ꞌLuuka 10:16 - ꞌBuuk cĩ Thõõth cĩ Nyekuci

¹⁶ Ma ho, uduhaak Yeesu nuyyiook cĩgĩnnĩg ĩĩnnĩk, “Ẽẽtĩ ꞌcĩ athiknuung ngagiita, athĩkna nganĩĩt buúk. Nẽ ẽẽtĩ ꞌcĩ aburruung ngagiita, abũrra nganĩĩt buúk. Nẽ ẽẽtĩ ꞌcĩ abũrra nganĩĩta, abũrĩ eet baa ĩꞌthõõannaa nganĩĩt buúk.”

ꞌLuuka 10:16 ပူးပေါင်းရင်းမြစ်များ

Luugithõõ 16:7

nẽ ngerrenita, acinnu hatĩ niig bulẽẽnĩt cĩ Makayyiookto, hĩnĩngĩtĩ ĩthĩk nẽẽ ngoongoi ꞌcĩ ongoongoeeku niig ĩnõõnnõ. Ngagĩĩt ꞌyioko ꞌthẽk hĩ nganĩ ꞌcĩg occa ongoongoeekeetu niig ko?”

Luugithõõ 16:8

Nẽ tarĩ ĩĩ Mũũꞌtha, “Agayyu hatĩ niig ĩko baa ꞌthẽk Makayyioohit dĩdĩ ꞌcĩ aaꞌnyuung ngagiit iding ꞌcĩ adaku ꞌjiaat hĩ ũbũnẽẽt vẽlẽk ꞌcĩg adiimmu niig ngerrenita, hĩnĩngĩtĩ ĩthĩk nẽẽ ngoongoi ꞌcĩ ongoongoeeku niig ĩnõõnnõ ho. Ngagĩĩt ꞌyioko ꞌthẽk hĩ nganĩ? Hõllõngaa ongoongoeekeetu niig ngagĩĩta, nẽẽthĩ hinnia, ongoongoeeku niig Makayyioohit.”

Maatteeo 10:40

“Ẽẽtĩ ꞌcĩ elemmuung ngagiita, ẽlẽmma nganĩĩt buúk nẽ ẽẽtĩ ꞌcĩ ẽlẽmma nganĩĩta, ẽlẽmĩ eet baa ĩꞌthõõannaa nganĩĩta.

Maatteeo 18:5

Nẽ ẽẽtĩ ꞌcĩ ẽlẽmĩ loholeec ꞌcĩ hidici ho ꞌthaarĩĩ cĩgannĩg, ẽlẽmma nganĩĩta.

Maarko 9:37

“Ẽẽtĩ ꞌcĩ ẽlẽmĩ loholeec ꞌcĩ hidici ꞌcĩ aaĩ hĩ ciee ꞌthaarĩĩ cĩgannĩg, ẽlẽmma nganĩĩta nẽ ẽẽtĩ ꞌcĩ ẽlẽmma nganĩĩta, hõllõngaa ẽlẽmma nganĩĩt diooni, ẽlẽmĩ eet baa ĩꞌthõõannaa nganĩĩt buúk.”

ꞌLuuka 9:48

Nẽ irrioonĩk ĩhõõggõ ĩĩnnĩk, “Ẽẽtĩ ꞌcĩ ẽlẽmĩ ngaatĩ arũmẽẽnĩ hĩ loholeec icci õlõõ cĩnnĩ taliitta ꞌthaarĩĩ cĩgannĩg, ẽlẽmma nganĩĩta nẽ ẽẽtĩ ꞌcĩ ẽlẽmma nganĩĩta, ẽlẽmĩ eet baa ĩꞌthõõannaa nganĩĩt buúk. Ẽẽtĩ ꞌcĩ hidici gẽrrẽẽt hõrggẽẽnaa cunuung vẽlẽk, ĩnõõnnõ ꞌcĩ maka gẽrrẽẽt.”

Yõaannẽ 12:44

Baa irrioonĩk Yeesu lothippit moloohaa cobbi anneek, “Ẽẽtĩ ꞌcĩ ẽlẽmma nganĩĩta, hõllõngaa ẽlẽmma nganĩĩt diooni, ẽlẽmĩ eet baa ĩꞌthõõannaa nganĩĩta.”

Yõaannẽ 12:48

Aaĩ ꞌgaadĩ ꞌcĩ hatĩ ẽttẽẽd thõõth cĩ eet ꞌcĩ abũrra nganĩĩta nẽ ũtũbũr ꞌlimman caannĩ. Ẽttẽẽd hatĩ thõõth ciee hothoothi naa ho thõõth cĩnnĩ, kõr cĩ decciaanĩt cĩ lootu.

Yõaannẽ 13:20

Nẽ haduhaakuung dĩdĩ, ẽẽtĩ ꞌcĩ ẽlẽmĩ eet ꞌcĩ hĩꞌthõõa naana, ẽlẽmma nganĩĩta nẽ ẽẽtĩ ꞌcĩ ẽlẽmma nganĩĩta, ẽlẽmĩ eet baa ĩꞌthõõannaa nganĩĩta.”

Dtiicanĩ cĩg ꞌThooyyiahu 5:4

Ĩĩn cieeg ijjio cugunnig aa nga tũũõĩ. Nẽ ma urutaa ꞌcĩ ũtũũõĩ ẽlẽk, nga ĩĩn ꞌrabbẽẽta buúk cugunnig? Nẽ neegi ꞌcĩ aaꞌnyi nganiit dĩman thõõth ꞌcĩ aaĩ hoti ho? Hõllõngaa iggooli nii eeta, iggooli Nyekuc.”

ꞌGalaaꞌthia 4:14

Nẽ tananga baa hommoori gẽrrẽẽt, baa hõllõngaa aaꞌnyuung ngagiit mõõrĩthĩ caannĩ ꞌcannan nẽ tarĩ hõllõngaa appallaarannaangu hode iiggiayyiaangu thõng buúk. Baa akũmaneekaangu hinnia haau hĩcĩ akũmaneeku aajĩlõ cĩ Nyekuci, hode akũmaneeku Yeesu Krĩstõ dẽẽdẽ.

1 Tẽꞌthaloonika 4:8

Nẽ ẽẽtĩ ꞌcĩ ẽdẽcẽẽkĩ ꞌlimman icci, hõllõngaa ẽdẽcẽẽkĩ ꞌlimman cĩ eeto, ẽdẽcẽẽkĩ ꞌlimman cĩ Nyekuc ꞌcĩ aaꞌnyuung Lorii ꞌcĩ Ẽllẽẽmĩthĩ.