ꞌLuuka 11:15 - ꞌBuuk cĩ Thõõth cĩ Nyekuci

¹⁵ Õthõõth hinnia eeta ũgẽẽgĩ aĩ, “Iiggia Yeesu loriẽẽt ꞌcĩg abathĩ ꞌtirriaanaa cĩ ꞌBeelthebubi habu cĩ loriẽẽt ꞌcĩg abathĩ!”

ꞌLuuka 11:15 ပူးပေါင်းရင်းမြစ်များ

Maatteeo 10:25

Ũũppan ngaatĩ occa aayyi loholeec cĩ ꞌthukuulo hĩ ꞌlimmannioohiti cĩnnẽẽnĩ nẽ occa ũũppan appahaca buúk ngaatĩ occa aayyi hĩ makayyioohiti cĩnnẽẽnĩ. Nẽ má aũyya eeta nganĩĩt baattĩ olu anneeka ꞌBeelthebub, aũ hinnia hatĩ eeta eet cĩg halang cĩnnĩ vẽlẽk anneek nganĩ?

Maatteeo 12:22

Ma ho, aꞌnyaktaak eeta Yeesu eet umwa ꞌcĩ rubenĩ ꞌcĩ ijjiaaki kim nẽ aꞌnyak lori ꞌcĩ abathĩ, nĩngĩtĩ aaꞌnyĩkĩ Yeesu ĩnõõnnõ hũbũna hikia hõthõõth nẽ ĩcĩnĩ.

Maatteeo 4:24

Nĩngĩtĩ aku allũnganĩ nyeemuut cĩnnĩ looc cĩ Thiiria vẽlẽk nẽ aꞌnyaktaak eeta ĩnõõnnõ moorriak ꞌcĩg õmmõõrĩ mooriꞌthiook cũũmõ cũũmõ. Baa aꞌnyakiaa eeta ꞌcĩg aꞌnyak mooriꞌthiook ꞌcĩg mẽẽlĩg, hĩ ꞌcĩg aꞌnyak loriẽẽt ꞌcĩg abathĩ hĩ ꞌcĩg õhõda namakarĩ hĩ ꞌcĩg alalliaa ꞌthoona, nĩngĩtĩ ẽẽlanĩ Yeesu ĩhõõggõ vẽlẽk hũbũttaathõ.

Maatteeo 9:34

Baa hinnia aĩ Variꞌtheei, “Habu cĩ loriẽẽt ꞌcĩg abathĩ ꞌcĩ aaꞌnyĩk ĩnõõnnõ makaaꞌthĩt ꞌcĩ iiggiaĩ loriẽẽt ꞌcĩg abathĩ ho.”

Yõaannẽ 10:20

Baa aĩ eeta ꞌcĩg mẽẽlĩg, “Eet ꞌcĩ aꞌnyak lori ꞌcĩ abathĩ niccieeni nẽ adak maangõnĩ! Inni ĩthĩhĩt ĩnõõnnõ ho?”

Yõaannẽ 7:20

Ẽdẽcĩ lothippiti Yeesu anneek, “Adaki nganiit maangõnĩ, hĩnĩngĩtĩ aꞌnyahi lori ꞌcĩ abathĩ. Ne ꞌcĩ aaꞌnyi nganiit muhuneek ngaatĩ aayyi eet ꞌcĩ occa adiim aruki nganiit ko?”

Yõaannẽ 8:48

Ma ho, edecit eeta cĩg ꞌJudeei Yeesu ĩĩttĩk, “Hẽbẽaneeka naag ngaatĩ haĩnna, ĩĩnnĩ nii Thamaritaanoc nẽ aꞌnyahi lori ꞌcĩ abathĩ.”

Yõaannẽ 8:52

Ma ngaati, ĩĩtõ eeta cĩg ꞌJudeei, “Hagayyia aattĩ dĩdĩ, ngaatĩ aꞌnyahĩ nii lori ꞌcĩ abathĩ! Baa adaahito Abũrahamĩ hĩ põrõvẽtaaꞌnya vẽlẽk nẽẽthĩ hinnia, aini nii, má aꞌthũũnnĩ ẽẽtĩ umwaa thõõth cunni, hõllõngaa occa adaahĩ ũdũt!