ꞌLuuka 10:39 - ꞌBuuk cĩ Thõõth cĩ Nyekuci

³⁹ Baa aꞌnyak Maarta ngõõnĩ ꞌcĩ haĩ Maria, ꞌcĩ baa õkõ iccioloongan loota ꞌthõõnĩĩ cĩg Makayyiooktak nẽ ĩthĩk ꞌlimman cĩnnĩ.

ꞌLuuka 10:39 ပူးပေါင်းရင်းမြစ်များ

ꞌLuuka 10:42

ꞌGii hõdẽẽthõng dioo ꞌcĩ aaddi, ẽbẽra Maria ꞌgii tĩho, nẽ ꞌthẽk aitiõõ hatĩ hõllõngaa aggammiaa hĩ ĩnõõnnõ ũdũt.”

ꞌLuuka 2:46

Ma urutaa cĩ waathinniook iyyio, õõ hinnia ammũda halangatõõ cĩ ꞌCieeth cĩ Nyekuci hõrggẽẽnaa cĩ ꞌlimmannioohu, ammũdoothĩk athĩhĩ ĩhõõggõ nẽ ijin thooꞌthiok ꞌcĩg õkõmĩ.

ꞌLuuka 8:35

Nĩngĩtĩ õõ acĩnĩ eeta. Ma baa ammũdoothĩk nẽẽg Yeesu ho, adtuuha hinnia eet aa aduknaanĩ loriẽẽta ꞌcĩg abathĩ ho iccioloongan loota ꞌthõõnĩĩ cĩgĩnnĩg, itihimi ũbũna, nĩngĩtĩ itieelini eeta gẽrrẽẽt.

Yõaannẽ 11:1

Baa aaĩ eet umwaa ꞌcĩ õmmõõrĩ ꞌcĩ haĩ Laaꞌtharõ õlõõ ꞌcĩ haĩ Bẽthani, arũmĩ hĩ ngõõnõgĩ ꞌramma, haĩ umwa Maria nẽ hĩĩtõ umwa Maarta.

Yõaannẽ 11:19

Baa mẽẽlĩg eeta cĩg ꞌJudeei ꞌcĩg au amammaayan Maarta hĩ Maria ulwaanaa cĩ ꞌgõtõnõõnĩ.

Yõaannẽ 12:3

Nĩngĩtĩ attihaanĩ Maria ngõõrrõ umwa ꞌcĩ õꞌngõlĩ ẽmmẽdĩ nẽ udduutik ꞌthõõnĩĩ cĩg Yeesu. Ma ho, upuppuucan ĩmaa cĩgĩnnĩg, nĩngĩtĩ allũnganĩ muyuuhi ꞌcĩ ngõõrrõ nicci ꞌcieeth hũtũrũũr.

Dtiicanĩ cĩg ꞌThooyyiahu 22:3

“Hĩĩnĩ naa ꞌJudeeinit ꞌcĩ harittia ꞌtaaũnaa cĩ ꞌTaartho, looccaa cĩ ꞌCilicia, nẽẽthĩ, baa halĩꞌtha ꞌtaaũnaa cĩ. Baa hĩĩnĩ naa loholeec cĩ ꞌthukuul cĩ ꞌGamalieelĩ ꞌcĩ hallimannia nyattaalaa cĩ nyakangaaꞌnya cĩggaac. Nẽ dĩdĩ, haccamanaa naa buúk Nyekuc haau hĩcĩ accamanaannu niig kõr nicci ho.