ꞌLuuka 11:18 - ꞌBuuk cĩ Thõõth cĩ Nyekuci

¹⁸ Má ĩꞌthaan ꞌThĩttaanĩ habuccieet cĩnnĩ ẽmmẽn, occa hatĩ aku abĩlĩ habuccieet cĩnnĩ ĩꞌthõng hutuno? Haduha naa thõõth icci, hĩnĩngĩtĩ othooꞌthu niig ainnu, ꞌtirrian cĩ ꞌBeelthebubi ꞌcĩ hiiggiaĩĩ naa loriẽẽt ꞌcĩg abathĩ ho.

ꞌLuuka 11:18 ပူးပေါင်းရင်းမြစ်များ

Maatteeo 10:25

Ũũppan ngaatĩ occa aayyi loholeec cĩ ꞌthukuulo hĩ ꞌlimmannioohiti cĩnnẽẽnĩ nẽ occa ũũppan appahaca buúk ngaatĩ occa aayyi hĩ makayyioohiti cĩnnẽẽnĩ. Nẽ má aũyya eeta nganĩĩt baattĩ olu anneeka ꞌBeelthebub, aũ hinnia hatĩ eeta eet cĩg halang cĩnnĩ vẽlẽk anneek nganĩ?

Maatteeo 12:26

Má iiggia ꞌThĩttaanĩ ꞌThĩttaan ꞌgõõnĩ, ẽꞌngẽr nẽẽ ẽlẽ cĩnnĩ ẽmmẽn. Nẽ occa hatĩ abĩlĩ habuccieet cĩnnĩ ĩꞌthõng hutuno?

Maatteeo 4:10

Ẽdẽcĩ Yeesu anneek, “Maꞌnyanĩ ngaatĩ haayyi naana ꞌThĩttaan! Eheeddi ꞌBuuhaa cĩ Nyekuci aĩ, ‘Buluth Nyekuc Makayyioohit cunni nẽ idticanoothihuu ĩnõõnnõ diooni.’ ”

Maatteeo 4:24

Nĩngĩtĩ aku allũnganĩ nyeemuut cĩnnĩ looc cĩ Thiiria vẽlẽk nẽ aꞌnyaktaak eeta ĩnõõnnõ moorriak ꞌcĩg õmmõõrĩ mooriꞌthiook cũũmõ cũũmõ. Baa aꞌnyakiaa eeta ꞌcĩg aꞌnyak mooriꞌthiook ꞌcĩg mẽẽlĩg, hĩ ꞌcĩg aꞌnyak loriẽẽt ꞌcĩg abathĩ hĩ ꞌcĩg õhõda namakarĩ hĩ ꞌcĩg alalliaa ꞌthoona, nĩngĩtĩ ẽẽlanĩ Yeesu ĩhõõggõ vẽlẽk hũbũttaathõ.

ꞌLuuka 11:15

Õthõõth hinnia eeta ũgẽẽgĩ aĩ, “Iiggia Yeesu loriẽẽt ꞌcĩg abathĩ ꞌtirriaanaa cĩ ꞌBeelthebubi habu cĩ loriẽẽt ꞌcĩg abathĩ!”