ꞌLuuka 1:68 - ꞌBuuk cĩ Thõõth cĩ Nyekuci

⁶⁸ “Aꞌnyĩĩk hĩdĩhĩthĩ Makayyioohiti Nyekuci cĩ Ĩꞌthĩraẽlĩ, hĩnĩngĩtĩ ikia ũrũgũtha nẽẽ eet cĩgĩnnĩg.

ꞌLuuka 1:68 ပူးပေါင်းရင်းမြစ်များ

ꞌThianaattõ 14:20

Aꞌnyĩĩk Nyekuc ꞌcĩ ĩllõõan vẽlẽk baa aaꞌnyi ꞌtirriani ꞌcĩ ĩllõõanĩĩ mĩrõk hubuluthi.” Ma nĩngaata, ẽꞌngẽraak Abũraamõ Melkithẽdẽk hẽlẽggĩ ũgĩ ꞌcĩg abadtẽc baag ammiira nẽẽ jora.

ꞌThianaattõ 24:27

“Hatali Makayyioohit Nyekuc cĩ Abũrahamĩ gẽrrẽẽt, ngaatĩ ĩĩnnĩ tarbal nẽ ĩdĩmaneek makayyioohit caannĩ thõõth baa aduha. Aꞌnyahaawa Makayyioohiti Nyekuci ĩꞌthõng õlõ cĩ ittioonniok cĩg makayyioohit caannĩ Abũrahaamõ.”

ꞌThianaattõ 9:26

Nẽ tarĩ ĩĩ, “Aꞌnyĩĩk Makayyioohit Nyekuc cĩ ꞌThẽmĩ hubuluthi nẽ aꞌnyĩĩk Kanaan hĩĩ appahaca cĩnnĩ.

Luugithõõ 4:31

nĩngĩtĩ au elemiini eeta. Ma baa athĩhĩ nẽẽg ngaatĩ ammuhi Makayyioohiti ĩhõõggõ nẽ ĩcĩn pĩĩrnanĩt cĩnĩĩng ko, iita akatit huruꞌnyia nẽ alayyio.

ꞌLuuka 1:71

ẽẽlanneet hatĩ nẽẽ ngagĩĩt athĩnĩĩ cĩg mĩrõk cĩggaac hĩ ĩcĩg eet ꞌcĩg aaburreekeet ngagĩĩta.

ꞌLuuka 19:44

Õrrõyõõhaneekuung hatĩ nẽẽg ngagiit looc, hõdẽĩ hĩ lõhõlĩ cugguung vẽlẽk. Hĩnĩngĩtĩ hõllõngaa hatĩ ũũnnĩk mĩrõha cugguung bẽẽ umwa hataadĩ ꞌgoonnia, hĩnĩngĩtĩ hõllõngaa elemmu niig kõr cĩ elliaanĩt cunuung.”

ꞌLuuka 2:38

Ma kõr niccia, ikia ũmmũdaak nẽẽ buúk Yothebo hĩ Maria nẽ atal Nyekuc, nĩngĩtĩ ahĩkĩĩmanaakĩ eet ꞌcĩg baag ẽrẽ elliaanĩt cĩ ꞌJeruꞌthalẽmĩ thõõth cĩ ĩdolo.

ꞌLuuka 24:21

Baa hinnia hammuka haĩnna, occa ĩnõõnnõ ꞌcĩ baa hatĩ aku õõga eet cĩg Ĩꞌthĩraẽlĩ hiita haauto lõꞌngõõc. Aꞌnyak ꞌyioko thõõth ciee iyyieni waathinniook iyyio.

ꞌLuuka 7:16

Ma nĩngaata, ubulan thõõth ciee eet vẽlẽk ꞌcĩg aattĩg nĩngaata, nĩngĩtĩ au adĩkꞌthĩ Nyekuc gẽrrẽẽt aĩnnĩ, “Uppwaannaheet aattĩ põrõvẽtaacĩ cobbi gẽrrẽẽt. Ikia ẽla Nyekuci eet cĩgĩnnĩg.”

Eevvetho 1:3

Hĩdĩhĩthĩt Nyekuc Maaꞌnyĩ Makayyioohit cĩnaac Yeesu Krĩstõ ꞌcĩ aꞌnyahaakeet ngagĩĩt ꞌgattan hẽẽtahujjieen.

Eevvetho 1:7

Abal Nyekuci tarbalꞌthẽẽt hĩ bũnnai hĩ ꞌgẽẽnyĩth nẽ ũtũũwa oggiaanĩt cĩnaac biyyiẽẽtĩĩ cĩg Ngeerĩnĩ nẽ ũtũngeek ꞌthẽccanẽẽt cĩggaac.

Ebereei 9:12

Aitiõõ hõllõngaa aduhun Krĩstõ Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt ko, biyyiẽẽtĩĩ cĩg ẽẽthak hĩ cĩg maala ꞌcĩg ĩĩn ꞌgaarriẽẽn. Baa aduhun Krĩstõ nĩngĩtĩ nicci tabattĩ hõdẽẽthõng biyyiẽẽtĩĩ cĩgĩnnĩg, hátĩ hõõgaeet ngagĩĩt ꞌthẽccanẽẽtĩ cĩggaac ũdũt.

1 Pẽẽtũrũ 1:3

Hĩdĩhĩthĩt Nyekuc Maaꞌnyĩ Makayyioohit cĩnaac Yeesu Krĩstõ. Tamaatittaa cĩnnĩ ĩcobbi, aaꞌnyeet Nyekuci ngagĩĩt rũgẽt ꞌcĩ ĩĩn ngeju hĩ muhẽẽnĩt ꞌcĩ abũnnaa ꞌcĩ aalla ũdũt, ngaatĩ arũgthaanĩ Yeesu daahĩtha.