ꞌLuuka 10:22 - ꞌBuuk cĩ Thõõth cĩ Nyekuci

²² “Baa aaꞌnya nganĩĩt Baaba caannĩ hẽlẽggĩ vẽlẽk. Aitiõõ ẽẽtĩ ꞌcĩ aga Ngeerĩnĩ tõõ, Maaꞌnyĩ dioo ꞌcĩ aga. Nẽ tarĩ, aitiõõ ẽẽtĩ ꞌcĩ aga Maaꞌnyĩ tõõ, Ngeerĩnĩ dioo hĩ eet ꞌcĩg ẽbẽra Ngeerĩnẽẽnĩ ꞌcĩg aga ĩnõõnnõ.”

ꞌLuuka 10:22 ပူးပေါင်းရင်းမြစ်များ

Maatteeo 11:25

Ma kõr niccia, õthõõth Yeesu ĩĩ, “Hadihiꞌthii naa nganiit Baaba caannĩ, Makayyioohit cĩ hẽẽtkujjieen hĩ cĩ lootu, hĩnĩngĩtĩ agunyuthi nii hẽlẽggĩ iccig vẽlẽk hĩ eet ꞌcĩg ĩĩn ꞌgeeꞌnyiak, hĩ ꞌcĩg illimattĩ vẽlẽk nẽ eteretheehu lõhõlĩ ꞌcĩg kidicig.

Maatteeo 11:27

“Baa aaꞌnya nganĩĩt Baaba hẽlẽggĩ vẽlẽk. Aitiõõ ẽẽtĩ ꞌcĩ aga Ngeerĩnĩ tõõ, Maaꞌnyĩ dioo ꞌcĩ aga nẽ aitiõõ ẽẽtĩ ꞌcĩ aga Maaꞌnyĩ tõõ, Ngeerĩnĩ dioo ꞌcĩ aga, hĩ eet baag ẽbẽra Ngeerĩnĩ, hátĩ hagaacõ nẽẽg buúk ĩnõõnnõ.

Maatteeo 28:18

Ma nĩngaata, ikia uppwaannak Yeesu ĩhõõggõ nẽ ĩĩnnĩk, “Baa aaꞌnyĩhoothĩhaa nganĩĩt makaaꞌthĩt cĩ hẽẽtkujjieen hĩ cĩ lootu vẽlẽk.

Yõaannẽ 1:18

Nga hĩcĩn eet umwaa Nyekuc, Ngeerĩnĩ ꞌcĩ odoyyii dioo, ꞌcĩ ĩĩn Nyekuc dĩdĩ nẽ õbõhõõ hĩ Maaꞌnyĩ ꞌcĩ etereꞌtheet ngagĩĩt hagaac Nyekuc.

Yõaannẽ 10:15

Hĩcĩ agayya nganĩĩt Baaba, haga naa buúk ĩnõõnnõ. Nẽ hẽlẽmanaa naa rũgẽt caannĩ, hĩnĩngĩtĩ aꞌtha cĩgannĩg.

Yõaannẽ 13:3

Baa aga Yeesu ngaatĩ akuuni nẽẽ hĩ Nyekuc Maaꞌnyĩ nẽ obodoothi hatĩ hĩ ĩnõõnnõ. Aga tarĩ aĩ, baa aaꞌnyĩk Maaꞌnyia ĩnõõnnõ makaaꞌthĩt vẽlẽk.

Yõaannẽ 17:10

Nẽ eeta vẽlẽk ꞌcĩg haꞌnyahi naana, ĩĩn cugunnig nẽ ꞌcĩg aꞌnyahi niina, ĩĩn cĩgannĩg. Nẽ ikia bulẽẽnĩtĩ hĩ nganĩĩt, hĩnĩngĩtĩ ĩhõõggõ.

Yõaannẽ 17:2

Hĩnĩngĩtĩ baa aaꞌnyĩhuu nii ĩnõõnnõ makaaꞌthĩt ꞌcĩ aggamĩ eet vẽlẽk, hátĩ haaꞌnyĩk rũgẽt ꞌcĩ aalla ũdũt, eet baag aaꞌnyihi nii ĩnõõnnõ.

Yõaannẽ 17:26

Haaꞌnyĩha naa ĩhõõggõ hagayyi nganiita nẽ aalla hatĩ haaꞌnyihi ĩhõõggõ hagayyi nganiit, hátĩ haau mĩnnanĩ ꞌcĩ aꞌnyaheekaa nii nganĩĩt hĩ ĩhõõggõ nẽ hátĩ haau naa buúk hĩ ĩhõõggõ.”

Yõaannẽ 17:5

Nẽẽthĩ ꞌyioko Baaba, buluthaa nganĩĩt muumaa cunni bulẽẽttaa baa haꞌnyak naag hĩ nganiit, baa nga heteheꞌnyiaa lõõcĩ.

Yõaannẽ 3:35

“Ammĩnan Maaꞌnyia Ngeerĩnĩ nẽ aaꞌnyĩk ĩnõõnnõ ꞌgii vẽlẽk.

1 Korinthia 15:24

Nẽ urutaa ꞌcĩ ĩllõõanĩ Krĩstõ mĩrõk cĩgĩnnĩg vẽlẽk, ikia thĩ hatĩ decciaanĩtĩ cĩ lootu nẽ aaꞌnyĩk nẽẽ habuccieet Nyekuc Maaꞌnyĩ.

2 Korinthia 4:6

Baa aduha Nyekuci aĩ, “Aꞌnyĩĩk lanyit haara muguratõõ.” Nẽ ꞌyioko, aara lanyit cĩnnĩ ꞌthinneetinii cĩggaac, lanyit tĩho ꞌcĩ aaꞌnyeet hagaac hĩĩtõ, edeeꞌnyia bulẽẽnĩtĩ cĩnnĩ hĩ Yeesu Krĩstõ.

Eevvetho 1:21

Aggam Krĩstõ hẽlẽggĩ vẽlẽk ꞌcĩg attiran hĩ ꞌcĩg aꞌnyak makaaꞌthĩt hĩ ꞌcĩg aggam loonyin vẽlẽk. Aggam nẽẽ hẽlẽggĩ vẽlẽk cĩg looc nicci nẽ hatĩ aggam cĩg looc ꞌcĩ hatĩ horumwa buúk.

Ebereei 2:8

Aaꞌnyĩhuu nii ĩnõõnnõ ꞌtirrian ꞌcĩ aggamĩ hẽlẽggĩ vẽlẽk.” Aggam nẽẽ hẽlẽggĩ vẽlẽk ꞌyioko, nẽ nga hũtũngeek Nyekuci ꞌgiimwa battaala. Nẽẽthĩ nẽẽꞌthẽk ꞌyioko, nga hĩcĩnĩt hẽlẽggĩ vẽlẽk ꞌcĩg aggam nẽẽ ho, ngaatĩ edeeꞌnyianĩ.

1 Yõaannẽ 5:20

Hagaacõ naag buúk haĩ, ikia Yeesu Krĩstõ Ngeertĩ Nyekuci nẽ eteretheeheet ngagĩĩt Nyekuc ꞌcĩ ĩĩn dĩdĩ. Nẽ haattĩg naag hĩ ĩnõõnnõ ꞌcĩ ĩĩn dĩdĩ nẽ tarĩ, hũrũmtĩ hĩ Loholeec cĩnnĩ Yeesu Krĩstõ ꞌcĩ ĩĩn Nyekuc dĩdĩ nẽ aaꞌnyeet ngagĩĩt rũgẽt ꞌcĩ aalla ooo.

2 Yõaannẽ 1:9

Ma arayyu uuhuyyu thõõth cĩ Krĩstõ baa allimanoothikuung ngagiita, occa hinnia hatĩ hõllõngaa aaĩ Nyekuci hĩ ngagiit tarĩ. Nẽẽthĩ, má aꞌthũũnnu thõõth baa Krĩstõ baa allimanoothikuunga, aattĩg thĩ hatĩ Baangẽẽtĩ hĩ Ngeerĩnĩ hĩ ngagiita.