig ꞌthẽccanniook! Terethiinit cĩ põrõvẽtaac Yõõna diooni, ꞌcĩ hatĩ aaꞌnyĩhoothĩkuung ngagiita.

Maatteeo 12:41

Kõr ꞌcĩ decciaanĩt cĩ lootu, abĩlĩ hatĩ eeta cĩg Nineve nẽ etteeddihuung ngagiit thõõth. Hĩnĩngĩtĩ baa ẽlẽmĩ nẽẽg thõõth cĩ Nyekuci baa ũũnnĩk nẽẽg ꞌthẽccanẽẽt cĩggĩĩng ꞌrioonaa cĩ põrõvẽtaac Yõõna, nẽẽthĩ ꞌyioko, aaĩ ẽẽtĩ umwaa ꞌcĩ ĩllõõan Yõõna ngaati.

ꞌLuuka 11:31

Aku hatĩ abĩlĩ ngaa ꞌcĩ ĩĩn habu cĩ looc cĩ hujjieen, hõdẽĩ hĩ eet cĩg irkiꞌnyia iccig kõr ꞌcĩ etteedini thooꞌthioha, hĩnĩngĩtĩ baa aradtanga nẽẽ looccaa cĩnnĩ, hikia hĩthĩk ꞌgẽẽnyĩth cĩ habu ꞌThõlõmõõnẽ. Nẽẽthĩ ꞌyioko, aau ẽẽtĩ ꞌcĩ ĩllõõan ꞌThõlõmõõnẽ ngaati.

Ebereei 7:26

Ĩĩn Yeesu paadĩr cobbi ꞌcĩ hadiim naag, hĩnĩngĩtĩ ẽllẽẽmĩth nẽẽnĩ, tẽlla nẽ hiꞌthihi ꞌthẽccan. Aitiõõ Yeesu ꞌthẽccanĩ tõõ nẽ aaꞌnyĩhoothĩk nĩngĩtĩ cobbi cĩ bulẽẽttõ hẽẽtahujjieen.