ꞌLuuka 10:11 - ꞌBuuk cĩ Thõõth cĩ Nyekuci

¹¹ ‘Ĩꞌnya hutuddungteeha tuduhaac cĩ ꞌtaaũn cunuung ꞌcĩ aaĩ ꞌthõõnĩ cĩggaang ko loota, hĩĩ terethiinit ꞌcĩ adulothoothikuung bolloohiniti. Nẽẽthĩ, agaac jurrung ngaatĩ aavvi habuccieet cĩ Nyekuci ojoonu.’

ꞌLuuka 10:11 ပူးပေါင်းရင်းမြစ်များ

Maatteeo 10:14

Nẽẽthĩ, má aburruung eet umwaanĩ hode hõllõngaa athĩhĩ nyeemuut, utuddungteek tuduhaac cĩ ꞌthoo cugguung hĩĩ terethiinit ꞌcĩ aburruung nẽẽg ngagiit, hatĩ ũtũngteehu õlõ tĩho hode ꞌtaaũn tĩho.

Maatteeo 10:7

Nẽ ma oottu, irrioonit nyeemuut ꞌcĩ aĩ, ‘Õbõhĩ habuccieet cĩ hẽẽtkujjieen aau ojoonu.’

Maatteeo 3:2

Baa irrioon nẽẽ nyeemuut ꞌcĩ aĩ, “Ũtũngteek ꞌthẽccanẽẽt cugguung nẽ oboddiaau hĩ Nyekuc, hĩnĩngĩtĩ aau habuccieet cĩnnĩ cĩ hẽẽtkujjieen ojoonu.”

Maarko 6:11

Nẽ má hõllõngaa elemmuung eeta õlõõ ꞌcĩ uppwannothoothiku ho nẽ hõllõngaa athiknuunga, ũtũngteek eet nicciag nẽ utuddungteehu tuduhaac cĩ ꞌthoo cugguung nĩngaata, hátĩ hĩĩ terethiinit cĩ bathi cĩnĩĩng.”

ꞌLuuka 10:10

Nẽẽthĩ, ꞌtaaũnaa ĩĩcĩ ooyyu nẽ utuburruung eeta, õõt ꞌgoolliohĩ cĩggĩĩng nẽ iittihu,

ꞌLuuka 10:9

Õõt ꞌthẽk aanytĩk eet vẽlẽk ꞌcĩg õmmõõrĩ hũbũttaathõ, nẽ uduktaahu iittihu, ‘Aau habuccieet cĩ Nyekuci ojoonu.’

ꞌLuuka 9:5

Nẽ má aburruung eeta ngaamwaanĩ, utuddungteek tuduhaac cĩ ꞌthoo cugguung nĩngaata, hatĩ ũtũngteehu ꞌtaaũn tĩho, hátĩ hĩĩ terethiinit ꞌcĩ utuburru niig ĩhõõggõ.”

Dtiicanĩ cĩg ꞌThooyyiahu 13:26

“ꞌGotoonoga hĩ ngoonoga, lõhõlẽẽtĩg Abũrahamĩ hĩ ngagiit eet ꞌcĩg hõllõngaa iiginnu eet cĩg ꞌJudeei nẽ iꞌngolinnu Nyekuc ko, ngagĩĩt vẽlẽk ꞌcĩg baag iꞌthooyyiakeet nyeemuut ciee elliitto ho.

Dtiicanĩ cĩg ꞌThooyyiahu 13:40

Uꞌthuutti eleeti jurrung thooꞌthiohĩĩ baag aduha põrõvẽtaaꞌnya, hiittiõõ hõllõngaa aggammuung ngagiita. Baa aĩ nẽẽg,

Dtiicanĩ cĩg ꞌThooyyiahu 13:46

Nẽẽthĩ, baa ẽdẽcĩ Paaulo hĩ Baarnaba tõrõmẽẽꞌthĩta anneek, “Baa hadiimma naag hallimaneekuung ngagiit nyeemuut cĩ Nyekuci ĩĩcĩ oou, õõa ꞌcĩ nga hillimatteeha eet ũgĩ, aburru hinnia niig nyeemuut tĩho! Ĩko aburru rũgẽt ꞌcĩ aalla ooo. Nẽẽthĩ ꞌyioko, hoottia naag nyeemuut icci, hĩ eet ꞌcĩg hõllõngaa ĩĩn ꞌJudeei,

Dtiicanĩ cĩg ꞌThooyyiahu 13:51

Ma ho, utuddungit Paaulo hĩ Baarnaba tuduhaac ꞌthõõnĩĩ cĩggĩĩng ngaatĩho noho nẽ õõt ĩĩcĩ ꞌtaaũn ꞌcĩ haĩ Ikonium.

ꞌRooma 10:21

Nẽẽthĩ, õthõõth Nyekuci eet cĩg Ĩꞌthĩraẽlĩ aĩ, “Waathĩn hũtũrũũr, hodongi naa athĩn cĩgannĩg hẽẽtahujjieen, hĩnĩngĩtĩ eet ꞌcĩg hõllõngaa athĩknĩ nẽ ũtũbũrĩt Nyekuc.”

ꞌRooma 10:8

Nẽẽthĩ, aĩ thõõth ciee ne? Aĩ, “Õbõhĩ nyeemuut hĩ nganiit aau ojoonu, aau ũtũũga hĩ ꞌthĩnĩtaa cunni.” Nẽ aduhõõ nyeemuut ciee hĩ lemiinit ꞌcĩ hirrioonna naag ko thõng, thõõth cĩ lemiinit ꞌcĩ hirrioonna naag ko niccia.

Ebereei 1:3

Ĩĩn Ngeerĩnĩ lanyit cĩ bulẽẽnĩt cĩ Nyekuci nẽ aduhõõ nẽẽ hĩ Nyekuc ꞌgiiaa vẽlẽk. Aggam nẽẽ looc vẽlẽk kõmĩĩthaa cĩ thõõth cĩnnĩ. Ma baa ũtũũny nẽẽ ꞌthẽccanẽẽt cĩg eetuk ẽlẽk, ũũk iccioloongan hẽẽtahujjieen attiaa cobbi makaaꞌthĩtaa cĩ Nyekuci.