ꞌLuuka 1:76 - ꞌBuuk cĩ Thõõth cĩ Nyekuci

⁷⁶ Nẽẽthĩ, niina loholeec caannĩ ho, auyyi hatĩ eeta anneeki põrõvẽtaac cĩ Nyekuc ꞌcĩ ĩllõõan vẽlẽk, hĩnĩngĩtĩ uwwattẽẽkĩ hatĩ nii Makayyioohit õkõ akũmanẽẽkĩ ĩnõõnnõ ꞌgõõla.

ꞌLuuka 1:76 ပူးပေါင်းရင်းမြစ်များ

Maatteeo 14:5

Baa adiim aruk Ẽrõõdẽ Yõaannẽ nẽ baa itieelli nẽẽ lothippit cĩ eetu, hĩnĩngĩtĩ baa aĩ nẽẽg, ĩĩn Yõaannẽ põrõvẽtaac.

Maatteeo 21:26

“Nẽ ma hanneek, ‘Aku hĩ eeta,’ hiteelli naag eeta, hĩnĩngĩtĩ ammuk nẽẽg vẽlẽk aĩ, ĩĩn Yõaannẽ põrõvẽtaac.”

Maatteeo 3:11

“Haggameekuung naa baattithimo cĩ tũngẽẽnĩt cĩ ꞌthẽccaneetu maamĩ haaga, nẽẽthĩ, aku hatĩ eet umwaa ꞌcĩ ĩllõõannaa nganĩĩta, eet ꞌcĩ aitiõõ naa hõllõngaa hũũppani ngaatĩ hĩĩnnĩ appahaca cĩnnĩ nẽ hitilola caawa cĩgĩnnĩg. Aggameekuung hatĩ nẽẽ ngagiit baattithimo Loriiaa ꞌcĩ Ẽllẽẽmĩthĩ hĩ ꞌgwoyyia.

Maatteeo 3:3

Baa Yõaannẽ Batitta baa õthõõth põrõvẽtaacĩ Iꞌthaia aĩ, “Ẽggẽrẽny mõlõõhĩ cĩ eet umwa horrwaa ꞌcĩ õdõhõhĩĩ kak aĩ, ‘Ũkũmatteek ꞌgõõl cĩ Makayyiookto, aanytĩk ꞌgõõl cĩnnĩ hũũlan.’ ”

Maarko 11:32

Nẽ ꞌgõõlaa umwaanĩ, baa ẽlẽmĩ eeta cieeg ngaatĩ ĩĩnnĩ Yõaannẽ põrõvẽtaac. Nẽẽthĩ, occa hõllõngaa haĩ eet cĩ holli õõ haaga, ꞌcĩ aaꞌnyĩk ĩnõõnnõ makaaꞌthĩt ꞌcĩ aggamẽẽkĩ eet baattithimo ho.”

ꞌLuuka 1:32

Aku hatĩ ĩĩn nẽẽ eet cobbi gẽrrẽẽt ꞌcĩ hatĩ haĩ, Ngeertĩ Nyekuc ꞌcĩ ĩllõõan vẽlẽk. Aaꞌnyĩk hatĩ Makayyioohiti Nyekuci ĩnõõnnõ hĩĩ habu, hĩ baa maaꞌnyia Daavide.

ꞌLuuka 1:35

Ẽdẽcĩ aajĩlõ ĩnõõnnõ anneek, “Alluucciakii hatĩ Lorii ꞌcĩ Ẽllẽẽmĩth nganiit nẽ ummuti ꞌtirriani cĩ Nyekuc ꞌcĩ ĩllõõan vẽlẽk. Ma urutaa cĩnnĩ, ũũkcaa hatĩ loholeec ꞌcĩ ẽllẽẽmĩth ꞌcĩ hatĩ haĩ Ngeertĩ Nyekuci.

ꞌLuuka 6:35

Nẽẽthĩ, ĩmmĩnanit mĩrõk cugguung nẽ ĩdĩmatteehu thooꞌthiok ꞌcĩg abũnnaa. Nẽ má aaꞌnyiku ĩhõõggõ ꞌgiimwa, ma hadiimmu hoboddiaakuung tarĩ. Ĩnõõ ꞌcĩ hatĩ ammũdaannu ꞌbaaninit ꞌcĩ maka gẽrrẽẽt nẽ iittu lõhõlĩ cĩg Nyekuc ꞌcĩ ĩllõõan vẽlẽk. Hĩnĩngĩtĩ tarbal nẽẽ hĩ eet ꞌcĩg ĩĩn ꞌthẽccanniook hĩ ꞌcĩg hõllõngaa atalĩ ĩnõõnnõ buúk.

Yõaannẽ 1:23

Ma ho, attacan Yõaannẽ ĩhõõggõ thõõthaa cĩ põrõvẽtaac Iꞌthaia ĩĩnnĩk, “Hĩĩnĩ naa molook ꞌcĩ ẽggẽrẽny horrwatõõ umwaanĩ ĩcĩ õdõhõhĩĩ kak aĩ, ‘Ũkũmatteek ꞌgõõl cĩ Makayyiookto hũũlan!’ ”

Yõaannẽ 1:27

Tananga baa huwwatta naa ĩĩcĩ oou, hõllõngaa occa hũũlũ ngaatĩ hõõgĩ lõhamũcĩ cĩg caawa cĩgĩnnĩg.”

Yõaannẽ 3:28

Nẽ dĩdĩ, ammuhooꞌthu niig thõõth baa hanneekuung naa, ‘Hõllõngaa hĩĩnĩ naa Krĩstõ, hĩĩnĩ naa eet ꞌcĩ ĩꞌthõõannaa Nyekuci ĩĩcĩ oou hĩ ĩnõõnnõ.’

Dtiicanĩ cĩg ꞌThooyyiahu 16:17

Baa anũyyeet bũhẽẽcĩ ciee ngagĩĩt hĩ Paaulo nẽ awacak ĩĩ, “Ĩĩn eeta cieeg dticcianniook cĩg Nyekuc ꞌcĩ ĩllõõan vẽlẽk! Aduhaakuung nẽẽg ngagiit ꞌgõõl ꞌcĩ eelliannu ꞌthẽccanẽẽtĩ.”