ꞌLuuka 11:13 - ꞌBuuk cĩ Thõõth cĩ Nyekuci

¹³ Ma agayyu niig ngaatĩ aaꞌnyiku lõhõlĩ cugguung hẽlẽggĩ ꞌcĩg abũnnaa tananga iiginnu ꞌthẽccanniook, ma ꞌthẽk hinnia Maaꞌnyu cĩ hẽẽtkujjieen, aaꞌnyĩk hatĩ nẽẽ eet ꞌcĩg ala ĩnõõnnõ Lori ꞌcĩ Ẽllẽẽmĩth tabattĩ thõng?”

ꞌLuuka 11:13 ပူးပေါင်းရင်းမြစ်များ

ꞌThianaattõ 8:21

Ma baa õdõlan muyuuhĩ cĩ mẽdĩĩth cĩ idiꞌngwaanu Nyekuc ko, ikia atal Nyekuci, nĩngĩtĩ abũtanĩ aĩnnĩ, “Iittiõõ hatĩ naa hõllõngaa hacciini looc tarĩ, hĩnĩngĩtĩ ꞌthẽccanẽẽt cĩg eetuk. Tananga ammuk nẽẽg thooꞌthiok ꞌcĩg abathĩ ngaanĩngĩtĩ hĩdĩꞌthẽẽtõ, iittiõõ ꞌthẽk hatĩ naa hõllõngaa hacũda eet hĩ hẽlẽggĩ ꞌcĩg arũgĩ tarĩ.”

Maatteeo 5:16

Nẽ ꞌgõõla hõdẽẽthõng, aꞌnyĩĩk thooꞌthiok ꞌcĩg abũnnaa ꞌcĩg adĩmani nii hatalanyit hudtuukta eeta vẽlẽk, hatĩ hĩdĩhĩthĩt eeta Maaꞌnyu cĩ hẽẽtkujjieen.”

Maatteeo 5:45

ꞌGõõlaa nĩĩca, adticaniinnu hatĩ hĩ lohollia cĩg Maaꞌnyu cunuung ꞌcĩ aaĩ hẽẽtahujjieen. Hĩnĩngĩtĩ aaꞌnyĩk nẽẽ kõr haara eetinii ꞌcĩg abũnnaa hĩ ĩcĩg abathĩ nẽ ĩꞌthõõak tammu eet ꞌcĩg adĩman thooꞌthiok ꞌcĩg aũlanĩ hĩ ꞌcĩg adĩman thooꞌthiok ꞌcĩg hõllõngaa aũlanĩ.

Maatteeo 6:14

Má ammaanniku niig eet ꞌcĩg adĩmannuung ngagiit ꞌbuth, ammaannĩk hatĩ ngagiit buúk Maaꞌnyu ꞌcĩ aaĩ hẽẽtahujjieen, ꞌthẽccanẽẽt cugguung.

Maatteeo 6:30

Aaꞌnyĩk Nyekuci ꞌlẽẽmĩth ꞌcĩ aaĩ noho ho artĩ vẽlẽk ꞌcĩg alĩꞌtha mõrõtõõ, tananga aaĩ kõr nicci, ma lohotha udhuhoothĩk ꞌgwoyyiatõõ. Adĩmaneekuung ꞌthẽk hatĩ Nyekuci ngagiit hẽlẽggĩ ꞌcĩg mẽẽlĩg! Inni ꞌthẽk aꞌnyahit lemiinit ꞌcĩ hidici haaga ho?

Maatteeo 6:32

Eet ꞌcĩg hõllõngaa aga Nyekuc diooni, ꞌcĩg aꞌnyak muhẽẽnĩt ꞌcĩ aaĩ nohota. Aga Maaꞌnyu cĩ hẽẽtkujjieen ngaatĩ adiimmu niig hẽlẽggĩ iccig vẽlẽk.

Maatteeo 7:11

Má agayyu niig tananga abaꞌthu, ngaatĩ aaꞌnyiku lõhõlĩ cugguung ꞌbaaninit ꞌcĩ abũnnaa, ĩĩn occa hatĩ ꞌbaaniniti ꞌcĩ aaꞌnyĩk Maaꞌnyu cĩ aaĩ hẽẽtahujjieen eet ꞌcĩg ajin ĩnõõnnõ hutuno?

ꞌLuuka 11:12

Hode má ajin buurunit, aaꞌnyĩk hinnia nyadokorro?

ꞌLuuka 11:2

Nĩngĩtĩ annẽẽkĩ ĩhõõggõ, “Hatĩ ma alaiinnu, alayyio hoti, “ ‘Baangeet, eleet ngagĩĩt hubuluꞌthia ꞌthaar cugunnig. Aꞌnyĩĩk habuccieet cunni hikia loota hĩcĩ aaĩ hẽẽtahujjieen.

ꞌLuuka 18:7

Ĩcca occa ꞌthẽk hõllõngaa ẽẽl Nyekuci eet cĩgĩnnĩg ꞌcĩg ẽbẽra nẽẽ ẽlẽk, ꞌcĩg ĩĩlaleek ĩnõõnnõ baalin hĩ waathĩn? Ara occa hatĩ iiggiaeek ĩhõõggõ tuu?

Yõaannẽ 4:10

Ẽdẽcĩ Yeesu ĩnõõnnõ anneek, “Má gaa nii ꞌbaaninit ꞌcĩ occa aaꞌnyi Nyekuci nẽ agau eet iina ꞌcĩ alayyi nganiit maam ko, occa ꞌyioko alau ĩnõõnnõ haaꞌnyi maam ꞌcĩg rũgẽtaak.”

Dtiicanĩ cĩg ꞌThooyyiahu 2:38

Ẽdẽcĩ Pẽẽtũrũ anneek, “Ũtũngteek niig vẽlẽk hõdẽĩ hõdẽĩ ꞌthẽccanẽẽt cugguung nẽ aggamtu baattithimo ꞌthaarĩĩ cĩg Yeesu Krĩstõ, hátĩ hũtũngtoothĩk ꞌthẽccanẽẽta cugguung. Nẽẽthĩ hatĩ aaꞌnyĩhoothĩhuung ꞌbaaniniti cĩ Lori ꞌcĩ Ẽllẽẽmĩthĩ.

ꞌRooma 5:17

Aggam daahĩthĩ looc hĩ habuui, hĩnĩngĩtĩ ꞌthẽccan cĩ Aadamĩ. Nẽẽthĩ, aitiõõ thõõth ciee hõllõngaa ĩthakꞌthoothĩk thõõth ꞌcĩ adĩman Yeesu Krĩstõ. Baa tarbal Nyekuci hĩ ngagĩĩt gẽrrẽẽt nẽ elemeet ngagĩĩt, hĩnĩngĩtĩ Yeesu. Nẽẽthĩ hoti ho, harũgĩ hatĩ naag nẽ haggamit looc hĩ habuẽẽta.

ꞌRooma 7:18

Haga naa aitiõõ ꞌgii ꞌcĩ abũnnaa hĩ nganĩĩt tõõ, hĩnĩngĩtĩ ꞌthẽccan caannĩ. Tananga habũraneehi naa ngaatĩ hadticanĩĩ ꞌgii ꞌcĩ abũnnaa, aalla aꞌnyamannaa ngaatĩ hadticanĩĩ noho.

ꞌRooma 8:32

Baa hõllõngaa ẽdẽnĩ Nyekuci Ngeerĩnĩ, nẽẽthĩ, baa aaꞌnyeet nẽẽ ĩnõõnnõ ngagĩĩta. Má baa adĩman Nyekuci hoti, ĩcca occa hatĩ hõllõngaa aaꞌnyeet nẽẽ hẽlẽggĩ vẽlẽk haaga?

Tiito 3:3

Baa gõõng haggiithi naag hõjõthẽẽkĩ thõõth cĩ Nyekuci, hĩnĩngĩtĩ hõllõngaa haga nẽ hĩĩtõ appahacaaꞌnya ꞌcĩg habũraneek thooꞌthiok ꞌcĩg abathĩ ꞌcĩg iggoolleet ngagĩĩta. Baa gõõng hĩĩgĩn eet ꞌcĩg habathĩ nẽ halĩĩlĩ hẽlẽggĩ cĩg eetuk, aaburreekeet eeta nẽ haaburreek naag buúk eet vẽlẽk.