ꞌLuuka 10:2 - ꞌBuuk cĩ Thõõth cĩ Nyekuci

² Baa iloot nẽẽ ĩhõõggõ anneek, “Ibbiir mana cobbi gẽrrẽẽt nẽ hĩdĩcĩg hinnia janniooha. Alaac Makayyioohit baattĩ manu hĩꞌthõõa janniook ũgĩ.

ꞌLuuka 10:2 ပူးပေါင်းရင်းမြစ်များ

Maatteeo 20:1

Baa aduha Yeesu ꞌgõõl ꞌcĩ hatĩ aayyi habuccieet cĩ hẽẽtkujjieen aĩ, “Aaĩ habuccieet cĩ hẽẽtkujjieen hĩ baattĩ manu ꞌcĩ õkõ kõr umwa ngerrenita nẽ ũlũta eet hiita hakattio manaa cĩnnĩ ĩcĩ viinoo.

Maarko 13:34

Aaĩ hatĩ kõrra niccia hĩ ẽẽtĩ ꞌcĩ õkõ hẽẽrõna, ꞌcĩ ũũnnĩk dticcianniook cĩgĩnnĩg hebehit õlõ nẽ eꞌngereek ĩhõõggõ vẽlẽk dtiicanĩ hõdẽĩ hõdẽĩ nẽ uduhaak eet ꞌcĩ ẽbẽk hattũũg haau dĩkĩĩm.

Maarko 16:15

Ma ho, ĩĩnnĩk Yeesu ĩhõõggõ, “Õõt illimanit eet nyeemuut ꞌcĩ abũnnaa loonyini vẽlẽk.

Maarko 16:20

Nĩngĩtĩ õõĩ nuyyiooha cĩgĩnnĩg allimanĩ thõõth cĩ Nyekuci loonyini vẽlẽk nẽ baa adticanni Makayyioohiti hõdẽĩ hĩ ĩhõõggõ nẽ aaꞌnyĩk ꞌlimman cĩnnĩ ho, hĩĩ dĩdĩ thooꞌthiohĩĩ ꞌcĩg ĩnaat eeta ĩcĩg baag adtican nuyyiooha.

ꞌLuuka 9:1

Ma baa ũtũvva Yeesu ꞌthooyyiak ꞌcĩg ĩĩn õmmõtõ hĩ ꞌramma ho hiita ngaatĩ hõdẽẽthõng, ikia aaꞌnyĩk ĩhõõggõ ꞌtirrian hĩ makaaꞌthĩt ꞌcĩ iiggiaĩ loriẽẽt ꞌcĩg abathĩ vẽlẽk heelliaĩĩ eet mooriꞌthioohĩ,

Dtiicanĩ cĩg ꞌThooyyiahu 11:19

Baa ĩꞌthaanni nuyyiooha ũgẽẽgĩ, hĩnĩngĩtĩ pĩĩrnanĩt ꞌcĩ abathĩ gẽrrẽẽt baa iꞌthianaanĩ kõr baa aruhẽẽnĩ Tẽẽvẽnõ. Baa avvir nẽẽg õõ ꞌrẽẽna loonyinii cĩg Venicia hĩ Ciporo hĩ ꞌtaaũnaa cĩ Antiohĩ, nẽẽthĩ hinnia baa õõ aduhaak nẽẽg eet cĩg ꞌJudeei dioo nyeemuut.

Dtiicanĩ cĩg ꞌThooyyiahu 13:2

Ma baa nga abuluth nẽẽg Makayyioohit nẽ edettia eleeti ꞌgẽẽna, ikia ĩĩnnĩk Lorii ꞌcĩ Ẽllẽẽmĩth ĩhõõggõ, “Eberriahaangu Baarnaba hĩ ꞌThaaulo, hátĩ hidticanit dtiic ꞌcĩ havveehi naa ĩhõõggõ ho.”

Dtiicanĩ cĩg ꞌThooyyiahu 13:4

Ma urutaa ꞌcĩ ĩꞌthõõĩ Lorii ꞌcĩ Ẽllẽẽmĩth Baarnaba hĩ ꞌThaaulo, õõt nẽẽg Theleucia. Ma nĩĩca, otodit haahũl õõt dtuungaa cĩ Ciporo ĩĩcĩ aaĩ bũlũca hõrggẽẽna.

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

Dtiicanĩ cĩg ꞌThooyyiahu 22:21

“Nĩngĩtĩ anneeka Makayyioohiti, ‘Bĩtõ, hĩꞌthooyyii naa nganiit bĩĩt hĩ eet ꞌcĩg hõllõngaa ĩĩn ꞌJudeei.’ ”

Dtiicanĩ cĩg ꞌThooyyiahu 8:4

Õõt illimanit nuyyiooha cĩg Makayyioohit Yeesu, ꞌcĩg baag ĩꞌthaattĩ tahatak, nyeemuut ꞌcĩ abũnnaa ꞌgoolliohĩĩ ꞌcĩg baag õõĩ nẽẽgĩ.

1 Korinthia 12:28

Hõrggẽẽnaa cĩ lothippit cĩ lemmioohu, baa ẽbẽra Nyekuci ĩĩcĩ oou ꞌthooyyiak nẽ ꞌramma cĩnnĩ, ẽbẽra põrõvẽtaaꞌnya nẽ ĩĩcĩ ĩĩn iyyio, ẽbẽra ꞌlimmanniook nẽ ẽbẽra dticcianniook cĩg thooꞌthiok ꞌcĩg ĩnaat eeta nẽ ẽbẽra eet ꞌcĩg aꞌnyak ꞌbaaninit ꞌcĩ aaꞌnyĩkĩ eet hũbũttaathõ nẽ ẽbẽra eet ꞌcĩg ũũlũ ngaatĩ ẽẽlĩ ꞌgõõnõgĩ nẽ ẽbẽra eet ꞌcĩg aꞌnyak ꞌbaaninit ꞌcĩ aggamĩ ꞌgõõnõgĩ nẽ ẽbẽra eet ꞌcĩg õthõõth thooꞌthiohĩ cũũmõ cũũmõ.

1 Korinthia 15:10

Nẽẽthĩ, bũnnaiittaa cĩ Nyekuci, hĩĩna naa nganĩĩt hĩ ꞌyioko ho nẽ baa hõllõngaa hahirangĩĩ naa bũnnai cĩ Nyekuci haaga. Aitiõõ ũdũt, baa hadticannii naa hĩllõõan ꞌthooyyiak vẽlẽk, nẽẽthĩ, baa hõllõngaa nganĩĩt ẽmmẽn ꞌcĩ hadticannii ho, baa hadticannii hĩnĩngĩtĩ baa aaĩ bũnnai cĩ Nyekuci hĩ nganĩĩta.

2 Korinthia 6:1

Hĩcĩ hadticanni naag hõdẽĩ hĩ Nyekuci, halayyuung naag ngagiit haĩnna, idticattõõĩ bũnnai cĩ Nyekuci ꞌgõõlaa ꞌcĩ abũnnaa.

Pilippi 2:21

Aallak eeta ũgẽẽgĩ thooꞌthiok ꞌcĩg adiim nẽẽgĩ, hõllõngaa aallak thõõth cĩ Yeesu Krĩstõ.

Pilippi 2:25

Hammuhi occa abũnnaa ngaatĩ hĩꞌthõõakuung ngagiit Epavorodito hõbõda hĩ ngagiit tarĩ, ĩĩn nẽẽ ꞌgõtõna, dticciannioohit nẽ ĩĩ ũũrũtaac ꞌcĩ hadticaniinna hõdẽĩ, ꞌcĩ ĩĩn ꞌthooyyiahit cunuung baa ĩꞌthõõannnu niig hikia hũꞌthũũtta nganĩĩta.

Pilippi 2:30

hĩnĩngĩtĩ baa õbõhĩ Epavorodito adaak thõõthaa cĩ dtiic cĩ Krĩstõ, ikia ẽlẽmana nẽẽ rũgẽt cĩnnĩ hidticaneeha nganĩĩt thõõth ꞌcĩ occa baa hõllõngaa adĩmaneekaangu niig nganĩĩt, hĩnĩngĩtĩ iiginnu ꞌrẽẽttĩg.

Kolooꞌthe 1:29

Ĩnõõ cĩ hadticaniini naa gẽrrẽẽt ꞌtirriaanaa cĩnnĩ ĩbaa aaꞌnya nẽẽ nganĩĩt ko.

Kolooꞌthe 4:12

Ĩꞌthaayyuung Epavarato cĩ lothippit cunuung ngagiita, ꞌcĩ ĩĩn dticciannioohit cĩ Yeesu Krĩstõ. Alayyi nẽẽ hõdõõkõthĩ gẽrrẽẽt, hĩnĩngĩtĩ ngagiita, hátĩ okomit lemiittaa cunuung nẽ ĩdĩmattu tabiinit cĩ Nyekuci jurrung.

1 Tẽꞌthaloonika 2:9

Nẽ dĩdĩ ꞌgotoonoga hĩ ngoonoga, occa nẽẽꞌthẽk ammuhooꞌthu pĩĩrnanĩt baa harayya naag dtiic ꞌcĩ õkõmĩ waathĩn hĩ baalin, hátĩ hiittiõõ hõllõngaa haꞌnyahaaka eet umwa heciinit nga hallimannuung nyeemuut ꞌcĩ abũnnaa cĩ Nyekuci.

1 Tẽꞌthaloonika 5:12

Hõlõ, halayyuung ꞌthinneeti cugguung, itingolli makayyiook cugguung ꞌcĩg ũũhayyuung nẽ idticattõõ gẽrrẽẽt hõrggẽẽnaa cunuung nẽ illimatteehuung ngagiit thõõth cĩ Makayyioohit Yeesu ho.

2 Tẽꞌthaloonika 3:1

Nẽ thõõth ꞌcĩ adtuurna ꞌgotoonoga hĩ ngoonoga, alayyiooyyieetu ngagĩĩt, hátĩ hĩꞌthanothoothĩk thõõth cĩ Nyekuci looc vẽlẽk hĩdĩĩkoothong, hátĩ hĩthĩhĩt eeta thõõth cĩnnĩ haau hĩcĩ athiknu niig ko.

1 Timotteeo 4:10

nẽ hadticaniinna gẽrrẽẽt, ngaatĩ haarĩka muhẽẽnĩt cĩnaang hĩ Nyekuc ꞌcĩ arũgĩ, ꞌcĩ ĩĩn Ellioohit cĩ eet vẽlẽk, hĩ dẽẽdẽ eet ꞌcĩg elemit ĩnõõnnõ.

2 Timotteeo 4:5

Nẽẽthĩ niina, ꞌthũũtĩ ẽlẽ cunni jurrung hõdõõkõthĩ. Ma haireehi pĩĩrnanĩt dtiica cĩ Nyekuci. Dticcian dtiic hĩ ꞌlimmannioohiti cĩ nyeemuut ꞌcĩ abũnnaa nẽ dẽcaak dtiic ꞌcĩ aaꞌnyi Nyekuci ho jurrung.

Vilõmẽẽnõ 1:1

Waraga ꞌcĩ aku hĩ nganĩĩt Paaulo hĩ ꞌgotooneet Timotteeo cieeni, haaĩ naa baabuutha hĩnĩngĩtĩ hirriooni nyeemuut cĩ Yeesu Krĩstõ. Hẽhẽẽdakii naa nganiit Vilõmẽẽnõ, ꞌcĩ hammĩnannii nẽ hidticattõõ hõdẽĩ waraga icci,

Ebereei 3:6

Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

Terethiinit 2:1

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Eevvetho. “Duhaak anneek, aku nyeemuut nicciaa hĩ eet ꞌcĩ aggam mũnyũny tũkĩramma attiaa cobbi, nẽ õtõ hõrggẽẽnaa cĩ ꞌthĩĩk tũkĩramma ꞌcĩg ĩĩn ꞌdaab, ꞌcĩg aꞌnyak ꞌlõõmẽẽt.