ꞌLuuka 10:21 - ꞌBuuk cĩ Thõõth cĩ Nyekuci

²¹ Ma nĩngaata, aaꞌnyĩk Lorii ꞌcĩ Ẽllẽẽmĩth Yeesu haccamanoothĩk gẽrrẽẽt, nĩngĩtĩ õthõõthĩ Yeesu aĩnnĩ, “Hatallii naa nganiit gẽrrẽẽt Baaba, Makayyioohit cĩ hẽẽtkujjieen hĩ cĩ lootu, ngaatĩ ammiꞌthẽẽkĩ thooꞌthiok iccig eet ꞌcĩg ẽggẽẽnyĩth hĩ ꞌcĩg illimattĩ nẽ eteretheehu lõhõlĩ ꞌcĩg hidicig hĩ eet ꞌcĩg nga hillimattĩ. Ee Baaba, baa ꞌthẽk ꞌgii ꞌcĩ accamanaa nii cieeni.”

ꞌLuuka 10:21 ပူးပေါင်းရင်းမြစ်များ

Maatteeo 16:17

Ẽdẽcĩ Yeesu ĩnõõnnõ anneek, “ꞌThimõõnẽ ngeertĩ Yõõna, aggatannii nganiit Nyekuci! Hõllõngaa ammũda nii thõõth icci ẽmmẽn. Eterꞌtheeki nganiit Baaba caannĩ ꞌcĩ aaĩ hẽẽtahujjieen.

Maatteeo 21:16

Ma ho, ijinit nẽẽg Yeesu ĩĩttĩk, “Hõllõngaa athihi nii thõõth ꞌcĩ aduha lohollia ho?” Ẽdẽcĩ Yeesu ĩhõõggõ anneek, “Eei, hathihi! Hõllõngaa agayyu niig thõõth ꞌcĩ aduha ꞌBuuhi cĩ Nyekuci aĩ, “ ‘Ẽbẽn hatĩ lohollia hĩ ĩdõlẽẽt dĩhĩthẽẽnĩt’?”

Maatteeo 3:7

Ma baa acĩn Yõaannẽ Variꞌtheei hĩ Thadutheei ꞌcĩg mẽẽlĩg ngaatĩ au aggamĩ baattithimo ho, ikia eggerenyeek ĩhõõggõ ĩĩnnĩk, “Niig eeta ꞌcĩg abaꞌthu aaut hĩ hũkaaꞌnya ho, nganĩ ꞌcĩ aduhaakuung ngagiit aĩ, iita baattithimooa, hátĩ iliittia ukẽẽnĩt ꞌcĩ hatĩ aku ho?

Maarko 10:15

Haduhaakuung naa ngagiit thõõth dĩdĩ, má hõllõngaa ẽlẽmĩ ẽẽtĩ habuccieet cĩ Nyekuci haau hĩcĩ ẽlẽmĩ loholeec ꞌcĩ hidiciẽẽnĩ, aitiõõ hatĩ hõllõngaa aduhun nẽẽ habuccieet cĩ Nyekuci ũdũt.”

ꞌLuuka 15:5

Nẽ ꞌthẽk ma ũmmũda, atalĩ hatĩ gẽrrẽẽt nẽ õdõng

ꞌLuuka 15:9

Nẽ ma ũmmũda, avva hatĩ ꞌgõõnõgĩ hĩ eet ꞌcĩg aarõõ nẽ ĩĩnnĩk, ‘Iita haccamattoothĩk, hĩnĩngĩtĩ hũmmũda ꞌrabbaacit ꞌcĩ hũtũrĩ ꞌcĩ baa aꞌnginoothi.’

Yõaannẽ 11:41

Nĩngĩtĩ ẽꞌnyẽẽhĩ eeta bẽẽ. Ma ho, ĩcĩnõõthĩ Yeesu hẽẽtkujjieen nẽ alaõ ĩĩ, “Ĩlaallẽ Baaba ngaatĩ athĩkna nganĩĩta.

2 Korinthia 4:3

Nẽ má aguꞌthi nyeemuut cĩnaang ꞌcĩ abũnnaa ho, aguꞌthi hĩ eet ꞌcĩg arahanit diooni.

Eevvetho 1:11

Adĩman Nyekuci hõdõõkõthĩ hẽlẽggĩ vẽlẽk ꞌcĩg adiim nẽẽnĩ, ĩnõõ ꞌcĩ aaꞌnyĩkĩ nẽẽ Krĩstõ hẽbẽraeet ngagĩĩt baa hũnũũk ko.

Eevvetho 1:5

ikia ẽbẽraeet nẽẽ ngagĩĩt baa hũnũũk nẽ aareet hĩĩtõ lõhõlĩ cĩgĩnnĩg, hĩnĩngĩtĩ Yeesu Krĩstõ.