ꞌLuuka 10:15 - ꞌBuuk cĩ Thõõth cĩ Nyekuci

¹⁵ Nẽ niig Kapernaumĩ, ammuku mõnõ niig ainnu, okooyyuung hatĩ Nyekuci ngagiit hẽẽtahujjieen thõng? Adhuhoothĩku hatĩ niig looccaa cĩ daakiahu!”

ꞌLuuka 10:15 ပူးပေါင်းရင်းမြစ်များ

ꞌThianaattõ 11:4

Nẽ othoothito nẽẽg ĩĩtõ, “Nẽẽthĩ ꞌyioko, hẽtẽhẽnyta ꞌtaaũn cĩnaac ꞌcĩ aꞌnyak ꞌcieeth ꞌcĩ uuni ꞌcĩ õdõlan hẽẽtkujjieen, hátĩ hubulli ꞌthaara cĩggaac ũdũt nẽ iittiõõ hõllõngaa hĩꞌthanothoothĩk looc nicci vẽlẽk.”

Maatteeo 10:28

Ma hiꞌngolinnu eet ꞌcĩg aruk ẽlẽ diooni nẽ hõllõngaa occa aruk lori buúk. Itingolli Nyekuc diooni ꞌcĩ occa aruk ẽlẽ hĩ lori cunuung ꞌgwoyyiaa ꞌcĩ aalla ũdũt.

Maatteeo 11:23

Nẽ niig eeta cĩg Kapernaumĩ, ammuku niig ainnu odongiinnu hatĩ niig õdõlanit hẽẽtkujjieen? Aitiõõ, ooyyu hatĩ niig looccaa cĩ daakiahu. Má baa hĩdĩmattĩ thooꞌthioha baag ĩnaat eeta ꞌtaaũnaa cunuung, ꞌtaaũnaa cĩ ꞌThõõdõmĩ, occa ꞌyioko nga aaĩ ꞌtaaũnĩ niccia hĩĩ noho.

Maatteeo 4:13

Ma baa ũtũngeek nẽẽ Naaꞌtharẽt, ũũk aau Kapernauma ngaatĩ abakꞌthõõ hĩ bũlũc looccaa cĩ ꞌThebuluni hĩ Navtali.

ꞌLuuka 13:28

“Aluyyu hatĩ gẽrrẽẽt nẽ adaktu nyĩgĩt hatĩ icittu Abũrahaamõ hĩ Iꞌthaako hĩ Yakobo hĩ põrõvẽtaaꞌnya vẽlẽk habuccieetaa cĩ Nyekuci nẽ nẽẽ itiggiayyioothihu niig battaali.

ꞌLuuka 16:23

Ma looccaa cĩ daakiahu, ũũk accananĩ nẽẽ gẽrrẽẽt. Ma baa acĩnoothi hẽẽtkujjieen ko, adtuuhothi hinnia Abũrahaamõ ꞌrẽẽna arũmĩ hĩ Laaꞌtharõ.

2 Pẽẽtũrũ 2:4

Hĩnĩngĩtĩ baa hõllõngaa ammaannĩk Nyekuci aajĩlẽẽt baa ẽꞌthẽcanĩ. Baa ẽcẽb nẽẽ ĩhõõggõ muguuratõõ nẽ udhuheek ꞌgwoyyiaa ꞌcĩ aalla ũdũt, ĩꞌthõng kõr ꞌcĩ hatĩ ẽttẽẽdĩ nẽẽ thooꞌthiok cĩggĩĩng.